រាជធានីភ្នំពេញ ៖ ត្រូវប្រយ័ត្នបន្ថែមទៀត ព្រោះចំនួនអ្នកឆ្លងជំងឺកូវីដ១៩ បានកើនឡើងជាបន្តបន្ទាប់ ។
យោងតាមក្រសួងសុខាភិបាលបានឲ្យដឹងថា គិតត្រឹមព្រឹកថ្ងៃទី១២ ខែមីនានេះ រកឃើញអ្នកឆ្លងថ្មីចំនួន៦២នាក់ និងព្យាបាលជាសះស្បើយចំនួន២២នាក់ ហើយអ្វីដែលគួរឲ្យព្រួយបារម្ភ គឺមានការឆ្លងរាលដាលដល់កុមារចំនួន៦នាក់ ដែលមានអាយុក្រោម១៥ឆ្នាំ ក្នុងនោះកុមារទើបតែមានអាយុ១ឆ្នាំ៦ខែ ក៏រកឃើញមានវិជ្ជមានជំងឺកូវីដ១៩ ។
ក្រសួងបានបញ្ជាក់ថា កុមារទាំង៦នាក់ ដែលឆ្លងជំងឺកូវីដ១៩ នៅថ្ងៃនេះរួមមាន ១-កុមារាជនជាតិខ្មែរ អាយុ១ឆ្នាំ៦ខែ មានអាសយដ្ឋានស្នាក់នៅខណ្ឌដង្កោ ។ ២-កុមារីជនជាតិខ្មែរអាយុ១៣ឆ្នាំ មានអាសយដ្ឋានស្នាក់នៅសង្កាត់តាខ្មៅ ខេត្តកណ្តាល ។ ៣-កុមារាជនជាតិខ្មែរអាយុ៩ឆ្នាំ មានអាសយដ្ឋានស្នាក់នៅភូមិ៥ ឃុំព្រែកខ្សាយខ ស្រុកពាមរក៍ ខេត្តព្រៃវែង ។ ៤-កុមារីជនជាតិខ្មែរអាយុ២ឆ្នាំ មានអាសយដ្ឋានស្នាក់នៅភូមិ២ ឃុំព្រែកខ្សាយខ ស្រុកពាមរក៍ ខេត្តព្រៃវែង ។ ៥-កុមារី ជនជាតិខ្មែរ អាយុ១៥ឆ្នាំ មានអាសយដ្ឋានស្នាក់នៅភូមិ២ ឃុំព្រែកខ្សាយខ ស្រុកពាមរក៍ខេត្តព្រៃវែង និង៦-កុមារាជនជាតិខ្មែរអាយុ៦ឆ្នាំ មានអាសយដ្ឋានស្នាក់នៅរាជធានីភ្នំពេញ ។ ដូច្នេះចូរបង្កើនការប្រុងប្រយ័ត្នទាំងអស់គ្នា ៕
ចែករំលែកព័តមាននេះ