រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា ចាប់ពីថ្ងៃទី២៤ កុម្ភៈ ដល់ថ្ងៃទី០២ ខែមីនា ឆ្នាំ២០២១ កម្ពុជានឹងរងឥទ្ធិពលសម្ពាធទាបខ្យោយធ្វើឲ្យខ្យល់មានការប្រែប្រួលទិសធ្វើឲ្យមានភ្លៀង ធ្លាក់ ។
យោងតាមសេចក្តីប្រកាសព័ត៌មានរបស់ក្រសួងធនធានទឹក នៅថ្ងៃទី២៣ ខែកុម្ភៈ ស្តីពីស្ថានភាពធាតុអាកាស ចាប់ពីថ្ងៃទី២៤ ខែកុម្ភៈ ដល់ថ្ងៃទី២ ខែមីនា ឆ្នាំ២០២១ បានឲ្យដឹងថា ព្រះរាជាណាចក្រកម្ពុជា បាននឹងកំពុងស្ថិតក្នុងស្ថានភាពកម្រិតសម្ពាធទាបខ្សោយជាមួយ និងការបម្រែបម្រួលនៃទិសខ្យល់ ។
ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាមានសីតុណ្ហភាពអប្បបរមា មានពី២២ -២៥ °C និងសីតុណ្ហភាពអតិបរមាមានពី ៣៣-៣៦ °C ធ្វើឲ្យមានភ្លៀងពីផ្សែងក្រូចទៅខ្សោយ ។ និងបណ្តាខេត្តជាប់ជួរភ្នំដងរែក និងខ្ពង់រាបឦសាន មានសីតុណ្ហភាពអប្បបរមា មានពី ២១-២៤ °cនិង សីតុណ្ហភាពអតិបរមា មានពី ៣៣-៣៦ °C – មានភ្លៀងពីផ្សែងក្រូចទៅខ្សោយ ។
ចំណែកតំបន់មាត់សមុទ្រ មានសីតុណ្ហភាពអប្បបរមា មាន ២១-២៤ °C និងសីតុណ្ហភាពអតិបរមា មានពី ៣១-៣៤ °C – មានភ្លៀងផ្សែងក្រូច ទៅខ្សោយ ៕
ចែករំលែកព័តមាននេះ