ស៊ន សៀវម៉ី និងគូដណ្ដឹង បានសែនព្រេនយកវេលាល្អវិញ
- ភ្នំពេញ
រាជធានីភ្នំពេញ ៖ វិរៈកីឡាការនីតេក្វាន់ដូ ស៊ន សៀវម៉ី ជំនួយការផ្ទាល់សម្ដេចវិបុលសេនា សាយ ឈុំ ប្រធានព្រឹទ្ធសភានិងលោកកែវ ដេវីដ…
រាជធានីភ្នំពេញ ៖ វិរៈកីឡាការនីតេក្វាន់ដូ ស៊ន សៀវម៉ី ជំនួយការផ្ទាល់សម្ដេចវិបុលសេនា សាយ ឈុំ ប្រធានព្រឹទ្ធសភានិងលោកកែវ ដេវីដ…
រាជធានីភ្នំពេញ ៖ វិរៈកីឡាការនីតេក្វាន់ដូ ស៊ន សៀវម៉ី ជំនួយការផ្ទាល់សម្ដេចវិបុលសេនា សាយ ឈុំ ប្រធានព្រឹទ្ធសភានិងលោកកែវ ដេវីដ កាលពីព្រឹកថ្ងៃទី២២ កុម្ភៈ ឆ្នាំ២០២១ បានរៀបចំធ្វើពិធីសែនព្រេនបន្តិចបន្តួចនៅគេហដ្ឋានរបស់ខ្លួន ក្នុងខណ្ឌប្ញស្សីកែវ ដើម្បីយកវេលាល្អ ។
លោកស៊ន អេលីត ដែលត្រូវជាបងប្រុសបង្កើតរបស់វិរៈកីឡាការិនីស៊ន សៀវម៉ី បានឱ្យដឹងថា តាមពិតទៅប្អូនស្រីរបស់លោក និងគូដណ្ដឹងរបស់នាង ត្រូវបានលោកអាចារ្យដេញវេលាការរួចតាំងពីថ្ងៃភ្ជាប់ពាក្យមកម្ល៉េះថា ត្រូវរៀបពិធីមង្គលការយ៉ាងអាធិកអាធមនៅថ្ងៃទី២២ កុម្ភៈ ឆ្នាំ២០២១នេះ ដែលជាវេលាដ៏ល្អសម្រាប់គេទាំងពីរ។
ប៉ុន្តែដោយសាតែបញ្ហាការរីករាលដាលជំងឺកូវីដ-១៩ជាបន្តបន្ទាប់ ដែលជាហេតុធ្វើឱ្យពិធីមង្គលការត្រូវបានអាក់ខានវិញ ហើយប្រហែលជាត្រូវពន្យារពេលរហូតទៅដល់ខែ១១ ចុងឆ្នាំ២០២១ខាងមុខនេះ ។ តែលោកបានប្រាប់ទៀតថា ចាំមើលសភាពការជាក់ស្ដែងសិន បើសិនជាជម្ងឺកូវីដ មិនទាន់ស្ងប់ពិធីមួយនេះក៏នៅតែត្រូវបន្តពន្យាពេលតទៅទៀតដែរ។
លោកស៊ន អេលីត បានប្រាប់ឱ្យដឹងទៀតថាពិធីសែនព្រេនកាលពីថ្ងៃច័ន្ទកន្លងមកនេះ គ្រាន់តែជាការធ្វើឡើងដើម្បីយកវេលាល្អប៉ុណ្ណោះ មិនមែនមានន័យថា ធ្វើប៉ុណ្ណឹងហើយចប់នោះទេ។ ហើយពិធីសែនព្រេននេះទៀត ក៏មិនបានអញ្ជើ្ភញ ភ្ញៀវពីខាងក្រៅមកដែរ គឺមានតែបងប្អូនបង្កើតប៉ុន្មាននាក់ប៉ុណ្ណោះ ដើម្បីធ្វើជាសាក្សីជួយដឹងឮ។ លោកបានឱ្យដឹងផងដែរថាគូដណដណ្ដឹងប្អូនស្រីរបស់លោកមិនមែនជាមន្ត្រីរាជការអីនោះទេ គេគឺជាអ្នកជំនួញដ៏មិនមុខមានមាត់គ្រាន់បើ ម្នាក់នៅសង្គមបច្ចុប្បន្ន។
ចំណែកវិរៈកីឡាការិនីស៊ន សៀវម៉ី ទើបតែត្រូវបានព្រះមហាក្សត្រតែងតាំងជាជំនួយការផ្ទាល់សម្ដេចវិបុលសេនាភក្ដីសាយ ឈុំប្រធានព្រឹទ្ធសភា កាលពីថ្ងៃទី២ ខែកុម្ភៈ ឆ្នាំ២០២១។
គួររំលឹកផងដែរថាវិរៈកីឡាការិនីស៊ន សៀវម៉ីនិងលោកកែវ ដេវីដបានធ្វើពិធីភ្ជាប់ពាក្យនៅថ្ងៃទី២៨ខែឧសភាឆ្នាំ២០២០។ ហើយមានគម្រោងរៀបចំធ្វើពិធីមង្គលការដ៏ធំមួយនៅថ្ងៃទី២២កុម្ភៈ ឆ្នាំ២០២១នេះតែត្រូវអាក់ខានទៅវិញ ដោយតែការរីរាលដាលជម្ងឺកូវីដ-១៩។ ដូច្នេះ ពិធីនេះត្រូវលើកយកទៅធ្វើនៅចុងឆ្នាំ២០២១វិញ ក្នុងករណីមានការធូរស្បើយជំងឺកូវីដ៕
ចែករំលែកព័តមាននេះ