រាជធានីភ្នំពេញ ៖ នៅថ្ងៃទី២៤ ខែធ្នូ ឆ្នាំ២០២៥ នេះ គឺជាថ្ងៃទី១៨ហើយ ដែលទាហានឈ្លានពានថៃបានក្បត់នឹងកិច្ចព្រមព្រៀងបទឈប់បាញ់ និងក្បត់កិច្ចព្រមព្រៀងសន្តិភាពគូឡាឡាំពួរ ដោយបន្តធ្វើការបាញ់ផ្លោងមកលើដែនអធិបតេយ្យកម្ពុជាយ៉ាងកំរោលចូល…
រាជធានីភ្នំពេញ ៖ នៅថ្ងៃទី២៤ ខែធ្នូ ឆ្នាំ២០២៥ នេះ គឺជាថ្ងៃទី១៨ហើយ ដែលទាហានឈ្លានពានថៃបានក្បត់នឹងកិច្ចព្រមព្រៀងបទឈប់បាញ់ និងក្បត់កិច្ចព្រមព្រៀងសន្តិភាពគូឡាឡាំពួរ ដោយបន្តធ្វើការបាញ់ផ្លោងមកលើដែនអធិបតេយ្យកម្ពុជាយ៉ាងកំរោលចូល នៅតំបន់យោធភូមិភាគីទី៤ និងយោធភូមិភាគទី៥កម្ពុជា ។ នេះបើតាមការបញ្ជាក់របស់លោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងអ្នកនាំពាក្យក្រសួងការពារជាតិកម្ពុជា ។
លោកជំទាវឧត្តមសេនីយ៍ឯកម៉ាលី សុជាតា ក្នុងពិធី«បច្ចុប្បន្នភាពស្តី ពីស្ថានការណ៍ព្រំដែនកម្ពុជា-ថៃ បន្ទាប់ពីកងទ័ពថៃបានបើកការវាយប្រហារមុន មកលើកងទ័ពនិងជនស៊ីវិលកម្ពុជា»នាព្រឹកថ្ងៃទី២៤ ខែធ្នូ ឆ្នាំ២០២៥ នៅទីស្តីការគណៈរដ្ឋមន្ត្រីថារហូតមកដល់ពេលនេះ ភូមិសាស្ត្រខ្លះទាហានឈ្លានពានថៃនៅបន្តបាញ់យ៉ាងសន្ធប់នៅឡើយ ។
អ្នកនាំពាក្យក្រសួងការពារជាតិរូបនេះបានឱ្យដឹងទៀតថា នៅថ្ងៃទី២៤ ខែធ្នូនេះដែរ ទាហានថ្មើរជើងរបស់ថៃអមដោយរថក្រោះបានរុលចូលដែនអធិបតេយ្យកម្ពុជា នៅតំបន់ភូមិសាស្ត្រភូមិព្រៃចាន់ ប៉ុន្តែត្រូវបានវីរកងទ័ពកម្ពុជាបាននឹងកំពុងតស៊ូប្រយុទ្ធទប់ស្កាត់យ៉ាងស្វិតស្វាញបំផុតជាមួយសត្រូវឈ្លានពាន។
ជាមួយគ្នានេះ កម្ពុជានៅតែបន្ត អំពាវនាវយ៉ាងទទូចឲ្យសហគមន៍អន្តរជាតិដាក់សម្ពាធ និងធ្វើការថ្កោលទោសចំពោះទង្វើរឈ្លានពានរបស់ទាហានថៃ ដែលកំពុងបន្តបាញ់ផ្លោ ងយ៉ាងសន្ធប់ និងកំរោលចូលទៅកាន់ទីកន្លែងរស់នៅ របស់ជនស៊ីវិលកម្ពុជា ដែលទង្វើនេះ គឺផ្ទុយនឹងច្បាប់មនុស្សធម៌អន្តរជាតិ ។
បន្ថែមពីនេះ លោកជំទាវអ្នកនាំពាក្យបានអះអាងថា រហូតដល់ពេលវេលានេះ វីរកងទ័ព និងវីរនគរបាលកម្ពុជា បានកំពុងតស៊ូយ៉ាងស្វិតស្វាញ អង់អាចក្លាហាន និងមោះមុតបំផុត ប្រយុទ្ធប្រឆាំងជាមួយសត្រូវឈ្លានពានគ្រប់គោលដៅទាំងអស់ ។ ប្រជាពលរដ្ឋខ្មែរគ្រប់រូប ត្រូវជឿជាក់លើរាជរដ្ឋាភិបាល និងវីរកងទ័ពរបស់យើង ក្នុងកិច្ចការពារនូវអធិបតេយ្យ និងបូរណភាពទឹកដី ទោះក្នុងតម្លៃណាក៏ដោយ ៕
ចែករំលែកព័តមាននេះ