ប្រទេសវៀតណាម ៖ អត្រាប្តូរប្រាក់ដុលា្លរអាមេរិក និងប្រាក់ដុងវៀតណាម បានធ្លាក់ចុះនៅតាមបណ្តាធនាគារពាណិជ្ជនានាក្នុងស្រុក ដោយផ្អែកតាមការសម្រេចចិត្តរក្សាលំនឹងនៃអត្រាការប្រាក់របស់ធនាគារ
ប្រទេសវៀតណាម ៖ អត្រាប្តូរប្រាក់ដុលា្លរអាមេរិក និងប្រាក់ដុងវៀតណាម បានធ្លាក់ចុះនៅតាមបណ្តាធនាគារពាណិជ្ជនានាក្នុងស្រុក ដោយផ្អែកតាមការសម្រេចចិត្តរក្សាលំនឹងនៃអត្រាការប្រាក់របស់ធនាគារកណ្តាលរបស់សហរដ្ឋអាមេរិក(Fed) ។
យោងតាមសារព័ត៌មាន VNA ធនាគារ Vietcombank បានបញ្ចុះអត្រាទិញចូលនិងលក់ចេញនូវប្រាក់ដុល្លារអាមេរិកនៅថ្ងៃ១៩កញ្ញា ប្រមាណជា២៥ដុងធៀបនឹងការបិទការជួញដូរកាលពីថ្ងៃមុន ដែលចុះបញ្ជីអត្រាទិញចូល២២.៤៤៥ដុង និងលក់ចេញ២២.៥០៥ដុងក្នុង១ដុល្លារ ។
ចំណែក Vietinbankវិញបានដាក់តម្លៃនៃអត្រាទិញចូល២២.៤៤៥ដុងនិងលក់ចេញ២២.៥០០ដុងក្នុង១ដុល្លារ ពោលគឺហាងឆេងនៃការជួញដូរបានធ្លាក់ចុះ៤០ដុង ។
ចំណែកធនាគារ BIDVបានកាត់បន្ថយទិញចូលប្រមាណជា២៥ដុងឬស្មើនឹង២២.៤៦០ដុងក្នុង១ដុល្លារ និងលក់ចេញបន្ថយ២០ដុងឬស្មើនឹង២២.៥២០ដុងក្នុង១ដុល្លារ ។
រីឯនៅធនាគារEximbank ឯណោះវិញអត្រាទិញចូលបានបន្ថយ៤០ដុងឬស្មើនឹង២២.៤៣០ដុងក្នុង១ដុល្លារ និងលក់ចេញថយ៣៥ដុងឬស្មើនឹង២២.៥១០ដុងក្នុងមួយដុល្លារ។
បច្ចុប្បន្នអត្រាប្តូរប្រាក់នៅតាមធនាគារជាមធ្យមគឺ២១.៨៩០ដុងក្នុង១ដុល្លារ ។ ធនាគាររដ្ឋវៀតណាម(SBV) បានចុះបញ្ជីអត្រាទិញចូលក្នុងហាងឆេង២១.៨០០ដុងក្នុង១ដុល្លារនិងលក់ចេញ២២.៤៧៥ដុងក្នុង១ដុល្លារនៅការិយាល័យកណ្តាលរបស់ខ្លួន ។
អត្រាប្តូរប្រាក់រវាងដុល្លារ-ដុង បានកើនឡើងយ៉ាងខ្លាំង បន្ទាប់ពីធនាគារកណ្តាលបានទម្លាក់ថ្លៃប្រាក់ដុងប្រមាណជា១% និងបានពង្រីកអត្រាជួញដូរដែលស្ថិតក្រោមការគ្រប់គ្រងដោយធនាគារកណ្តាលចំពោះអត្រាការប្រាក់គោល៣%កាលពីខែមុនដើម្បីបង្រួមឲ្យកាន់តែមានកម្រិតតិចនៃផលប៉ះពាល់អវិជ្ជមាននៃការទម្លាក់ថ្លៃយ៉ាងគំហុកនៃប្រាក់យន់របស់ចិន ។
