ហេងវិញ! បានឡានទឹកជួយទាន់ កុំអី…ឡានដឹកស្វាយ ២៥តោន!
- បន្ទាយមានជ័យ
បន្ទាយមានជ័យ៖ រថយន្តធុនធំដឹកផ្លែស្វាយ ២៥តោន ដឹកសុខៗ បែរជាហុយផ្សែង ឆេះខេងផ្លែស្វាយ នៅវេលាម៉ោង ៤ និង ៣០នាទី…
បន្ទាយមានជ័យ៖ រថយន្តធុនធំដឹកផ្លែស្វាយ ២៥តោន ដឹកសុខៗ បែរជាហុយផ្សែង ឆេះខេងផ្លែស្វាយ នៅវេលាម៉ោង ៤ និង ៣០នាទី…
បន្ទាយមានជ័យ៖ រថយន្តធុនធំដឹកផ្លែស្វាយ ២៥តោន ដឹកសុខៗ បែរជាហុយផ្សែង ឆេះខេងផ្លែស្វាយ នៅវេលាម៉ោង ៤ និង ៣០នាទី ថ្ងៃទី២៥ ខែកុម្ភៈ ឆ្នាំ២០២១ តាមបណ្តោយផ្លូវជាតិលេខ៥៦អា ស្ថិតភូមិគោកតការ ឃុំតាបែន ស្រុកស្វាយចេក។
មន្ត្រីអធិការដ្ឋាននគរបាលស្រុកស្វាយចេក បានប្រាប់ថា ឡានដឹកស្វាយ ដែលមានផ្សែងហុយឆេះនោះ ម៉ាក់ ហ៊ីយុនដាយ ធុនធំ ដឹកផ្លែស្វាយ ទំងន់ ២៥តោន ដឹកចេញតំបន់បឹងត្រកួន ស្រុកថ្មពួក ខេត្តបន្ទាយមានជ័យ គោលដៅទៅខេត្តស្វាយរៀង។
មន្ត្រីនគរបាលបានបញ្ជាក់ថា ពេលរថយន្តបើកបរតាមផ្លូវសុខៗ ស្រាប់តែហុយផ្សែងឆេះចេញពីខេងដាក់ផ្លែស្វាយ លើរថយន្ត ត្រូវបានអ្នកធ្វើដំណើរឃើញ ក៏ជិះរថយន្ត តាមកាក់អោយឈប់ ព្រោះសង្ស័យមានភ្លើងកំពុងឆេះលើរថយន្ត។
មន្ត្រីនគរបាលបានបញ្ជាក់ថា នៅពេលភ្លាមៗនោះ បានរថយន្តពន្លត់អគ្គិភ័យរបស់អធិការនគរបាលស្រុកស្វាយចេក ចេញជួយអន្តរាគមន៍ បាញ់ទឹកពន្លត់ភ្លើងឆេះនោះ។ តែត្រូវខូចផ្លែស្វាយ ២០ភាគរយដែរ។
អ្នកបើកបររថយន្តដឹកស្វាយនោះ មានឈ្មោះ ស៊ិន ម៉ារ៉ា ភេទប្រុស អាយុ ៣៧ឆ្នាំ រស់នៅភូមិឃុំស្ពឺ ស្រុកចំការលើ ខេត្តកំពង់ចាម៕ ដោយ៖ ប៊ុន ធឿន
ចែករំលែកព័តមាននេះ