តើជំងឺរលាកខ្នែងពោះវៀន បណ្តាលមកពីអ្វី?
- ភ្នំពេញ
រាជធានីភ្នំពេញ ៖ លោកវេជ្ជបណ្ឌិត ជា សុចិត្រ នៅផ្នែកសល្យសាស្ដ្រ(ខ)នៃមន្ទីពេទ្យកាល់ម៉ែត បានឲ្យដឹងថា ៖ ជំងឺរលាកខ្នែងពោះវៀន ជាជំងឺមួយដែលរលាកនៅខ្នែងពោះវៀនរបស់មនុស្ស…
រាជធានីភ្នំពេញ ៖ លោកវេជ្ជបណ្ឌិត ជា សុចិត្រ នៅផ្នែកសល្យសាស្ដ្រ(ខ)នៃមន្ទីពេទ្យកាល់ម៉ែត បានឲ្យដឹងថា ៖ ជំងឺរលាកខ្នែងពោះវៀន ជាជំងឺមួយដែលរលាកនៅខ្នែងពោះវៀនរបស់មនុស្ស ហើយវាកើតឡើងទៅលើមនុស្សគ្រប់វ័យទាំងអស់។
មូលហេតុ ៖
- ការបង្ករោគដោយពពួកវីរុស ឬបាក់តេរីនៅក្នុងពោះវៀន
- ដុំលាមករឹង (ដុំលាមកតូចៗទៅស្ទះរន្ធខ្នែងពោះវៀន)
- ជាពពួកប៉ារ៉ាសិត
- ដុំតូចៗផ្សេងទៀតទៅស្ទះរន្ធខ្នែងពោះវៀន ។
ប្រភេទនៃការរលាកខ្នែងពោះវៀន ៖
- ការរលាកស្រួចស្រាវ
- ការរលាកដោយមានខ្ទុះ ជាអាប់សែ
- ការរលួយខ្នែងតែម្តង ។
លោកវេជ្ជបណ្ឌិត ជា សុចិត្រ បានបញ្ជាក់ថា ៖
រោគសញ្ញា ៖
- ឈឺពោះខ្លាំងនៅផ្នែកខាងស្តាំក្រោមផ្ចិត
- ក្តៅខ្លួន
- ក្អូតចង្អោរ
- បាយមិនបាន
- អណ្តាតឡើងស ។
រោគវិន្និច្ឆ័យ ៖ យើងអាចធ្វើរោគវិន្និច្ឆ័យបានដោយ
- អ្នកជំងឺឈឺនៅផ្នែកខាងស្តាំក្រោមផ្ចិតពេលសង្កត់
- ក្តៅខ្លួន
- គ្រាប់ឈាមសឡើងខ្ពស់
- បើធ្វើអេកូ និងស្កេនពោះ ឃើញថា មានរលាកខ្នែងពោះវៀនដោយរីកធំនៃខ្នែង ។
ផលវិបាក ៖
- រលាកខ្នែងពោះវៀនជាជំងឺដែលត្រូវធ្វើការវះកាត់ជាបន្ទាន់ ។ បើយើងមិនឆាប់ព្យាបាលដោយការវះកាត់ទេ អ្នកជំងឺអាចគ្រោះថ្នាក់ដល់ជីវិត
- ពេលខ្នែងរលាកយូរទៅវាបណ្តាលឲ្យរលួយស្អុយក្នុងពោះ ដែលធ្វើឲ្យសាយភាយមេរោគ ដែលកើតជាជំងឺមួយទៀតហៅថា «រលាកស្រោមពោះ» ។
ការព្យាបាល ៖
ដោយសារវិទ្យាសាស្ដ្រ និងមធ្យោបាយព្យាបាលទំនើបៗសព្វថ្ងៃនេះ ការព្យាបាលមានពីរប្រភេទ ៖ ដោយការវះកាត់ដោយចោះ មាន បីរន្ធ ទំហំ ៥ មីលីមែត្រពីរ និង ១០ មីលីមែត្រមួយ និងការវះកាត់ដោយការវះពោះផ្ទាល់ (តែទំហំនៃការវះកាត់តូចប្រហែល ៤សង់ទីម៉ែត្រ) នៅផ្នែកខាងស្ដាំក្រោមផ្ចិត។ ការវះកាត់ដោយចោះសំរាកពេទ្យតិចថ្ងៃ និងពុំមានការឈឺចាប់ក្រោយការវះកាត់។
បញ្ជាក់ ៖ បច្ចុប្បន្ននៅមន្ទីរពេទ្យកាល់ម៉ែត ជំរើសរបស់អ្នកជំងឺដោយការវះកាត់ «ដោយចោះតូច » បាននិងកំពុងអនុវត្តន៍ប្រកបដោយសុវត្ថិភាពខ្ពស់ ជាមួយក្រុមការងារសាស្ត្រាចារ្យ និងវេជ្ជបណ្ឌិតឯកទេសជំនាញ។
លោកវេជ្ជបណ្ឌិត ជា សុចិត្រ នៅផ្នែកសល្យសាស្ដ្រ(ខ)នៃមន្ទីពេទ្យកាល់ម៉ែតបានសំណូមពរដល់លោក លោកស្រីដែលមានបញ្ហាដូចបានរៀបរាប់ជូនខាងលើ អញ្ជើញមកទទួលព័ត៌មានលំអិតបន្ថែម អំពីការពិនិត្យ និងជំរើសនៃវិធីសាស្ត្រវះកាត់ព្យាបាល ជាមួយក្រុមវេជ្ជបណ្ឌិតឯកទេសនៅមន្ទីរពេទ្យកាល់ម៉ែត ៕
ចែករំលែកព័តមាននេះ