រាជធានីភ្នំពេញ ៖ លោកឧកញ៉ាបណ្ឌិត ម៉ុង ឫទ្ធី នៅម៉ោង៦និង៤៦នាទីថ្អៃទី០២ មេសា ២០២១នេះបានបង្ហោះរូបភាពជាច្រើនសន្លឹក អមដោយសារថា«មើលតាមបណ្តាញសង្គមហ្វេសប៊ុក ឃើញកសិករនៅខេត្តសៀមរាប…
រាជធានីភ្នំពេញ ៖ លោកឧកញ៉ាបណ្ឌិត ម៉ុង ឫទ្ធី នៅម៉ោង៦និង៤៦នាទីថ្អៃទី០២ មេសា ២០២១នេះបានបង្ហោះរូបភាពជាច្រើនសន្លឹក អមដោយសារថា«មើលតាមបណ្តាញសង្គមហ្វេសប៊ុក ឃើញកសិករនៅខេត្តសៀមរាប បង្ហោះអោយជួយទិញផ្លែល្ពៅ ដែលពួកគាត់ដាំបានហើយ គ្មានអ្នកទិញ ខ្ញុំបានជួយទិញពួកគាត់ សរុបទាំងអស់បានចំនួន ៦.៥០០គីឡូក្រាម គុណភាមិនសូវល្អទេគាត់ដាំ នៅជិតទន្លេ ប៉ុន្តែល្ពៅនេះ ស្ពោតៗ ខ្វះជាតិទឹក» ។
លោកឧកញ៉ាបណ្ឌិត ម៉ុង ឫទ្ធី បានបញ្ជាក់ថា «ខ្ញុំមានសំណូមពរ ដល់ប្រជាកសិករយើង សូមមេត្តា កុំចាំតែស្រែក តាមបណ្តាញសង្គមខ្លាំងពេក វាអាចធ្វើអោយមានផលប៉ះពាល់ដល់កិត្តិយសជាតិរបស់យើង កសិករត្រូវតែឆ្លាតវៃ រាល់ការដាំ គួរតែចិញ្ចឹមសត្វដូចខ្ញុំថតរូបមួយចំនួន តូចនៅក្នុងនេះ ពេលយើងលក់មិនចេញនោះ ត្រូវតែយកមកអោយសត្វស៊ី បើយើងគិតពីតម្លៃវិញ វាមិនថ្លៃជាងចំណីសត្វទេ គឺផ្លែល្ពៅនេះ ៦០០រៀល ក្នុងមួយគីឡូក្រាម ឈ្នួលដឹកជញ្ជូន ២០០រៀលទៀតពីខេត្តសៀមរាប មកភ្នំពេញ សរុប៨០០រៀល ក្នុងមួយគីឡូក្រាម បើយើងគើតពីតម្លៃចំណីសត្វ ពេលនេះគឺ ១,៨០០រៀលក្នុងមួយគីឡូក្រាម ប្រមាណជា៤២៥ដុល្លារក្នុងមួយតោន» ។
ពាក់ព័ន្ធនឹងករណីខាងលើនេះដែរ កសិករដាំល្ពៅនៅតាមចំការក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ កាន់តែខកចិត្ត ខណៈផ្លែល្ពៅបន្តធ្លាក់ចុះរហូតត្រឹម១០០រៀលក្នុងមួយគីឡូក្រាម ខុសពីប៉ុន្មានថ្ងៃមុនលក់បាន២៥០រៀល ។ នេះជាការបញ្ជាក់ប្រាប់អ្នកសារព័ត៌មាននៅព្រឹកថ្ងៃទី២ ខែមេសា ឆ្នាំ២០២១ នៅចំណុចមាត់កំពង់ទឹក ឃុំឆ្នុកទ្រូ ស្រុកបរិបូណ៌ ៕
សូមអានព័ត៌មានលម្អិតតាមរយៈ«កសិករស្ទើរតែស្រែកយំ! ផ្លែល្ពៅបន្តចុះថ្លៃសល់ត្រឹម១០០រៀលក្នុង១គីឡូក្រាម»
ចែករំលែកព័តមាននេះ