ខេត្តព្រះសីហនុ ៖ កម្មករស្ដារលូចំនួន៣នាក់បានដួលសន្លប់ បន្ទាប់ពីចុះទៅស្ដារលូជម្រៅជាង៧ម៉ែត្រ និងបង្កឲ្យមានការភ្ញាក់ផ្អើលកាលពីវេលាម៉ោងប្រមាណ៣រសៀល ថ្ងៃទី២៣ ខែកុម្ភៈ ឆ្នាំ២០២១ នៅជិតសណ្ឋាគារជីនប៉ី១ ក្នុងសង្កាត់លេខ៤…
ខេត្តព្រះសីហនុ ៖ កម្មករស្ដារលូចំនួន៣នាក់បានដួលសន្លប់ បន្ទាប់ពីចុះទៅស្ដារលូជម្រៅជាង៧ម៉ែត្រ និងបង្កឲ្យមានការភ្ញាក់ផ្អើលកាលពីវេលាម៉ោងប្រមាណ៣រសៀល ថ្ងៃទី២៣ ខែកុម្ភៈ ឆ្នាំ២០២១ នៅជិតសណ្ឋាគារជីនប៉ី១ ក្នុងសង្កាត់លេខ៤ ក្រុងព្រះសីហនុ ។
ប្រភពព័ត៌មាននៅកន្លែងកើតហេតុបានឲ្យដឹងថា កម្មករម្នាក់ឈ្មោះ ជា ជឿន ជាអ្នកចុះទៅស្ដារលូមុនគេ ស្រាប់តែស្រែកថា «ងងឹតមុខ» ដោយសារតែនៅក្នុងលូនោះគ្មានខ្យល់អុកស៊ីសែន និងមានក្លិនស្អុយខ្លាំងពេក ។ ពេលឃើញដូច្នេះ មិត្តភក្តិឯទៀតក៏ចុះជួយ ស្រាប់តែទន់ដៃទន់ជើង រួចក៏ដួលទន់ជង្គង់នៅក្នុងលូនោះតែម្ដង ហើយក៏មានបុរសម្នាក់ទៀត ដែលជាកម្មករដូចគ្នា ចុះជួយទៀត ក៏បន្តដួលសន្លប់ដូចគ្នាដែរ។
ហេតុការណ៍ខាងលើនេះ បង្កភាពភ្ញាក់ផ្អើលយ៉ាងខ្លាំងដល់បងប្អូនប្រជាពលរដ្ឋដែលរស់នៅម្តុំនោះ និងបាននាំគ្នាចុះជួយ ព្រមទាំងយកកង្ហារមកដាក់នៅមាត់លូ ដើម្បីឲ្យមានខ្យល់អុកស៊ីសែន
បាញ់ចូល ព្រមទាំងជួយលើកយកបុរសទាំង៣នាក់មកខាងលើ ។
បន្ទាប់មក ក៏បានដឹកបញ្ជូនទៅមន្ទីរពេទ្យ ក្នុងនោះម្នាក់សន្លប់ស្តូកស្តឹងខ្លាំង និង២នាក់ទៀតត្រូវបានបងប្អូនប្រជាពលរដ្ឋធ្វើការសង្គ្រោះបឋមនៅនឹងកន្លែងកើតហេតុបានធូរស្បើយវិញ ៕
ចែករំលែកព័តមាននេះ