ខេត្តត្បូងឃ្មុំ ៖ ភ្លៀងមួយមេលាយឡំដោយខ្យល់កន្ត្រាក់ បណ្ដាលឱ្យលំនៅឋានរបស់ប្រជាពលរដ្ឋក្នុងស្រុកចំនួន៣ ក្នុងនោះ មានស្រុកដំបែរ អូររាំងឪ និងមេមត់ បានរបើកដំបូលជ្រុះរប៉ាត់រប៉ាយ និងរលំផ្ទះ…
ខេត្តត្បូងឃ្មុំ ៖ ភ្លៀងមួយមេលាយឡំដោយខ្យល់កន្ត្រាក់ បណ្ដាលឱ្យលំនៅឋានរបស់ប្រជាពលរដ្ឋក្នុងស្រុកចំនួន៣ ក្នុងនោះ មានស្រុកដំបែរ អូររាំងឪ និងមេមត់ បានរបើកដំបូលជ្រុះរប៉ាត់រប៉ាយ និងរលំផ្ទះ ក្នុងហេតុការណ៍នេះមិនមានអ្នករងគ្រោះថ្នាក់ដល់អាយុជីវិតនោះទេ ប៉ុន្តែភ្លៀងបានធ្វើឲ្យប៉ះពាល់ដល់រោងការពេលយប់ ខណៈភ្ញៀវកំពុងទទួលទានអាហារទៀតផង ។
សមត្ថកិច្ចមូលដ្ឋានបានឲ្យដឹងថា នៅថ្ងៃទី១៧ មីនា ឆ្នាំ២០២៥ គិតត្រឹមវេលាម៉ោង០៧ និង៣០នាទីស្តីពីស្ថានភាពភ្លៀងធ្លាក់លាយខ្យល់ក្នុងស្រុកអូររាំងឪ ។
១-ឃុំដំរិល មានភ្លៀងធ្លាក់ខ្លាំងលាយលំនឹងខ្យល់កន្ត្រាក់ បណ្តាលឱ្យខូចខាតផ្ទះចំនួន០៩ខ្នង និងបណ្តាលឱ្យម្ចាស់ផ្ទះឈ្មោះ យាន់ ស ភេទស្រី អាយុ ៥៤ឆ្នាំ រងរបួសធ្ងន់បាក់ករជើងឆ្វេង។ ករណីខាងលើស្ថិតនៅភូមិទួល ឃុំដំរិល ស្រុកអូររាំងឪ ខេត្តត្បូងឃ្មុំ។
២-ឃុំចក ស្ថានភាពភ្លៀងមធ្យម មិនមានរងការប៉ះពាល់ ។ បើតាមការបញ្ជាក់ពីលោកអធិការនគរបាលស្រុក យប់ថ្ងៃទី១៦មីនា បានធ្វើឲ្យរោងការប៉ើងតែមិនបណ្ដាលឲ្យរបួសមនុស្សនោះទេ ។
៣-ឃុំទួលសូភី មានភ្លៀងខ្លាំងលាយលំខ្យល់កន្ត្រាក់បណ្តាលឱ្យខូចខាតផ្ទះចំនួន០៥ខ្នង ។
ចំណែកនៅស្រុកមេមត់វិញ នៅថ្ងៃទី១៦ មីនា ២០២៥ ម៉ោង១៩ ៣០នាទីមាន ភ្លៀងធ្លាក់រាយប៉ាយ គ្រប់ឃុំមានកំរិតតិចនិងមធ្យម លាយឡំដោយខ្យល់កន្ត្រាក់បណ្តាលអោយប៉ះពាល់ដំណាំកៅស៊ួប្រជាពលរដ្ឋប្រហែល៥ហិចតា នៅភូមិជាំអំពិល ឃុំជាំ ស្រុកមេមត់ដោយក្នុង០១គ្រួសារបាក់ចំនួន២១ដើម,គ្រួសារខ្លះបាក់ចំនួន០៥ដើម សរុបស្មើនិង០៥គ្រសារ និងបាក់ដើមកៅស៊ូចំនួន៤៥ដើមនិងនៅឃុំរំចេកបណ្ដាលឲ្យប៉ើងដំបូលផ្ទះប្រជាពលរដ្ឋ០១គ្រួសារ ។
ម្ចាស់ផ្ទះមានឈ្មោះឃ្លោក ឌី ភេទប្រុស អាយុ៣៨ឆ្នាំ រស់នៅភូមិឃុំកើតហេតុខាងលើ ផ្ទះធ្វើអំពីឈើប្រក់ស័ង្កសី ខូចខាតដំបូលចំកណ្ដាលមានទំហំផ្ទះ ទទឹង១០ម៉ែត្របណ្ដោយ១៥ម៉ែត្រ ខូចខាតស័ង្កសីទាំងស្រុង ទទឹង០១ម៉ែត្របណ្ដោយ០៦ម៉ែត្រនិងរបើកដំបូល ចំនួន០៦សន្លឹក។ រីឯ១២ឃុំទៀតពុំមានការខូចខាតអ្វីទេ ដោយគោរពមេ។
សូមបញ្ជាក់ថា នេះគឺជាបាតុភូតដែលកម្រកើតមាននៅក្នុងរដូវប្រាំង ដែលមើលទៅគ្រោះធម្មជាតិមានការប្រែប្រួលដែលកាលពីមុនកម្រនឹងមានហេតុការណ៍បែបនេះណាស់ ។
ចែករំលែកព័តមាននេះ