នារី​ម្នាក់​និយាយ​ថា លោក ថុ​ង គឹ​ម​ហួ​ន យកឈ្មោះ​ស្នងការ ស ថេ​ត មក​គំរាម​រូប​នាង – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

នារី​ម្នាក់​និយាយ​ថា លោក ថុ​ង គឹ​ម​ហួ​ន យកឈ្មោះ​ស្នងការ ស ថេ​ត មក​គំរាម​រូប​នាង

2 ថ្ងៃ មុន

រាជធានី​ភ្នំពេញ ៖ នារី​ម្នាក់​ឈ្មោះ ស៊ឹ​ម ស្រី​មុំ ដែល​ប្រើប្រាស់​គណនី​ហ្វេ​ស​បុក​ឈ្មោះ​ថា «​ពិភព​ឡេ​» បាន​និយាយ​នៅ​ក្នុង​វី​ដេ​អូ​ឃ្លី​ប បង្ហោះ​នៅ​ថ្ងៃ​ទី​១៨ កុម្ភៈ…

រាជធានី​ភ្នំពេញ ៖ នារី​ម្នាក់​ឈ្មោះ ស៊ឹ​ម ស្រី​មុំ ដែល​ប្រើប្រាស់​គណនី​ហ្វេ​ស​បុក​ឈ្មោះ​ថា «​ពិភព​ឡេ​» បាន​និយាយ​នៅ​ក្នុង​វី​ដេ​អូ​ឃ្លី​ប បង្ហោះ​នៅ​ថ្ងៃ​ទី​១៨ កុម្ភៈ ២០២១ កន្លង​មកនេះ​ថា មាន​បុរស​ម្នាក់​ឈ្មោះ ថុ​ង គឹ​ម​ហួ​ន បាន​យកឈ្មោះ​ឧត្តមសេនីយ៍ឯក ស ថេ​ត អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ ទៅ​គំរាមកំហែង​រូប​នាង​ថា ខ្លួន​ជា​ចៅ​របស់​លោក ស ថេ​ត ។

ក្រោយ​ពី​ស្ត្រី​ម្ចាស់​គណនី​ហ្វេ​ស​ប៊ុ​ក​«​ពិភព​ឡេ​» បាន​និយាយ​បែប​នេះ អ្នកនាំពាក្យ នៃ​ស្នងការដ្ឋាន​នគរបាល​រាជធានី​ភ្នំពេញ បាន​ធ្វើការ​បដិសេធ​ទាំងស្រុង​នៅ​ព្រឹក​ថ្ងៃ​ទី​២៣ ខែកុម្ភៈ ឆ្នាំ​២០២១ ថា បុគ្គល​ឈ្មោះ ថុ​ង គឹ​ម​ហួ​ន ដែល​បាន​យកឈ្មោះ​លោក ស ថេ​ត ទៅ​គំរាម​អ្នក​ដទៃ ដែល​ធ្វើ​ឲ្យ​ប៉ះពាល់​ដល់​កិត្តិយស និង​សេចក្តី​ថ្លៃថ្នូរ​របស់​លោកស្នងការ ការ​ពិត​បុគ្គល​ឈ្មោះ ថុ​ង គឹ​ម​ហួ​ន រូប​នេះ មិនមែន​ជា​ចៅ​របស់​លោក ស ថេ​ត នោះ​ទេ ។

ពេល​នេះ សមត្ថកិច្ច​ជំនាញ នៃ​ស្នងការដ្ឋាន​នគរបាល​រាជធានី​ភ្នំពេញ កំពុង​ស្វែងរក​បុគ្គល​រូប​នេះ ឲ្យ​ចូលខ្លួន​មក​បំភ្លឺ និង​ចាត់វិធានការ​ណ៍​តាម​ច្បាប់ ។

ដោយឡែក បើ​យោង​តាម​គណនី​ហ្វេ​ស​ប៊ុ​ក​ឈ្មោះ ថុ​ង គឹ​ម​ហួ​ន ដែល​អះអាង​ខ្លួន​ថា ជា​តំណាង​ឲ្យ​ក្រុមហ៊ុន​គ្រួសារ​កក់ក្តៅ បាន​បង្ហោះ​លិខិត​បដិសេធ នៅ​ព្រឹក​ថ្ងៃ​ទី​២៣ កុម្ភៈ ២០២១ បន្ទាប់​ពី​ហ្វេ​ស​ប៊ុ​ក​ផេ​ក​របស់​ស្នងការដ្ឋាន​នគរបាល​រាជធានី​ភ្នំពេញ បាន​និង​កំពុង​ស្វែងរក​បុគ្គល​រូប​នេះ ឲ្យ​ចូលខ្លួន​មក​បំភ្លឺ ។

ខ្លឹមសារ​ក្នុង​លិខិត​បដិសេធ​របស់​លោក ថុ​ង គឹ​ម​ហួ​ន មាន​ទាំងស្រុង ដូច​ខាងក្រោម ៖