ការលក់ផលិតផលដែកថែបរបស់វៀតណាមកើនឡើង25%
ប្រទេសវៀតណាម ៖ យោងតាមទីភ្នាក់ ងារវិភាគទីផ្សារឯករាជ្យ watch-dog ឲ្យដឹងថា ទីផ្សារដែកថែបរចនាសម្ព័ន្ធក្នុងស្រុកបានមើលឃើញពីអត្រាកំណើននៅចន្លោះ២៥%និង៣០%ក្នុងការលក់
ប្រទេសវៀតណាម ៖ យោងតាមទីភ្នាក់ ងារវិភាគទីផ្សារឯករាជ្យ watch-dog ឲ្យដឹងថា ទីផ្សារដែកថែបរចនាសម្ព័ន្ធក្នុងស្រុកបានមើលឃើញពីអត្រាកំណើននៅចន្លោះ២៥%និង៣០%ក្នុងការលក់
ប្រទេសវៀតណាម ៖ យោងតាមទីភ្នាក់ ងារវិភាគទីផ្សារឯករាជ្យ watch-dog ឲ្យដឹងថា ទីផ្សារដែកថែបរចនាសម្ព័ន្ធក្នុងស្រុកបានមើលឃើញពីអត្រាកំណើននៅចន្លោះ២៥%និង៣០%ក្នុងការលក់ នោះក៏ព្រោះតែការរើបឡើងវិញដ៏ខ្លាំងក្លានៃទីផ្សារអចលនទ្រព្យក្នុងស្រុក ។
អ្នកវិភាគបានថ្លែងថា តម្រូវការរបស់ទីផ្សារ ចំពោះគ្រឿងសំណង់ ជាពិសេសផលិតផលដែកថែបរចនាសម្ព័ន្ធបានកើនឡើងយ៉ាងខ្លាំងក្លាចាប់តាំងពីដើមឆ្នាំនេះ ។
យោងតាមប្រភពមួយពីសមាគមដែកថែបវៀតណាម(VSA)នៅក្នុងអំឡុងពេល៧ខែដំបូងនៃឆ្នាំនេះ បណ្តាក្រុមហ៊ុនសមាជិកនានាលក់ដាច់បានចំនួន៣,៥៧លានតោនដែលបានចុះបញ្ជីកំណើន៣០%ពីមួយឆ្នាំទៅមួយឆ្នាំ ។
ដើម្បីជួបនឹងតម្រូវការទីផ្សារ បណ្តាក្រុមហ៊ុនដែកថែបរបស់សមាគមបានប្រតិបត្តិស្ទើរតែពេញសមត្ថភាព ។ ជាលទ្ធផលក្នុងខែកក្កដា ក្រុមហ៊ុនទាំងនោះផលិតបានដែកថែបរចនាសម្ព័ន្ធប្រមាណជា៦១៣.០០០តោនកើនឡើងជិត ៥១%ធៀបនឹងអំឡុងពេលដូចគ្នាកាលពីឆ្នាំទៅ ។
ចំណែកអ្នកដែលប្រកបជំនួញនៅក្នុងឧស្សាហកម្មនេះបានលើកឡើងថា តួលេខនេះបានបង្កើតនូវកំណត់ត្រាមួយសម្រាប់ទសវត្សរ៍មុន នៅពេលដែលទីផ្សារអចលនទ្រព្យបានចាប់ផ្តើមបង្អង់ល្បឿន ។ អ្នកតំណាងរបស់ក្រុមហ៊ុនរួមភាគហ៊ុន Hoa Phat Steel ប្រចាំក្រុងហាណូយ បាននិយាយថា ក្រុមហ៊ុនលក់ផលិតផលដែកថែបដាច់បានចំនួន៧៨៥.០០០តោនក្នុងរយៈពេល៧ខែដំបូង និងកើនឡើងពីមួយឆ្នាំទៅមួយឆ្នាំ៥១% ។
នៅគ្រានោះដែរក្រុមហ៊ុន Hoa Sen Group នៅក្នុងខេត្តភាគខាងត្បូង Binh Duong ដែលកាន់កាប់ភាគហ៊ុនធំជាងគេនៃទីផ្សារដែកថែបសន្លឹកបានលើកឡើងថា ខ្លួនបានដាក់ទិសដៅលក់ឲ្យបាន៩០ម៉ឺនតោនក្នុងរយៈពេល៩ខែដំបូងនៃឆ្នាំ២០១៥នេះដែលច្រើនជាងមុន១៧% ។
