ខេត្តតាកែវ ៖ លោកថោង ខុន រដ្ឋមន្ត្រីក្រសួងទេសចរណ៍បានស្នើឱ្យអាជ្ញាធរខេត្តតាកែវសិក្សាគម្រោងអភិវឌ្ឍន៍រមណីយដ្ឋានប្រវត្តិសាស្ត្រទន្លេបាទីសាជាថ្មីឡើងវិញ បន្ទាប់ពីរមណីយដ្ឋានមួយនេះ ត្រូវបានលុបកិច្ចសន្យាជាមួយអ្នកវិនិយោគ ហើយអាជ្ញាធរខេត្តជាអ្នកគ្រប់គ្រងដោយផ្ទាល់។
ការស្នើឡើងនេះត្រូវបានធ្វើឡើងនៅក្នុងពិធីប្រកាសតែងតាំងប្រធានមន្ទីរទេសចរណ៍ខេត្តតាកែវកាលពីរសៀលថ្ងៃទី១៩ សីហា ២០១៤ ក្រោមវត្តមាន លោកថោង ខុន រដ្ឋមន្ត្រីក្រសួងទេសចរណ៍ និងលោកឡាយ
វណ្ណៈ អភិបាលនៃគណៈអភិបាលខេត្តតាកែវ។
លោកថោង ខុន មានប្រសាសន៍ថា រមណីយដ្ឋានប្រវត្តិសាស្ត្រទន្លេបាទីមានចម្ងាយផ្លូវប្រមាណតែជាង៣០គីឡូប៉ុណ្ណោះពីរាជធានីភ្នំពេញ ។ ដូច្នេះបើអាជ្ញាធរខេត្តរៀបចំអភិវឌ្ឍន៍ទីនេះឲ្យបានល្អប្រសើរនោះវានឹងទាក់ទាញភ្ញៀវទេសចរជាតិដែលមកពីភ្នំពេញ និងអន្តរជាតិមកកម្សាន្តទីនេះបានច្រើនជាក់ជាពុំខាន។
លោកបញ្ជាក់ថា នៅពេលដែលភ្ញៀវទេសចរមកកម្សាន្តទីនេះច្រើននោះវានឹងធ្វើឲ្យកំណើនសេដ្ឋកិច្ចគ្រួសាររបស់ប្រជាពលរដ្ឋនៅតំបន់នេះបានល្អប្រសើរមួយកម្រិតថែមទៀត៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