ឆេះផ្ទះស្ត្រីមេម៉ាយ កូន ៦នាក់ និងងមានម្ដាយចាស់ជរាម្នាក់ ក្នុងបន្ទុក
- កំពង់ឆ្នាំង
ខេត្តកំពង់ឆ្នាំង៖ អគ្គិភ័យ បានឆាបឆេះផ្ទះស្ត្រីមេម៉ាយ មានកូន ៦នាក់ បណ្ដាលឲ្យខ្ទេចស្ទើរទាំងស្រុង។ ស្ត្រីមេម៉ាយនេះ ក៏មានម្ដាយចាស់ជរាម្នាក់ នៅក្នុងបន្ទុកផង។ ហេតុការណ៍នេះ…
ខេត្តកំពង់ឆ្នាំង៖ អគ្គិភ័យ បានឆាបឆេះផ្ទះស្ត្រីមេម៉ាយ មានកូន ៦នាក់ បណ្ដាលឲ្យខ្ទេចស្ទើរទាំងស្រុង។ ស្ត្រីមេម៉ាយនេះ ក៏មានម្ដាយចាស់ជរាម្នាក់ នៅក្នុងបន្ទុកផង។ ហេតុការណ៍នេះ…
ខេត្តកំពង់ឆ្នាំង៖ អគ្គិភ័យ បានឆាបឆេះផ្ទះស្ត្រីមេម៉ាយ មានកូន ៦នាក់ បណ្ដាលឲ្យខ្ទេចស្ទើរទាំងស្រុង។ ស្ត្រីមេម៉ាយនេះ ក៏មានម្ដាយចាស់ជរាម្នាក់ នៅក្នុងបន្ទុកផង។ ហេតុការណ៍នេះ បានកើតឡើង កាលពីម៉ោង ១១ និង ៣០នាទី ព្រឹកថ្ងៃទី១៣ ខែមីនា ឆ្នាំ២០២១ នៅភូមិកងមាស ឃុំគោកបន្ទាយ ស្រុករលាប្អៀរ។
សមត្ថកិច្ចនគរបាលមូលដ្ឋាន បានឲ្យដឹងថា ផ្ទះដែលរងការឆាបឆេះ ដោយអគ្គិភ័យ មានទំហំ ៤ គុណនឹង ៤ម៉ែត្រ ធ្វើអំពីឈើប្រក់ដំបូលស័ង្កសី និងបាំងជញ្ជាំងស័ង្កសី ជាកម្មសិទ្ធិរបស់ស្ត្រី ឈ្មោះ ជា សុបិន្ត អាយុប្រមាណ ជាង ៤០ឆ្នាំ មានកូន ៦នាក់ និងមានម្ដាយចាស់ជរា នៅក្នុងបន្ទុក។ ចំពោះមូលហេតុ គឺបណ្ដាលមកពីឆ្លងចរន្តអគ្គិសនី ចេញពីផ្ទាំងសឡា។
ប្រភពដដែល បានបន្តថា មុនពេលកើតហេតុ ស្ត្រី និងម្ដាយ ព្រមទាំងកូនតូចៗខ្លះ នៅក្រោមផ្ទះ រំពេចនោះ ស្រាប់តែមានអណ្ដាតភ្លើងឆាបឆេះយ៉ាងសន្ធោរសន្ធៅ នៅលើផ្ទះ មិនអាចជួយអ្វីបានឡើយ ហើយអ្នកស្រុក បានព្យាយាម ជួយដែរ ប៉ុន្តែភ្លើងឆេះលឿនពេក។
ចំពោះការខូចខាតសម្ភារៈ រួមមាន ទូរទស្សន៍មួយគ្រឿង អាគុយមួយគ្រឿង ផ្ទាំងសឡា ១ផ្ទាំង ថវិកា ២០ម៉ឺនរៀល និងរបស់ប្រើប្រាស់ជាច្រើនទៀត។
លោក យ៉ង់ សៅវុទ្ធី អភិបាលស្រុករលាប្អៀរ បានបញ្ជាក់ថា គ្រួសារខាងលើ មានជីវភាពខ្វះខាតខ្លាំង ដោយសារគាត់ជាស្ត្រីមេម៉ាយ ចិញ្ចឹមកូន ៦នាក់ ក្នុងបន្ទុក និងបន្ថែមលើម្ដាយចាស់ជរាផង មិនអាចរកស៊ីឯណាបានឡើយ។
លោកបាន បញ្ជាក់ថា សាខាកាកបាទក្រហម ស្រុករលាប្អៀរ បាននាំយកអំណោយសង្គ្រោះបន្ទាន់ ទៅផ្ដល់ឲ្យស្ត្រីមេម៉ាយរងគ្រោះនេះ នៅរសៀលថ្ងៃទី១៤ ខែមីនានេះ៕ ដោយ៖ ពៅ សុខហ៊ាន
ចែករំលែកព័តមាននេះ