វ៉ាក់សាំង​ការពារជំងឺ​​​​កូ​វី​ដ​៩០០​ដូ​សត្រូវ​បាន​​រៀបចំ​ចាក់​ជូន​កង​យុទ្ធ​ពល​ខេមរៈ​ភូមិន្ទ​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

វ៉ាក់សាំង​ការពារជំងឺ​​​​កូ​វី​ដ​៩០០​ដូ​សត្រូវ​បាន​​រៀបចំ​ចាក់​ជូន​កង​យុទ្ធ​ពល​ខេមរៈ​ភូមិន្ទ​

1 ខែ មុន
  • Kampong Chhnang

ខេត្តកំពង់ឆ្នាំង ៖ វ៉ាក់សាំង​ការពារ​កូ​វី​ដ​១៩ ចំនួន​៩០០​ដូ​ស បាន​រៀបចំ​ចាក់​ជូន​កង​យុទ្ធ​ពល​ខេមរៈភូមិន្ទ​ដែល​ឈរជើង​ក្នុង​ខេត្តកំពង់ឆ្នាំង ។ នេះ​បើ​តាម​ការ​បញ្ជាក់​របស់​លោក​ឧត្តមសេនីយ៍​ទោ ប៉ូ វណ្ណៈ មេបញ្ជាការ​រង…

ខេត្តកំពង់ឆ្នាំង ៖ វ៉ាក់សាំង​ការពារ​កូ​វី​ដ​១៩ ចំនួន​៩០០​ដូ​ស បាន​រៀបចំ​ចាក់​ជូន​កង​យុទ្ធ​ពល​ខេមរៈភូមិន្ទ​ដែល​ឈរជើង​ក្នុង​ខេត្តកំពង់ឆ្នាំង ។ នេះ​បើ​តាម​ការ​បញ្ជាក់​របស់​លោក​ឧត្តមសេនីយ៍​ទោ ប៉ូ វណ្ណៈ មេបញ្ជាការ​រង និង​ជា​នាយសេនាធិការ​យោធភូមិ​ភាគ​ពិសេស បាន​ថ្លែងប្រាប់​អ្នក​សារព័ត៌​មាននៅ​ទីបញ្ជាការ​តំបន់​ប្រតិបត្តិការ​សឹក​រង​កំពង់ឆ្នាំង នៅ​ព្រឹក​ថ្ងៃ​ទី​៥ ខែមីនា ឆ្នាំ​២០២១ ។

Picture

លោក​មេបញ្ជាការ​រង និង​ជា​នាយសេនាធិការ​យុទ្ធ​ភូមិភាគ​ពិសេស​បាន​បន្ត​ថា វ៉ាក់សាំង​ការពារ​កូ​វី​ដ​១៩ ទាំង​៩០០​ដូ​ស នឹង​ត្រូវ​ចាក់​ជូន​យោធា​សាលា​ពល​ទាហាន​យោធភូមិ​ភាគ ជា​ពិសេស​កងកាំភ្លើងធំ​ក្រាំង​តា​មុំ​, កងកាំភ្លើងធំ​ភូមិភាគ​ពិសេស​, តំបន់​អភិវឌ្ឍន៍​កងទ័ពអាកាស​, អង្គភាព​ស៊ី​ម៉ាក់​, តំបន់​ប្រតិបត្តិការ​សឹក​រង​កំពង់ឆ្នាំង និង​កងរាជអាវុធហត្ថ​ខេត្តកំពង់ឆ្នាំង ។

Picture

លោក​បាន​បញ្ជាក់​ថា វ៉ាក់សាំង​ទាំង​៩០០​ដូ​ស​នេះ​នឹង​ត្រូវ​ចាក់​អោយ​អស់​នៅ​ព្រឹក​នេះ ព្រោះ​ក្រុម​គ្រូពេទ្យ​យោធា​មាន​ចំនួន​ច្រើន​នាក់ ដែល​អាច​ធ្វើ​ទាន់​ពេល ប៉ុន្តែ​បើ​នៅ​សល់ គឺ​បន្ត​នៅ​រសៀល​ទៀត ធ្វើ​ម៉េច​ឱ្យ​អស់ ហើយនឹង​គ្រោង​ចាក់​លើក​ទី​២​ទៀត​នៅ​១៤​ថ្ងៃក្រោយ​។

Picture

នៅ​ក្នុង​ឱកាស​នោះ​ដែរ លោក​ឧត្តមសេនីយ៍ត្រី កែវ ឃាន មេបញ្ជាការ​រង​កងទ័ពអាកាស ក៏​ដូច​ជា​មេបញ្ជាការ មេបញ្ជាការ​រង​ជា​ច្រើន​នាក់​ទៀត បាន​ចំណាប់អារម្មណ៍ ដូច​គ្នា​ថា ការ​ចាក់​វ៉ាក់​សាំង​ការពារ​ជំងឺ​កូ​វី​ដ​១៩ គឺ​តាម​ការ​ណែនាំ​របស់​ប្រមុខ​រាជរដ្ឋាភិបាល​ចូលរួម​ការពារ​ការ​រីក​រាល​ដាល​នៃ​ជំងឺ​កូ​វី​ដ​១៩ និង​អនុវត្ត​តាម​វិធានការ​ការ​ណែនាំ​របស់​ក្រសួងសុខាភិបាល​ផង​ដែរ ៕

Picture
Picture
Picture
Picture
Picture
Picture
Picture
Picture
Picture
Picture