រាជធានីភ្នំពេញ ៖ បុណ្យហែអ្នកតា ជាបុណ្យប្រពៃណីមួយ របស់ជនជាតិចិនក្នុងចំណោមបុណ្យប្រពៃណីផ្សេងទៀត ដែលបងប្អូនខ្មែរសែស្រឡាយចិន ក្នុងរាជធានីភ្នំពេញ គ្រោងចាប់ផ្ដើមធ្វើ នៅព្រឹកថ្ងៃទី២៧ កុម្ភៈ ២០២១ ខាងមុននេះ ត្រូវបានគណៈកម្មការវិហារអ្នកតា សាមអួង ក្នុងខណ្ឌច្បារអំពៅ ប្រកាសផ្អាកដង្ហែក្បួន នៅឆ្នាំនេះ ។
បើយោងតាមសេចក្តីជូនដំណឹងរបស់ គណៈកម្មការរៀបចំពិធីហែអ្នកតាចិន ប្រចាំតំបន់ច្បារអំពៅ ដែលជាតំបន់ដ៏ធំលេចធ្លោ ក្នុងចំណោមតំបន់៣ ក្នុងរាជធានីភ្នំពេញ បានប្រាប់ឲ្យដឹងថា ពិធីហែអ្នកតា មានក្បួនរថយន្ត រ៉ឺម៉ក ដឹកក្រុមអ្នកចូលរូបអ្នកតា ដង្ហែតាមដងផ្លូវសំខាន់ៗមួយចំនួន ត្រូវសម្រាកមួយឆ្នាំ ដោយសារ ជំងឺកូវីដ-១៩ ។
ចំពោះបងប្អូនសែស្រឡាយចិន មកសែនបានជាធម្មតា ប៉ុន្តែត្រូវគោរពតាមគោលការណែនាំរបស់ក្រសួងសុខាភិបាល ដោយត្រូវរក្សា គម្លាត ពាក់ម៉ាស់ បាញ់អាល់កុល លាងសម្អាតដៃនឹងសាប៊ូ ៕
ចែករំលែកព័តមាននេះ