ល្បែងកន្ទុយលេខនិងភ្នាល់បាល់តាមអនឡាញកក្រើកឡើងវិញនៅក្រុងប៉ោយប៉ែត
ក្រុងប៉ោយប៉ែត ៖ មជ្ឈដ្ឋានមួយចំនួនបានមើលឃើញថា ការបង្រ្កាបល្បែងស៊ីសងនៅក្រុងប៉ោយប៉ែតរបស់សមត្ថកិច្ច ហាក់ធ្វើគ្រាន់តែជាការរកលាភសក្ការៈផ្ទាល់ខ្លួន
ក្រុងប៉ោយប៉ែត ៖ មជ្ឈដ្ឋានមួយចំនួនបានមើលឃើញថា ការបង្រ្កាបល្បែងស៊ីសងនៅក្រុងប៉ោយប៉ែតរបស់សមត្ថកិច្ច ហាក់ធ្វើគ្រាន់តែជាការរកលាភសក្ការៈផ្ទាល់ខ្លួន ព្រោះតែការបង្រ្កាបមិនបានប៉ុន្មានថ្ងៃផងកកើតឡើងវិញដូចវែកចក ។
ជាក់ស្តែងទីតំាងល្បែងកន្ទុយលេខដែលមានមេដុសស្លែឈ្មោះ សំ ហេង មានតួនាទីជាអនុប្រធានការិយាល័យភូមិបាលស្រុកអូរជ្រៅ និងឈ្មោះប្រុស ព្រះនាម ០១មានទីតំាងស្ថិតនៅខាងត្បូងផ្លូវជាតិលេខ៥ ក្នុងភូមិក្បាលកោះ សង្កាត់ប៉ោយប៉ែតបាននិងកំពុងធ្វើសកម្មភាពកត់ និងឲ្យកូនកញ្រ្ចែងរបស់ខ្លួនដើរកត់កន្ទុយលេខ និងប្រមូលលុយពេញនៅក្នុងភូមិសាស្រ្តក្រុងប៉ោយប៉ែត ដោយពុំមានសមត្ថកិច្ចពាក់ព័ន្ឋណាមួយចាត់វិធានការនោះឡើយ សង្ស័យត្រូវថ្នំាសណ្តំរបស់មេកន្ទុយលេខរហ័សនាម ៦៣ ដ៍ល្បីល្បាញនេះ ។
ចំណែកល្បែងភ្នាល់បាល់តាមអនឡាញនោះវិញ ក៍បាននិងកំពុងកក្រើកឡើងវិញផងដែរ ដូចជាទីតំាងខាងត្បូងផ្សារត្រីទល់មុខហាងលក់ទូរស័ព្ទ ” ប៉េង អាន ” យីហោ “៩៩ណិត” ទីតំាងមួយកន្លែងទៀតស្ថិតនៅផ្លូវដើមពុទ្រា ជាប់ហាងនំប័ុងយីហោ “ អ៊ីនចយ៧៨៩” និងទីតំាងនៅផ្សាររាត្រីមានយីហោ “Golden Sportsbar 888″ជាដើម ។
បើតាមអ្នកឆ្លើុយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា ដោយសារតែល្បែងកន្ទុយលេខនិងភ្នាល់បាល់តាមអនឡាញ និង ល្បែងស៊ីសងមួយចំនួនទៀតបានកក្រើកឡើងវិញនោះ បានធ្វើឲ្យប្រជាពលរដ្ឋមួយចំនួនបារម្ភពីបញ្ហាអសន្តិសុខ សុវត្ថិភាពនិងអំពើចោរកម្ម លួច ប្លន់នៅក្នុងភូមិសាស្រ្តក្រុងប៉ោយប៉ែត ហើយក៍សំណូមពរឲ្យអាជ្ញាធរមានសមត្ថកិច្ចពាក់ព័ន្ឋទំាងអស់អនុវត្តន៍គោលនយោបាយភូមិ-ឃុំមានសុវត្ថិភាព ដែលដាក់ចេញដោយក្រសួងមហាផ្ទៃឲ្យបានជាក់លាក់ កុំធ្វើដូចភ្លៀងរលឹម។
ទាក់ទងទៅនឹងការលើកឡើងខាងលើ គេហទំព័រកោះសន្តិភាពមិនអាចរកការសុំបំភ្លឺបានទេពីអាជ្ញាធរមានសមត្ថកិច្ចពាក់ព័ន្ឋនៅក្រុងប៉ោយប៉ែត នាវេលាថ្ងៃត្រង់ថ្ងៃទី០៦ កញ្ញា ២០១៥នេះ ៕
ចែករំលែកព័តមាននេះ