ចាប់មន្ត្រីពន្ធនាគារម្នាក់ ដាក់គុក ជំនាញរត់ការដោះលែងអ្នកជាប់ឃុំ
ខេត្តកណ្តាល ៖ នៅថ្ងៃទី២៥ ខែកុម្ភៈ ឆ្នាំ២០២១នេះ លោក តុង ដារ៉ា មន្ត្រីពន្ធនាគារខេត្តកណ្តាល ត្រូវបានកម្លាំងព្រហ្មទណ្ឌកំរិតស្រាល…
ខេត្តកណ្តាល ៖ នៅថ្ងៃទី២៥ ខែកុម្ភៈ ឆ្នាំ២០២១នេះ លោក តុង ដារ៉ា មន្ត្រីពន្ធនាគារខេត្តកណ្តាល ត្រូវបានកម្លាំងព្រហ្មទណ្ឌកំរិតស្រាល…
ខេត្តកណ្តាល ៖ នៅថ្ងៃទី២៥ ខែកុម្ភៈ ឆ្នាំ២០២១នេះ លោក តុង ដារ៉ា មន្ត្រីពន្ធនាគារខេត្តកណ្តាល ត្រូវបានកម្លាំងព្រហ្មទណ្ឌកំរិតស្រាល នៃស្នងការដ្ឋាននគរបាលខេត្តកណ្តាល ឃាត់ខ្លួនពាក់ព័ន្ធការរត់ការដោះលែងជនជាប់ឃុំ តែមិនបានសម្រេច ហើយត្រូវអ្នកពឹងពាក់ដាក់ពាក្យបណ្តឹង ។
ប្រភពព័ត៌មានច្បាស់ការ បានប្រាប់អោយដឹងថា ក្រោយការសាកសួររួចមក លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល បានសម្រេចឃុំខ្លួនលោក តុង ដារ៉ា ដាក់ពន្ធនាគារបណ្តោះអាសន្ន ។
អ្នកដឹងរឿងច្បាស់ បញ្ជាក់ថា លោក តុង ដារ៉ា តែងតែរត់ការដោះលែងជនជាប់ឃុំក្នុងពន្ធនាគារ អោយនៅក្រៅឃុំ ពេលបញ្ជូនចូលពន្ធនាគារម្តងៗ មិនថារឿងតូច ឬរឿងធំ នោះទេ ពោលគឺរឿងអ្វី ក៏រត់ការដោះលែង បានដែរ ។ ឥទ្ធិពលរបស់លោក តុង ដារ៉ា បែបនេះ មិនដឹងមានអ្នកណានៅពីក្រោយខ្នង ដើម្បីកាងនោះទេ ។
ប៉ុន្តែ ដោយសារយកលុយពីអ្នកដែលពឹងពាក់ ក្នុងមួយរឿងៗរាប់ពាន់ និងរាប់ម៉ឺនដុល្លារ ដោយយកលេសថា យកលុយនេះ ទៅអោយតុលាការ ដើម្បីសុំដោះលែងជនជាប់ចោទអោយនៅក្រៅឃុំ តែទីបំផុតលុយទាំងអស់នោះ លោក តុង ដារ៉ា បានយកទៅចាយអស់ ហើយជនជាប់ឃុំ នៅតែជាប់ឃុំក្នុងពន្ធនាគារ ដដែល ទើបធ្វើអោយអ្នកពឹងពាក់ខឹង ក៏ដាក់ពាក្យបណ្តឹងអោយតុលាការចាត់ការតាមផ្លូវច្បាប់តែម្តង ។
រឿងរត់ការដោះលែងជនជាប់ឃុំអោយនៅក្រៅឃុំ នេះ មិនមែនមានតែលោក តុង ដារ៉ា នោះទេ ពោលគឺនៅមានមន្ត្រីពន្ធនាគារផ្សេងទៀតក្នុងពន្ធនាគារខេត្តកណ្តាល ក៏ចេះរកស៊ី រត់ការដោះលែង នេះដែរ ។
ជុំវិញបញ្ហានោះដែរសង្ឃឹមថា លោក ចាត ស៊ីនាង ប្រធានពន្ធពន្ធនាគារខេត្តកណ្តាល និងពិនិត្យមានចំណាត់ការចំពោះបុគ្គលណាដែលអាក្រក់ កុំអោយមន្ត្រីស្អាតស្អំ ស្អុយដោយសារបុគ្គលនោះ តទៅទៀត ៕
ចែករំលែកព័តមាននេះ