ចំណែកលោក Dinh Cong Khuong ប្រធានក្រុមហ៊ុន Khuong Mai Steel Trading Service Company ដែលជាអ្នកឯកទេសនៅក្នុងការនាំចូលដែកថែបបានឲ្យដឹងថា ការនាំចូលរបស់ក្រុមហ៊ុនបានកើនឡើងប្រមាណជា២៥%និង៣០% ។ អ្នកវិភាគបានសន្មត់ថា កំណើននៃការប្រើប្រាស់ខ្លាំងរបស់ឧស្សាហកម្មដែកថែបក្នុងស្រុកនឹងធ្វើឲ្យប្រសើរឡើងនូវវិស័យសេដ្ឋកិច្ចនិងទីផ្សារអចលនទ្រព្យ។
ដោយឡែកយោងតាម គណៈកម្មការគ្រប់គ្រងហិរញ្ញវត្ថុជាតិ(NFSC)GDPរបស់វៀតណាមនៅក្នុងអំឡុងពេល៦ខែដំបូងសម្រេចបាន៦,២៨% ធៀបនឹងរយៈពេលដូចគ្នាកាលពីឆ្នាំ២០១៤ ហើយវាក៏ស្ថិតនៅក្នុងការជំរុញនៃការរើបឡើងឆ្ពោះទៅមុខផងដែរ ។
ស្ថានប័ននេះថែមទាំងបានព្យាករទុកនូវកម្រិត៦,៤%នៅក្នុងអំឡុងពេល៩ខែដំបូងនៃឆ្នាំនេះផងដែរ ហើយ៦,៥%សម្រាប់ពេញមួយឆ្នាំ ។
បណ្តាអ្នកវិភាគក៏បានលើកឡើងផងដែរថាការកែប្រែថ្មីនៃច្បាប់ស្តីពីជំនួញអចលនទ្រព្យនិងលំនៅឋានបានធ្វើឲ្យទីផ្សារអចលនទ្រព្យរបស់វៀតណាមកាន់តែទទួលបានការចាប់អារម្មណ៍ថែមទៀត ។
ក្រុមហ៊ុន CBRE Vietnam បានរាយការណ៍ថា ខុនដូរាប់រយនៅក្នុងក្រុងហូជីមិញ ត្រូវបានលក់ឲ្យទៅជនបរទេសដែលមានសិទ្ធិ បន្ទាប់ពីច្បាប់លំនៅឋានបានចូលជាធរមានក្នុងខែកក្កដារួចមក ក្នុងនោះ Vingroup’Vinhomes Central Park តែមួយទីតាំង លក់ដាច់បាន១១២ខុនដូដល់ជនបរទេស ។
យោងតាមគេហទំព័រព័ត៌មាន VnExpresss ឲ្យដឹងថា ក្រុមហ៊ុនអភិវឌ្ឍន៍អចលនទ្រព្យ Novaland បានថ្លែងថា ជនជាតិវៀតណាមដែលស្នាក់នៅបរទេសបាននាំមមកនូវតួលេខ១០%នៃការជួញដូរសរុបរបស់ប្រទេសនេះក្នុងខែកក្កដា ។
ចំពោះការប្រកួតប្រជែង ៖ អ្នកវិភាគបានកត់សម្គាល់ថា ខណៈពេលតម្រូវការទីផ្សារសម្រាប់សម្ភារសំណង់រាប់បញ្ចូលផលិតផលដែកថែបបានកើនឡើងយ៉ាងខ្លាំង តម្លៃបានធ្លាក់ចុះជាពិសេស បន្ទាប់ពីការទម្លាក់ថ្លៃប្រាក់យន់ចិន។ តួលេខពីនាយកដ្ឋានពន្ធដារទូទៅបង្ហាញថា នៅពាក់កណ្តាលខែសីហា ប្រទេសវៀតណាមបាននាំចូលដែកថែបជិត៩,២២លានតោនដែលមានតម្លៃទឹកប្រាក់៤,៨៣២លានដុល្លារ ក្នុងនោះ៥លានតោនឬ៦០%នៃដែកទាំងនោះគឺនាំចូលពីប្រទេសចិន ។ នៅគ្រានោះដែរ តម្លៃនាំចូលបានធ្លាក់ចុះ២១,៣% ៕
ចែករំលែកព័តមាននេះ