ដល់.កហើយ អ្នកឆ្លងកូវីដ១៩ ថ្មីមាន៦៥នាក់ ក្នុងនោះ៥៨នាក់ ជាករណីឆ្លងក្នុងសហគមន៍
- ភ្នំពេញ
រាជធានីភ្នំពេញ ៖ ក្រសួងសុខាភិបាលបានប្រកាស នៅព្រឹក ថ្ងៃទី២៥ ខែកុម្ភៈ ឆ្នាំ២០២១នេះថា បានរកឃើញអ្នកឆ្លងកូវីដ១៩ ថ្មីចំនួន ៦៥នាក់…
រាជធានីភ្នំពេញ ៖ ក្រសួងសុខាភិបាលបានប្រកាស នៅព្រឹក ថ្ងៃទី២៥ ខែកុម្ភៈ ឆ្នាំ២០២១នេះថា បានរកឃើញអ្នកឆ្លងកូវីដ១៩ ថ្មីចំនួន ៦៥នាក់ បន្ថែមទៀត ដែលនៅក្នុងនោះ មាន៥៨នាក់ ជាកណីឆ្លងក្នុងសហគមន៍នៃព្រឹត្តិការណ៍២០កុម្ភៈ និងមានករណីនាំចូលពីក្រៅប្រទេសមាន៧នាក់ទៀត ។
ក្រសួងសុខាភិបាលបានបន្តថា អ្នកកើតជំងឺឆ្លងក្នុងសហគមន៍ទាំង៥៨នាក់ខាងលើនេះ មានជនជាតិចិន ចំនួន ៤១នាក់ វៀតណាម៩នាក់ ខ្មែរ៥នាក់ កូរ៉េម្នាក់ សង្ហិបុរីម្នាក់ និងជប៉ុនម្នាក់ ។
ដោយឡែកអ្នកធ្វើដំណើរមកពីក្រៅប្រទេស ដែលរកឃើញកើតកូវីដ១៩ ចំនួន៧នាក់ គឺមានជនជាតិខ្មែរម្នាក់ ដែលជាកងទ័ពមួកខៀវ និង៦នាក់ផ្សេងទៀត ជាជនជាតិចិននៅខេត្តព្រះសីហនុ ។
ចំពោះករណីជាសះស្បើយមានម្នាក់ថ្ងៃនេះ គឺជាស្ត្រីជនជាតិខ្មែរ អាយុ១៩ឆ្នាំ ដែលធ្វើដំណើរមកពីសហរដ្ឋអាមេរិក ។
សូមបញ្ជាក់៖ គិតត្រឹមម៉ោង៧និង០០នាទីព្រឹក ថ្ងៃទី២៥ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ ចំនួន ៦៩៧នាក់ ក្នុងនោះអ្នកជាសះស្បើយចំនួន ៤៧៧នាក់ និងអ្នកកំពុងសម្រាកព្យាបាល នៅមន្ទីរពេទ្យមានចំនួន ២១៧នាក់ផងដែរ ៕
ចែករំលែកព័តមាននេះ