នៅខណ្ឌឫស្សីកែវទៀតហើយ រកឃើញបុរសម្នាក់ ឆ្លងកូវីដ-១៩
រាជធានីភ្នំពេញ ៖ លោក ជា ពិសី អភិបាលខណ្ឌឬស្សីកែវ បានអោយដឹងថា រដ្ឋបាលខណ្ឌឫស្សីកែវ រកឃើញបុរសម្នាក់ទៀត វិជ្ជមាន…
រាជធានីភ្នំពេញ ៖ លោក ជា ពិសី អភិបាលខណ្ឌឬស្សីកែវ បានអោយដឹងថា រដ្ឋបាលខណ្ឌឫស្សីកែវ រកឃើញបុរសម្នាក់ទៀត វិជ្ជមាន ចំពោះវីរុសកូវីដ១៩ នៅវេលាម៉ោង២១និង០០នាទីយប់ថ្ងៃទី២៥ ខែកុម្ភៈ ឆ្នាំ២០២១ នៅចំណុចផ្ទះលេខ១១៣២ ផ្លូវបេតុង ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
លោកអភិបាលខណ្ឌឬស្សីកែវ បន្តថា ករណីអ្នកវិជ្ជមានកូវីដ-១៩ម្នាក់ទៀតនេះ ជាបុរស អាយុ៣៩ឆ្នាំ (ត្រូវជាប្តីរបស់ស្ត្រី អាយុ៣៦ឆ្នាំ) ដែលមានអាសយដ្ឋានខាងលើ ។
បច្ចុប្បន្ននេះ បុរសអ្នកជំងឺកូវីដ១៩រូបនេះ ត្រូវបានមន្ត្រីសុខាភិបាល នាំយកតាមរថយន្តសាមុយ បញ្ចូនទៅព្យាបាលនៅ មណ្ឌលចត្តាឡីស័កព្រែកព្នៅ ។
គួរជម្រាបថា កាលពីថ្ងៃទី២៥ ខែកុម្ភៈ ឆ្នាំ២០២១ រដ្ឋបាលខណ្ឌឬស្សីកែវ រកឃើញអ្នកមាន វិជ្ជមាន មេរោគកូវីដ-១៩ ចំនួន០២នាក់ នៅសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។ អ្នកមានផ្ទុកវីរុសកូវីដ១៩ ចំនួន០២នាក់នោះ រួមមាន ៖
ទី១- បុរសជនជាតិខ្មែរម្នាក់ អាយុ៤១ឆ្នាំ រស់នៅភូមិទួលថ្ងាន់ សង្កាត់ទួលសង្កែទី២ ។ និងទី២- បុរសជនជាតិចិនម្នាក់ អាយុ៣៦ឆ្នាំ រស់នៅអាគារ secret garden camko ប្លុកកាំកូស៊ីធី ភូមិគង្គាផុស សង្កាត់ទួលសង្កែទី២ ។
អ្នកទាំងអស់ខាងលើ ត្រូវបានបញ្ជូនទៅព្យាបាលនៅ មណ្ឌលចត្តាឡីស័ក ព្រែកព្នៅ ចំណែកឯកន្លែងស្នាក់នៅ៣ទីតាំងខាងលើ ត្រូវបានបិទ មិនអោយមានការចេញចូលជាសាធារណៈឡើយ ៕
ចែករំលែកព័តមាននេះ