រាជធានីភ្នំពេញ ៖ ស្រះក្នុងវត្តទឹកថ្លាជាស្រះទឹកមួយមានអាយុកាលប្រមាណជាង១០០ឆ្នាំមកហើយ ស្ថិតនៅក្នុងវត្តទឹកថ្លា ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ហើយជាក៏ជាស្រះមួយដែលសំបូរទៅដោយត្រីគ្រប់ប្រភេទ និងកន្ទាយអណ្តើកធំៗសម្រាប់ជាកន្លែងទាក់ទាញដល់ពុទ្ធបរិស័ទនាំគ្នាទៅលេងយកខ្យល់អាកាសល្អ នាមាត់ស្រះមើលទស្សនាហ្វូងមច្ឆាប្រដេញគ្នា…
រាជធានីភ្នំពេញ ៖ ស្រះក្នុងវត្តទឹកថ្លាជាស្រះទឹកមួយមានអាយុកាលប្រមាណជាង១០០ឆ្នាំមកហើយ ស្ថិតនៅក្នុងវត្តទឹកថ្លា ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ហើយជាក៏ជាស្រះមួយដែលសំបូរទៅដោយត្រីគ្រប់ប្រភេទ និងកន្ទាយអណ្តើកធំៗសម្រាប់ជាកន្លែងទាក់ទាញដល់ពុទ្ធបរិស័ទនាំគ្នាទៅលេងយកខ្យល់អាកាសល្អ នាមាត់ស្រះមើលទស្សនាហ្វូងមច្ឆាប្រដេញគ្នា នៅក្នុងទឹកដ៏ថ្លាយង់នោះ។
តាមតាៗអាចារ្យ វត្តទឹកថ្លា បានដំណាលថា វត្តទឹកថ្លាបានកកើតឡើងប្រមាណជាង១០០ឆ្នាំមកហើយ ពីដើមឡើយ ចាស់ អ្នកស្រុកហៅថា ជាវត្តចុងថ្នល់ ក្រោយមកក៏ហៅថា វត្តទឹកថ្លា ហើយមានឈ្មោះដល់សព្វថ្ងៃជាវត្តទឹកថ្លារហូតមក។ ការដំណើរមកវត្តនេះ មានស្រះមួយយ៉ាងធំ គីស្រះទឹកថ្លា ដែលមានទីតាំងស្ថិតនៅ ចំឃ្លាំងរថយន្ត នៅមុខវត្តទឹកថ្លា គឺទន្ទឹមនឹងស្រះទឹកមួយ នៅក្នុងវត្តទឹកថ្លាផ្នែកខាងត្បូងវត្តនៅពេលនេះ ។
ទោះបីជាយ៉ាងណាមានចាស់ៗ និងព្រះសង្ឃអង្គខ្លះក៏មានសង្ឃដិការអះអាងថា ស្រះទឹកថ្លាគឺជាស្រះទឹកមួយដែលបន្សល់ទុកនៅក្នុងវត្តទឹកថ្លា ផ្នែកខាងត្បូងដែលព័ទ្ធជុំវិញ ទៅដោយចេតិយ៍ នាពេលបច្ចុប្បន្ននេះ។ ស្រះទឹកនេះ បានរួមបន្តិចម្តងៗនិងមានទំហំប្រមាណជាង៤០ម៉ែត្រ៤ជ្រុង និងមានជំជ្រៅ មិនតិចជាង៥ម៉ែត្រនោះទេ ដោយជុំវិញ ត្រូវបានព្រះចៅអធិការវត្តបានរៀបឥដ្ឋព័ទ្ធវិញ និងមានកាំជណ្តើរសម្រាប់ចុះឡើង។ ដោយសារតែស្រះ មានអាយុកាល វែង និងមានការថែទាំ បានល្អ ធ្វើអោយស្រះទឹកដ៍ជ្រៅនេះ បានក្លាយជាជុំរកត្រីគ្រប់ប្រភេទ កន្ធាយ អណ្តើក ធំៗ និងខ្លះ ប៉ុនខ្លួន មនុស្ស ។ ទោះបីជាយ៉ាងណា ដោយមានការប្រែប្រួលអាកាសធាតុ នៅក្នុងរដូវប្រាំងឆ្នាំខ្លះ ត្រីនិងសត្វមួយចំនួន ក៍បានងាប់ជាបន្តបន្ទាប់។ក្រៅពីស្រះទឹកមួយនេះ វត្តទឹកថ្លាមានស្រះទឹកមួយទៀតនៅក្បែរឈាបនដ្ឋានវត្តទឹក ដែលសំបូរទៅដោយត្រីផងដែរ។
តាមព្រះតេជគុណមួយអង្គមានសង្ឃដិការអោយដឹងថា ស្រះទឹកនេះ សំបូរទៅដោយត្រីគ្រប់ប្រភេទនិងអណ្តើក កន្ធាយ ធំៗ ខ្លះប៉ុនខ្លួន កូននេន ។ នៅពេលនេនៗ ចុះងូតទឹកត្រីទាំងនោះ បានដេញខាំក៏មានដែរ។ ដោយសារតែទឹកជ្រៅ និង មានពុទ្ធបរិស័ទ ខ្លះបានយកត្រី កន្ធាយ អណ្តើកទៅលែងបណ្តោះគ្រោះ ធ្វើអោយត្រី សត្វទាំងអស់រស់ធំធាត់ក្នុងទឹកនោះយ៉ាងត្រជាក់ត្រជុំ។
ម្យ៉ាងទៀត ដោយសារតែស្រះទឹកនេះ ទឹកថ្លាយង់ ហើយនៅជុំវិញ មានដើមឈើធំៗ និងស្រះសំបូរទៅដោយត្រីអណ្តើក កន្ធាយធំៗ ធ្វើអោយស្រះទឹកជាកន្លែងសម្រាប់ពុទ្ធបរិស័ទទៅអង្គុយលេង និងខ្លះទៀតបានទិញចំណីឬមី ទៅអោយត្រីស៊ី និងទស្សនាហ្វូងមឆ្ឆាធំតូច មកដណ្តើមចំណី ។ អ្វីដែលធ្វើអោយមានការចាប់អាម្មណ៍ នៅក្នុងស្រះនោះ គេតែងឃើញ កន្ធាយធំមួយប៉ុនខ្លួនមនុស្ស និងត្រីអន្តែងពណ៌លឿង បានហែលចាប់ចំណី ក្នុងស្រះទឹកនិងបណ្តែតខ្លួន គួរអោយគយគន់នៅក្នុងទឹកស្រះដ៏ថ្លាយង់
នេះ៕
ចែករំលែកព័តមាននេះ