រាជធានីភ្នំពេញ ៖ ក្រសួងសុខាភិបាលបានប្រកាសនៅមុននេះបន្តិចថា ក្រសួងបន្តរកឃើញអ្នកឆ្លងកូវីដ១៩ចំនួន ៧៥នាក់ថែមទៀត ដែលពាក់ព័ន្ធព្រឹតិ្តការណ៍ឆ្លងក្នុងសហគមន៍ទាំងអស់ និងមានករណីជាសះស្បើយ ចំនួន២២នាក់ ។ តែយ៉ាងណាមិញ…
រាជធានីភ្នំពេញ ៖ ក្រសួងសុខាភិបាលបានប្រកាសនៅមុននេះបន្តិចថា ក្រសួងបន្តរកឃើញអ្នកឆ្លងកូវីដ១៩ចំនួន ៧៥នាក់ថែមទៀត ដែលពាក់ព័ន្ធព្រឹតិ្តការណ៍ឆ្លងក្នុងសហគមន៍ទាំងអស់ និងមានករណីជាសះស្បើយ ចំនួន២២នាក់ ។
តែយ៉ាងណាមិញ ការរកឃើញអ្នកឆ្លងថ្ងៃនេះ មានការធ្លាក់ចុះច្រើនបើប្រៀបធៀបនឹងចំនួនអ្នកកូវីដ ១៩ កាលពីម្សិលមិញដែលមានចំនួនដល់ទៅ ១០៥ នាក់នៃការឆ្លងក្នុងសហគមន៍ ។
ក្រសួងសុខាភិបាល នៅថ្ងៃទី១៧ មីនា ឆ្នាំ ២០២១ អ្នកដែលឆ្លងកូវីដ១៩ ភាគច្រើននៅភ្នំពេញ ខេត្តកណ្តាល ព្រៃវែង ។
ចំណែកអ្នកព្យាបាលជាសះស្បើយ២២នាក់ ពាក់ព័ន្ធនឹងព្រឹត្តិការណ៍សហគមន៍២១នាក់ អ្នកដំណើរចំនួន១នាក់ ។
ក្រសួងសុខាភិបាលបានបញ្ជាក់ថា ករណីឆ្លងថ្មី ចំនួន ៧៥នាក់បន្ថែមទៀត សុទ្ធតែពាក់ព័ន្ធព្រឹត្តិការណ៍សហគមន៍២០កុម្ភៈ ដោយភាគច្រើនជាជនជាតិចិន-ខ្មែរ ស្ថិតនៅកណ្តាល និងភ្នំពេញ ។
សូមបញ្ជាក់ថា អ្នកឆ្លងកូវីដ១៩សរុប ១៥០៥នាក់ អ្នកកំពុងសម្រាកព្យាបាល ៦៦២នាក់ អ្នកព្យាបាលជាសះស្បើយចំនួន៨៤០នាក់ ស្លាប់១នាក់ ។
ក្រសួងបានបន្តថា «ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ហើយ និងប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ» ៕
ចែករំលែកព័តមាននេះ