អភិបាលខណ្ឌឫស្សីកែវបញ្ជាក់ថា ពុំបានបិទគ្រប់សង្កាត់នោះទេ បិទតែផ្ទះ ០៤ទីតាំងប៉ុណ្ណោះ
- ភ្នំពេញ
រាជធានីភ្នំពេញ ៖ លោក ជា ពិសី អភិបាលខណ្ឌឫស្សីកែវ បានអោយដឹងនៅរសៀលម៉ោង៣ថ្ងៃទី២៦ កុម្ភៈនេះថា អាជ្ញាធរ នៃរដ្ឋបាលខណ្ឌឫស្សីកែវ…
រាជធានីភ្នំពេញ ៖ លោក ជា ពិសី អភិបាលខណ្ឌឫស្សីកែវ បានអោយដឹងនៅរសៀលម៉ោង៣ថ្ងៃទី២៦ កុម្ភៈនេះថា អាជ្ញាធរ នៃរដ្ឋបាលខណ្ឌឫស្សីកែវ ពុំបានបិទទាំងស្រុងនូវ សង្កាត់ទួលសង្កែទី២ សង្កាត់ឫស្សីកែវ និងសង្កាត់គីឡូម៉ែតលេខ៦ នោះទេ ។
ផ្ទុយមកវិញ អាជ្ញាធរ បាននិងកំពុងតែបិទទីតាំងចំនួនបួន ដែលជាកន្លែងជាប់ពាក់ព័ន្ធនឹងការឆ្លងមេរោគកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ តែប៉ុណ្ណោះ ។
សម្រាប់ទីតាំង ធ្វើចត្តាឡីស័ក ចំនួន០៤ទីតាំងដែលអាជ្ញាធរ កំពុងធ្វើការបិទជាបណ្ដោះអាសន្ន មានដូចខាងក្រោម ៖
១-សង្កាត់ទួលសង្កែ២ មាន ០២ គឺ ៖
-ផ្ទះ សួស តូនី ភូមិទួលថ្ងាន់ សង្កាត់ទួលសង្កែទី២
-Ho Ming Jie #103 ភូមិពោងពាយ សង្កាត់ទួលសង្កែទី២
២-សង្កាត់ឫស្សីកែ មាន ០១ គឺ ៖
-ផ្ទះ គិន កូលាប #១១៣២ ភូមិឃ្លាំងសាំង សង្កាត់ឫស្សីកែវ
៣-សង្កាត់គីឡូម៉ែត្រលេខ៦ មាន ០១ គឺ ៖
-ផ្ទះ ឡាយ គា ភូមិស្ពានខ្ពស់ សង្កាត់គីឡូម៉ែតលេខ៦ ។
អាស្រ័យហេតុនេះ សូមបងប្អូនប្រជាពលរដ្ឋ និងសាធារណមតិ មេត្តាជ្រាប និងចៀសវាងការភ័ន្តច្រឡំ ៕
ចែករំលែកព័តមាននេះ