ចិននឹងផ្ដល់យ៉ាងឆាប់រហ័សនូវវ៉ាក់សាំងដល់កងទាហានមួកខៀវ អ.ស.ប
ប្រទេសចិន ៖ លោក ZHAO LIJIAN អ្នកនាំពាក្យក្រសួងការបរទេសចិនថ្លែងកាលពីថៃ្ងទី១៦ ខែមីនា ឆ្នាំ ២០២១ថា ចិនជួយទ្រទ្រង់វ៉ាក់សាំងប្រឆាំងវីរុសកូវីដ-១៩…
ប្រទេសចិន ៖ លោក ZHAO LIJIAN អ្នកនាំពាក្យក្រសួងការបរទេសចិនថ្លែងកាលពីថៃ្ងទី១៦ ខែមីនា ឆ្នាំ ២០២១ថា ចិនជួយទ្រទ្រង់វ៉ាក់សាំងប្រឆាំងវីរុសកូវីដ-១៩ សម្រាប់កងទាហានមួកខៀវ អ.ស.ប ដើម្បីឲ្យកងទាហានមួកខៀវទាំងនោះ ទទួលបានដោយឆាប់រហ័សការចាក់វ៉ាក់សាំងដែលចិនផ្ដល់ឲ្យ។
លោក ZHAO LIJIAN អះអាងបែបនេះ ក្រោយពីតំណាងអចិន្ត្រៃយ៍ចិនប្រចាំ អ.ស.ប លោក ZHANG JUN បានជំរាបជូនអគ្គលេខាធិការ អ.ស.ប លោក ANTONIO GUTERRS ពីបំណងរបស់ចិន ធ្វើអំណោយវ៉ាក់សាំង៣០០.០០០ដូស ដល់កងទាហានមួកខៀវដោយអាទិភាពត្រូវចាក់ ដល់កងទាហានទាំងនោះ ដែលកំពុងបំពេញបេសកកម្មក្នុងតំបន់អាហ្វ្រិក។
លោកបន្តថា នោះជាវិធានការជាក់ស្ដែងសម្រាប់បំពេញការសន្យារបស់ចិន ដែលចាត់ទុកវ៉ាក់សាំងថា ជាទ្រព្យសាធារណៈពិភពលោក។ បែបនោះបង្ហាញច្បាស់ពីការគាំទ្ររបស់ចិន ចំពោះ អ.ស.ប និងលទ្ធិពហុនិយម និងបង្ហាញពីការព្រួយបារម្ភចំពោះសុខភាពនិងសន្តិសុខរបស់កងទាហានមួកខៀវ៕ ដកស្រង់ចេញពីវេបសាយ ៖ xinhuanet
ចែករំលែកព័តមាននេះ