ថ្ងៃ២៤កុម្ភៈ ចាប់ផ្តើមចាក់វ៉ាក់សាំង លើកទី២
- ភ្នំពេញ
ភ្នំពេញ៖ យុទ្ធនាការចាក់វ៉ាក់សាំង បង្ការជំងឺកូវីដ១៩ បានធ្វើឡើង កាលពីថ្ងៃទី១០ ខែកុម្ភៈ។ ដូច្នេះ គិតមកដល់ថ្ងៃទី២៤កុម្ភៈ ដល់គម្រប់ ១៤ថ្ងៃហើយ…
ភ្នំពេញ៖ យុទ្ធនាការចាក់វ៉ាក់សាំង បង្ការជំងឺកូវីដ១៩ បានធ្វើឡើង កាលពីថ្ងៃទី១០ ខែកុម្ភៈ។ ដូច្នេះ គិតមកដល់ថ្ងៃទី២៤កុម្ភៈ ដល់គម្រប់ ១៤ថ្ងៃហើយ…
ភ្នំពេញ៖ យុទ្ធនាការចាក់វ៉ាក់សាំង បង្ការជំងឺកូវីដ១៩ បានធ្វើឡើង កាលពីថ្ងៃទី១០ ខែកុម្ភៈ។ ដូច្នេះ គិតមកដល់ថ្ងៃទី២៤កុម្ភៈ ដល់គម្រប់ ១៤ថ្ងៃហើយ ដែលអ្នកបានចាក់វ៉ាក់សាំងលើកទី១ ត្រូវទៅចាក់វ៉ាក់សាំង ដូសទី២ នៅចន្លោះពី ១៤ ទៅ ២៨ថ្ងៃ បន្ទាប់ពីចាក់លើកទី១។
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានលើកឡើងថា អ្នកចាក់លើកទី១ នៅកន្លែងណា សូមអញ្ជើញទៅចាក់លើកទីពីរ នៅកន្លែងដដែល។ តែកុំឲ្យហួសពី ១៤ ទៅ ២៨ថ្ងៃ រាប់ពីថ្ងៃចាក់លើកទី១។
លោកជំទាវ ឱ វណ្ណឌីន បានប្រកាសកាលពីយប់ថ្ងៃទី២២កុម្ភៈថា គិតចាប់ពីថ្ងៃទី១០-២២ ខែកុម្ភៈ ក្រសួងសុភិបាល បានចាក់វ៉ាក់សាំងបង្ការជំងឺកូវីដ១៩ បានសរុប ៥៨៦០នាក់។
រីឯក្រសួងការពារជាតិ បានប្រកាសនៅយប់ថ្ងៃទី២៣ ខែកុម្ភៈ អំពីរបាយការណ៍បូកសរុបការចាក់វ៉ាក់សាំងបង្ការជំងឺកូវីដ១៩ ចាក់លើកទី១ ដល់កងទ័ពបានចំនួន ៣៦៧៣៥នាក់។
ក្រសួងការពារជាតិ បានបញ្ចប់ការចាក់លើកទី១ នៅ ៧អង្គភាព រួមមាន៖ ១.បញ្ជាការដ្ឋានអង្គរក្ស ២.បញ្ជាការដ្ឋានទ័ពពិសេស ៣.បញ្ជាការដ្ឋានកងពលតូចលេខ១ ៤.តំបន់ប្រតិបត្តិការសឹងរងកោះកុង ៥.វិទ្យាស្ថានទ័ពជើងគោក ៦.បញ្ជាការដ្ឋានការពារកោះ-ឆ្នេរ និង៧.បញ្ជាការដ្ឋានជាតិកម្លាំងពិសេសប្រឆាំងភេរវកម្ម។
កាលពីថ្ងៃទី៧ ខែកុម្ភៈ ចិនបានដឹកជញ្ជូនតាមយន្តហោះពិសេសនូវថ្នាំវ៉ាក់សាំងកូវីដ១៩ ចំនួន ៦០ម៉ឺនដូស មកប្រគល់ជូនរាជរដ្ឋាភិបាលកម្ពុជា ដោយបែងចែកជាពីរ គឺ៣០ម៉ឺនដូស សម្រាប់ក្រសួងសុខាភិបាល និង ៣០ម៉ឺនដូស សម្រាប់ក្រសួងការពារជាតិ។ រដ្ឋាភិបាលចិន បានប្រកាសផ្តល់ជំនួយវ៉ាក់សាំង ១លានដូស ជូនរាជរដ្ឋាភិបាលកម្ពុជា៕
ចែករំលែកព័តមាននេះ