ការស្ទាបស្ទង់ទីផ្សារអំពីការដំឡើងអត្រាការប្រាក់របស់ធនាគារកណ្តាលសហរដ្ឋអាមេរិកបានជំរុញនូវក្តីបារម្ភនានាពីសម្ពាធកាន់តែច្រើនលើរូបិយប័ណ្ណ និងសេដ្ឋកិច្ចក្នុងស្រុក ជាពិសេសនៅពេលជញ្ជីងតុល្យភាពនៃប្រាក់កាសដែលយកមកគិតគូររបស់វៀតណាម កំពុងរំកិលចុះទៅក្នុងឱនភាព ។
អនុប្រធានគណៈកម្មការគ្រប់គ្រងហិរញ្ញវត្ថុជាតិលោក Truong Van Phuoc បានថ្លែងថាអត្រាការប្រាក់របស់សហរដ្ឋអាមេរិកនៅតែមានកម្រិតមិនប្រែប្រួលដដែល ដែលបានអនុញ្ញាតឲ្យទីផ្សារឡើងចុះៗដែលហាក់ដូចជាខ្សោយថាមពលនៅក្នុងការធ្វើឲ្យធូរស្បើយ ស្របពេលដែលវាចង្អុលបង្ហាញឲ្យឃើញថា ធនាគារកណ្តាលអាមេរិកកំពុងបន្តរក្សាការប្រុងប្រយ័ត្នខ្ពស់ ខណៈដែលសេដ្ឋកិច្ចសហរដ្ឋអាមេរិកនៅតែមិនសូវមានសកម្មភាពនៅឡើយ ។
លោកបានបន្តថា ការផ្លាស់ប្តូរនេះមិនគួរនឹងផ្ទុយពីនិន្នាការទីផ្សារឡើយ បើទោះជាចាប់តាំងពីធនាគារកណ្តាលសហរដ្ឋអាមេរិកនឹងបន្តទិសដៅដំឡើងអត្រាការប្រាក់នៅចុងឆ្នាំនេះក៏ដោយចុះ ។
បើតាមការអះអាងពីលោក Phuoc ឲ្យដឹងថា លក្ខខណ្ឌម៉ាក្រូសេដ្ឋកិច្ចក្នុងស្រុកត្រូវបានបង្កើតឡើងជាមួយនឹងកំណើនសេដ្ឋកិច្ចនៅក្នុងអត្រាការប្រាក់ពី៦%ទៅ៦,៥% ហើយអតិផរណាក៏ត្រូវបានគ្រប់គ្រងក្នុងកម្រិតទាបដែរ ជាមួយនឹងការរំពឹងទុកនៃការសម្រេចបានពី១%ទៅ១,៥%នៅឆ្នាំនេះ ។
លោកបានបន្ថែមទៀតថា « កត្តាទាំងនេះបង្កើតនូវចក្ខុវិស័យភ្លឺស្វាងជាមួយនឹងលទ្ធភាពវិជ្ជមាន(សម្រាប់សេដ្ឋកិច្ចក្នុងស្រុក)ក្នុងអំឡុងពេលដែលនៅសេសសល់នៃឆ្នាំនេះ ទោះជាធនាគារកណ្តាលអាមេរិកដំឡើងការប្រាក់ឬក៏អត់ក៏ដោយ » ។
ចំណែកលោក Nguyen Tri Hieu អ្នកជំនាញផ្នែកហិរញ្ញវត្ថុ និងធនាគារបានលើកឡើងថា ការសម្រេចចិត្តចុងក្រោយរបស់ធនាគារកណ្តាលសហរដ្ឋអាមេរិក នឹងត្រឹមតែបង្កើតឡើងនូវស្ថិរភាព(រូបិយវត្ថុ)ជាបណ្តោះអាសន្នប៉ុណ្ណោះក្នុងប្រទេសវៀតណាម ហើយក៏ជាអ្វីដែលធនាគាររដ្ឋវៀតណាមគួរតែនាំយកនូវវិធានការសកម្មជាមុនដើម្បីលៃលកដោះស្រាយជាមួយនឹងការប្រែប្រួលឡើងចុះនៅថ្ងៃអនាគតផងដែរ ៕
ចែករំលែកព័តមាននេះ