ចំនួនអ្នកចាក់វ៉ាក់សាំងកូវីដ១៩ កើនឡើងដល់ជិត ៦ម៉ឺននាក់ហើយ
- ភ្នំពេញ
ភ្នំពេញ៖ ក្រសួងការពារជាតិ និងក្រសួងសុខាភិបាល បានប្រកាសផ្សេងគ្នា នៅយប់ថ្ងៃទី២៥ ខែកុម្ភៈថា ចំនួនអ្នកចាក់វ៉ាក់សាំងបង្ការជំងឺកូវីដ១៩ ចាប់ពីថ្ងៃទី១០-២៥ ខែកុម្ភៈ បានកើនឡើងដល់ចំនួន…
ភ្នំពេញ៖ ក្រសួងការពារជាតិ និងក្រសួងសុខាភិបាល បានប្រកាសផ្សេងគ្នា នៅយប់ថ្ងៃទី២៥ ខែកុម្ភៈថា ចំនួនអ្នកចាក់វ៉ាក់សាំងបង្ការជំងឺកូវីដ១៩ ចាប់ពីថ្ងៃទី១០-២៥ ខែកុម្ភៈ បានកើនឡើងដល់ចំនួន…
ភ្នំពេញ៖ ក្រសួងការពារជាតិ និងក្រសួងសុខាភិបាល បានប្រកាសផ្សេងគ្នា នៅយប់ថ្ងៃទី២៥ ខែកុម្ភៈថា ចំនួនអ្នកចាក់វ៉ាក់សាំងបង្ការជំងឺកូវីដ១៩ ចាប់ពីថ្ងៃទី១០-២៥ ខែកុម្ភៈ បានកើនឡើងដល់ចំនួន ៥៩ ៩២៨នាក់។ ក្នុងនោះ ក្រសួងការពារជាតិ ចាក់បានរហូតដល់ ៤៦៨២៧នាក់ និងក្រសួងសុខាភិបាល ចាក់បាន ១៣១០១នាក់។
របាយការណ៍បូកសរុបការងារការចាក់វ៉ាក់សាំងបង្ការជំងឺកូវីដ១៩ ចាក់លើកទី១ និងលើកទី២ របស់ក្រសួងការពារជាតិ បង្ហាញថា ចាប់ពីថ្ងៃទី១០ ខែកុម្ភៈ ដល់ថ្ងៃទី២៥ ខែកុម្ភៈ ឆ្នាំ២០២១ មានអ្នកចាក់វ៉ាក់សាំង ចំនួនសរុប ៤៦៩០៨នាក់។ ក្នុងនោះ អ្នកចាក់លើកទី១ មានចំនួន ៤៦៨២៧នាក់ និងចាក់លើកទី២ ចាប់ផ្តើមនៅថ្ងៃទី២៥ ខែកុម្ភៈនេះ បានចំនួន ៨១នាក់។
សូមរម្លឹកថា នៅថ្ងៃទី២៥ ខែកុម្ភៈនេះ ក្រសួងការពារជាតិ បានចាប់ផ្តើមចាក់វ៉ាក់សាំងលើកទី២ ដល់អ្នកដែលបានចាក់លើកទី១ នៅមន្ទីរពេទ្យព្រះកេតុមាលា។ រីឯនៅ ១៤អង្គភាពទៀត កំពុងដំណើរការចាក់វ៉ាក់សាំងកូវីដដល់កងទ័ព លើកទី១ប៉ុណ្ណោះ។ ក្នុងម្នាក់ ត្រូវចាក់វ៉ាក់សាំង ២លើក ដោយមានរយៈពេលពី ១៤ថ្ងៃ ទៅ ២៨ថ្ងៃ រាប់ចាប់ពីថ្ងៃចាក់លើកទី១។
ចំណែកក្រសួងសុខាភិបាល បានប្រកាសពីដំណើរការចាក់វ៉ាក់សាំងបង្ការជំងឺកូវីដ១៩ ចាប់ពីថ្ងៃទី១០ ដល់ថ្ងៃទី២៥ ខែកុម្ភៈ មានចាក់រួចចំនួន ១៣១០១នាក់។ រីឯអ្នកចាក់វ៉ាក់សាំង លើកទី២ នៅមន្ទីរពេទ្យកាល់ម៉ែត្រ និងនៅមន្ទីរពេទ្យព្រះអង្គឌួង មានចំនួន ២៦១នាក់។ ការចាក់វ៉ាក់សាំងលើកទី២នេះ ចាប់ផ្តើមកាលពីថ្ងៃទី២៤ ខែកុម្ភៈ។ ដោយឡែក នៅមន្ទីរពេទ្យមិត្តភាពខ្មែរ-សូវៀត និងមន្ទីរពេទ្យកុមារជាតិ មិនទាន់ចាក់វ៉ាក់សាំង លើកទី២ នៅឡើយទេ៕
ចែករំលែកព័តមាននេះ