ប្រយ័ត្ន​ចាញ់បោក​អស់​លុយ​រលីង ពេល​ឃើញ​លេខ​នេះ! – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ប្រយ័ត្ន​ចាញ់បោក​អស់​លុយ​រលីង ពេល​ឃើញ​លេខ​នេះ!

3 អាទិត្យ មុន

បច្ចេកវិទ្យា ៖ នា​ពេល​ថ្មី​ៗ​នេះ នាយកដ្ឋាន​ប្រឆាំង​បទល្មើស​បច្ចេកវិទ្យា បាន​រក​ឃើញ​ថា​មាន​ប្រជាពលរដ្ឋ​យើង​ជា​ច្រើន បាន​ទទួល​ការ​តេ​ចូល​ពី​លេខ​ក្រៅប្រទេស ដែល​មាន​ក្បាល​លេខ (+370) និង (+381)…

បច្ចេកវិទ្យា ៖ នា​ពេល​ថ្មី​ៗ​នេះ នាយកដ្ឋាន​ប្រឆាំង​បទល្មើស​បច្ចេកវិទ្យា បាន​រក​ឃើញ​ថា​មាន​ប្រជាពលរដ្ឋ​យើង​ជា​ច្រើន បាន​ទទួល​ការ​តេ​ចូល​ពី​លេខ​ក្រៅប្រទេស ដែល​មាន​ក្បាល​លេខ (+370) និង (+381) ដែល​ជនខិលខូច​គ្រាន់តែ​តេ​ចូល​ហើយ ដាក់ចុះ​វិញ​ភ្លាម​ៗ​។

Picture

តាម​ការ​ស្រាវជ្រាវ​បឋម នាយកដ្ឋាន​រក​ឃើញ​ថា​នេះ​ជា​ប្រភេទ​បោកប្រាស់ (Scam) ស្រ​ដៀង​គ្នា​នឹង​ការ​បោកប្រាស់ call back ដែល​ទាមទារ​ឱ្យ​ជន​រង​គ្រោះ យក​លេខ​ទូរ​សព្ទ​របស់​ខ្លួន​តេ ទៅ​លេខ​ក្រៅប្រទេស​មួយ​ចំនួន​នោះ ដែល​បញ្ហា​នេះ​ក៏​ធ្លាប់​បាន​កើតឡើង ក្នុង​ប្រទេស​កម្ពុជា​យើង​រួច​មក​ហើយ​។

ជាមួយ​ការ​បោកប្រាស់​នេះ អ្នក​ប្រើប្រាស់​នឹង​ត្រូវ​ខាតបង់​លុយ​ជា​ច្រើន​នៅ​ពេល​ដែល​ពួក​គេ​បាន​យក​លេខ​ទូរ​សព្ទ​របស់​ខ្លួន​តេ​ទៅ​លេខ​នោះ ដោយសារ​តម្លៃ​សេវា​គឺ​មាន​តម្លៃ​ថ្លៃ ហើយ​ទឹកប្រាក់​និង​ត្រូវ​បាន​កាត់​យក​ពី​គណនី​ទូរ​សព្ទ​ជន​រង​គ្រោះ​ដោយ​ស្វ័យប្រវត្តិ​។

Picture

នាយកដ្ឋាន​ប្រឆាំង​បទល្មើស​បច្ចេកវិទ្យា សូម​ណែនាំ​ប្រជាពលរដ្ឋ​ទាំងអស់​កុំ​តេ​ទៅ​លេខ​ក្រៅប្រទេស​ដែល​លោក​អ្នក​មិន​ស្គាល់ ហើយ​ជា​ពិសេស​ប្រសិនបើ​បងប្អូន​ទទួល​បាន​សារ មាន​ដូច​ជា ការ​ឈ្នះ​រង្វាន់ ការ​លក់ទំនិញ​ថោក​ក្រោម​តម្លៃ​ទីផ្សារ សូម​បងប្អូន​កុំ​ធ្វើការ​ឆ្លើយ​តប​ព្រោះ​នេះ​គឺជា​ការ​បោក​បញ្ឆោត​របស់​ក្រុម​ក្រុម​ជនខិលខូច​តែ​ប៉ុណ្ណោះ​៕