រកមុខម្ចាស់សំឡេង ប្រកាសបិទទីក្រុងភ្នំពេញ ឃើញហើយ
រាជធានីភ្នំពេញ ៖ បុរសម្នាក់ឈ្មោះ វ៉ាន់ រចនា ដែលបានយកសារសំឡេងបុគ្គលមិនស្គាល់អត្តសញ្ញាណ មកផ្សព្វផ្សាយជាមួយនឹងរូបភាព ដែលថា មានការបិទទីក្រុងភ្នំពេញ បានចូលខ្លួនសារភាពកំហុស…
រាជធានីភ្នំពេញ ៖ បុរសម្នាក់ឈ្មោះ វ៉ាន់ រចនា ដែលបានយកសារសំឡេងបុគ្គលមិនស្គាល់អត្តសញ្ញាណ មកផ្សព្វផ្សាយជាមួយនឹងរូបភាព ដែលថា មានការបិទទីក្រុងភ្នំពេញ បានចូលខ្លួនសារភាពកំហុស…
រាជធានីភ្នំពេញ ៖ បុរសម្នាក់ឈ្មោះ វ៉ាន់ រចនា ដែលបានយកសារសំឡេងបុគ្គលមិនស្គាល់អត្តសញ្ញាណ មកផ្សព្វផ្សាយជាមួយនឹងរូបភាព ដែលថា មានការបិទទីក្រុងភ្នំពេញ បានចូលខ្លួនសារភាពកំហុស និងសុំទោសជាសាធារណ: ចំពោះកំហុសរបស់ខ្លួនដែលបានផ្សព្វផ្សាយព័ត៌មានមិនពិតនេះ ។
បើតាមប្រភពពីស្នងការដ្ឋាននគរបាលរាជធានីភ្នំពេញ បានអោយដឹងថា នៅវេលាម៉ោង ១២និង៤០នាទី ថ្ងៃទី៣០ ខែមីនា ឆ្នាំ២០២១ កម្លាំងសមត្ថកិច្ច ផែនសន្តិសុខ នៃការិយាល័យប្រឆាំងបទល្មើសបច្ចេកវិទ្យា បានកោះហៅជនសង្ស័យឈ្មោះ វ៉ាន់ រចនា ភេទប្រុស អាយុ២៦ឆ្នាំ ទីលំនៅបច្ចុប្បន្ន ផ្ទះលេខ៥៩ ផ្លូវ២៤ ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ជាម្ចាស់គណនី Tiktok ដែលមានឈ្មោះ Rachana BK ដោយបានបង្ហោះវីដេអូ មានខ្លឹមសារជាសំឡេងថា «ភ្នំពេញគេអាចបិទច្រក យប់ហ្នឹង គេប្រកាសអាសន្នបិទច្រក លែងអោយចូលភ្នំពេញ……» ដោយបានភ្ជាប់ជាមួយនឹងសកម្មភាពវីដេអូ នៃការកកស្ទះចរាចរណ៍ របស់ប្រជាពលរដ្ឋ នាំអោយប្រជាពលរដ្ឋមានការយល់ច្រឡំ តាមពិត ជាក់ស្តែងរហូតមកដល់ពេលនេះ មិនមានគោលការណ៍ណាមួយ ឲ្យមានការបិទច្រកចេញចូលរាជធានីភ្នំពេញនោះទេ ។
ក្រោយពីទទួលកំហុសជាសាធារណ: ធ្វើការណែនាំអប់រំ និងធ្វើកិច្ចសន្យា រួចមក សមត្ថកិច្ចបានអនុញ្ញាតឲ្យត្រឡប់ទៅគេហដ្ឋានវិញ ៕
ចែករំលែកព័តមាននេះ