ចុះផ្អាក៣ទីតាំង ក្រោយរកឃើញជាប់ពាក់ព័ន្ធអ្នកកើតកូវីដ
- ស្វាយរៀង
ខេត្តស្វាយរៀង ៖ កាលពីថ្ងៃទី២៩ ខែមីនា ឆ្នាំ២០២១ លោក ណុប ចំរើន អភិបាល នៃគណៈអភិបាលក្រុងស្វាយរៀង…
ខេត្តស្វាយរៀង ៖ កាលពីថ្ងៃទី២៩ ខែមីនា ឆ្នាំ២០២១ លោក ណុប ចំរើន អភិបាល នៃគណៈអភិបាលក្រុងស្វាយរៀង…
ខេត្តស្វាយរៀង ៖ កាលពីថ្ងៃទី២៩ ខែមីនា ឆ្នាំ២០២១ លោក ណុប ចំរើន អភិបាល នៃគណៈអភិបាលក្រុងស្វាយរៀង បានដឹកនាំក្រុមការងារទប់ស្កាត់ការរីករាលដាលជំងឺកូវីដ-១៩ ក្រុងស្វាយរៀង បានចុះផ្អាកជាបណ្តោះអាសន្នដំណើរការអាជីវកម្ម រោងចក្របេសធែក ភែកឃីជីង (ខេមបូឌា) ឯ.ក ការដ្ឋានសាងសង់រោងចក្រខាត ថាយអែក និងទីតាំងអាហារដ្ឋាន អេស ធី ស្ថិតនៅសង្កាត់ស្វាយតឿ ក្រុងស្វាយរៀង។
ថ្លែងក្នុងឱកាសនោះ លោក ណុប ចំរើន អភិបាលក្រុងស្វាយរៀង បានជម្រាបទៅម្ចាស់ទីតាំងទាំងបីកន្លែងនេះជ្រាបថា ថ្មីៗនេះមានអ្នកជំងឺកូវីដ-១៩ បានបំពេញការងារក្នុងការដ្ឋានសាងសង់រោងចក្រ ខាត ថាយអែក រួចបានទៅប៉ះពាល់ផ្ទាល់ជាមួយអ្នកបម្រើការងារនៅរោងចក្រ បេសធែក ភែកឃីជីង (ខេមបូឌា) ឯ.ក និងបានចូលហូបអាហារនៅអាហារដ្ឋាន អេស ធី។
លោកបានបន្តថា ដើម្បីទប់ស្កាត់ការរីករាលដាលជំងឺកូវីដ-១៩ ចូលក្នុងសហគមន៍ តម្រូវឱ្យផ្អាកជាបណ្តោះអាសន្នការចេញ-ចូល ការដ្ឋានសាងសង់រោងចក្រ ខាត ថាយអែក រោងចក្របេស ធែកភែកឃីជីង(ខេមបូឌា) ឯ.ក និងអាហារដ្ឋានអេស ធី ជាបន្ទាន់ ហើយក៏មិនអនុញ្ញាតឱ្យមានអ្នកចេញ-ចូល ដោយគ្មានការអនុញ្ញាតពីអាជ្ញាធរពាក់ព័ន្ធឡើយ រហូតដល់មានការជូនដំណឹងសារជាថ្មី ៕
ចែករំលែកព័តមាននេះ