មន្ទីរអប់រំខេត្តកំពង់ចាមយកឈ្នះខេត្តកណ្តាល ៦-០
- ភ្នំពេញ
ខេត្តកំពង់ចាម ៖ ក្រុមម្ចាស់ផ្ទះ មន្ទីរអប់រំ យុវជន និងកីឡាខេត្តកំពង់ចាម ប្រជែងបាន ៣ពិន្ទុពីក្រុមភ្ញៀវខេត្តកណ្តាល ក្នុងលទ្ធផលបច្ចេកទេស ៦ទល់០…
ខេត្តកំពង់ចាម ៖ ក្រុមម្ចាស់ផ្ទះ មន្ទីរអប់រំ យុវជន និងកីឡាខេត្តកំពង់ចាម ប្រជែងបាន ៣ពិន្ទុពីក្រុមភ្ញៀវខេត្តកណ្តាល ក្នុងលទ្ធផលបច្ចេកទេស ៦ទល់០…
ខេត្តកំពង់ចាម ៖ ក្រុមម្ចាស់ផ្ទះ មន្ទីរអប់រំ យុវជន និងកីឡាខេត្តកំពង់ចាម ប្រជែងបាន ៣ពិន្ទុពីក្រុមភ្ញៀវខេត្តកណ្តាល ក្នុងលទ្ធផលបច្ចេកទេស ៦ទល់០ នៅក្នុងការប្រកួតសន្សំពិន្ទុវិលជុំក្នុងពូល ឃ សប្តាហ៍ទី២ កាលពីល្ងាចថ្ងៃទី២៤ ខែកុម្ភៈ ឆ្នាំ២០២១ ពានរង្វាន់សម្តេចតេជោ ហ៊ុន សែន លើកទី១៥ រដូវកាលថ្មី ២០២១ ថ្នាក់ខេត្ត ។
នៅក្នុងវគ្គទី១ ក្រុមមន្ទីរអប់រំ យុវជន និងកីឡាខេត្តកំពង់ចាម បានបើកការនាំមុខលើក្រុមខេត្តកណ្តាល ៣ទល់០ ហើយនៅវគ្គទី២ក្រុមម្ចាស់ផ្ទះមួយនេះធ្វើសម្រេចបាន៣គ្រាប់បន្ថែម ដោយមិនឲ្យក្រុមភ្ញៀវតដៃបានឡើយ។
នៅក្នុងការប្រកួតសប្តាហ៍ទី១ កាលពីថ្ងៃទី១៧ កុម្ភៈ ឆ្នាំ២០២១ មន្ទីរអប់រំ យុវជន និងកីឡាខេត្តកំពង់ចាម ចែកគ្នាម្នាក់១ពិន្ទុជាមួយក្រុមមន្ទីរអប់រំ យុវជន និងកីឡាខេត្តស្វាយរៀង ក្រោយរក្សាលទ្ធផលស្មើគ្នា ២ទល់២ ។ ដូច្នេះ២ប្រកួតរបស់មន្ទីរអប់រំ យុវជន និងកីឡាខេត្តកំពង់ចាម ឈ្នះ១ ស្មើ១ មាន៤ពិន្ទុ ខណៈក្រុមមន្ទីរអប់រំ យុវជន និងកីឡាខេត្តស្វាយរៀង និងខេត្តកណ្តាលនៅសល់១ប្រកួតជាមួយគ្នា នាថ្ងៃទី២ ខែមីនា ឆ្នាំ២០២១ ដើម្បីបញ្ចប់ជើងទី១ វគ្គសន្សំពិន្ទុក្នុងពូល ឃ។ ចំពោះលទ្ធផល៣ប្រកួតផ្សេងទៀត កាលពីថ្ងៃទី២៤ ខែកុម្ភៈ ឆ្នាំ២០២១ សម្រាប់សប្តាហ៍ទី២នេះដែរ រួមមាន៖ ក្រុមរដ្ឋបាលខេត្តតាកែវបានប្រកួតចាញ់ក្រុមភ្នំពេញហ្គាឡាក់ស៊ី ០ទល់៣, ខេត្តបន្ទាយមានជ័យ ២ទល់២ ជាមួយក្រុមសូហ្វីយ៉ាខេត្តប៉ៃលិន ខណៈខេត្តព្រះសីហនុចាញ់កោះកុងអេហ្វ.ស៊ី ដោយលទ្ធផល០ទល់២។
សូមបញ្ជាក់ថា គ្រប់ក្រុមទាំងអស់ នៅក្នុងពូលនីមួយៗ(៦ពូល) នឹងត្រូវបន្តជួបគ្នាចំនួនពីរជើង ដោយប្រើប្រាស់រយៈពេលសរុប៦សប្តាហ៍ ដើម្បីស្វែងរកក្រុមចំណាត់ថ្នាក់លេខ១ និងលេខ២ នៃពូលទាំង៦ ស្មើនឹង១២ក្រុម និងក្រុមចំណាត់ថ្នាក់លេខ៣ ល្អជាងគេចំនួន៤ក្រុម នៃពូលទាំង៦(បង្គ្រប់១៦ក្រុម) ដើម្បីឡើងទៅប្រកួតនៅវគ្គ១៦ក្រុមថ្នាក់ខេត្តបន្តទៀត ៕
ចែករំលែកព័តមាននេះ