ព្រឹក​ថ្ងៃ​ទី​២១! តំបន់​កោះ​ពេជ្រ​និង​ទី​តាំង​​សំខាន់​ៗ​មួយ​ចំនួន​បន្ត​ហ៊ុម​ព័ទ្ធ​ពាក់​ព័ន្ធ​ព្រឹត្តិការណ៍​សហគមន៍​២០​កុម្ភៈ​(​វី​ដេ​អូ​) – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ព្រឹក​ថ្ងៃ​ទី​២១! តំបន់​កោះ​ពេជ្រ​និង​ទី​តាំង​​សំខាន់​ៗ​មួយ​ចំនួន​បន្ត​ហ៊ុម​ព័ទ្ធ​ពាក់​ព័ន្ធ​ព្រឹត្តិការណ៍​សហគមន៍​២០​កុម្ភៈ​(​វី​ដេ​អូ​)

4 ថ្ងៃ មុន
  • Phnom Penh

រាជធានី​ភ្នំពេញ ៖ ក្រោយ​ពី​ក្រសួងសុខាភិបាល​រក​ឃើញ​អ្នកជំងឺ​ឆ្លង​ថ្មី​កូ​វី​ដ​១៩ ឆ្លង​ថ្មី​រហូត​ទៅ​ដល់​៣២​នាក់ ជា​អ្នកដំណើរ​ចូល​មក​កម្ពុជា ក្នុង​រយៈពេល​១​ថ្ងៃ គឺ​ថ្ងៃ​ទី​១៩ ខែកុម្ភៈ ឆ្នាំ ២០២១…

រាជធានី​ភ្នំពេញ ៖ ក្រោយ​ពី​ក្រសួងសុខាភិបាល​រក​ឃើញ​អ្នកជំងឺ​ឆ្លង​ថ្មី​កូ​វី​ដ​១៩ ឆ្លង​ថ្មី​រហូត​ទៅ​ដល់​៣២​នាក់ ជា​អ្នកដំណើរ​ចូល​មក​កម្ពុជា ក្នុង​រយៈពេល​១​ថ្ងៃ គឺ​ថ្ងៃ​ទី​១៩ ខែកុម្ភៈ ឆ្នាំ ២០២១ ដែល​ជា​ព្រឹត្តិការណ៍​ផ្ទុះ​ជំងឺ​កូ​វី​ដ​១៩ ក្នុង​សហគមន៍​២០​កុម្ភៈ ដ៏​ធំ​បំផុត​មួយ​ដែល​មិន​ធ្លាប់​មាននៅ​ក្នុង​ប្រទេស​កម្ពុជា​របស់​យើង​នា​ពេល​កន្លង​មក​នោះ​។

លុះដល់​ថ្ងៃ​ទី​២១ ខែកុម្ភៈ ឆ្នាំ​២០២១ ខាង​ក្រុម​គ្រូពេទ្យ​ជំនាញ​របស់​ក្រសួងសុខាភិបាល បាន​ចុះ​ត្រួតពិនិត្យ​ទីតាំង​សង្ស័យ​មាន​ពាក់ព័ន្ធ​ចំនួន​២​ទីតាំង ក្នុង​នោះ​មាន ៖

ទីតាំង​ទី​១- ទីក្រុង​កោះ​ពេជ្រ ដែល​មាន​ទីតាំង​ស្ថិត​នៅ​ក្នុង​សង្កាត់​ទន្លេបាសាក់ ខណ្ឌចំការមន និង

ទីតាំង​ទី​២-​ក្លឹ​ប​កំសាន្ត អ៊ិ​ន ប្រាំបី (N8) ដែល​មាន​ទីតាំង​ស្ថិត​នៅ​ផ្លូវ​ព្រះ​មុនី​រ៉េ​ត កែង​ផ្លូវ​លេខ ២៨៦ ក្នុង​សង្កាត់​ទួល​ស្វាយព្រៃ​ទី​២ ខណ្ឌ​បេង​កេងកង​។

ទីតាំង​ទាំង​២​ខាងលើ​នេះ ត្រូវ​បាន​កម្លាំង​មាន​សមត្ថកិច្ច​ចម្រុះ​យ៉ាងច្រើន ដោយ​មាន​ទាំង​កម្លាំង​នគរបាល និង​កង​រាជ​អាវុធ​ហ្ថ មក​ពី​តាម​បណ្តា​ខណ្ឌ​មួយ​ចំនួន​ក្នុង​រាជធានី​ភ្នំពេញ និង​កម្លាំង​នគរបាល​នៃ​ស្នងការ​នគរបាល​រាជធានី​ភ្នំពេញ​យ៉ាងច្រើន​បាន​មក​ដាក់​បា​រ៉ា​ស់ឡោម​ព័ទ្ធ​បិទ​មិន​ឱ្យធ្វើ​ណើ​រ​ចេញ ឬ​ចូល​ទៅ​ក្នុង​ទីក្រុង​កោះ​ពេជ្រ​ទាំងមូល​ក៏​ដូច​ជា ក្លឹ​ប​កំសាន្ត អ៊ិ​ន ប្រាំបី (N8) បាន​ឡើយ​។

បើ​យោង​តាម​ប្រភព​ព័ត៌មាន​ពី​អាជ្ញាធរ​បាន​ប្រាប់​ឱ្យ​ដឹង​ថា ទីតាំង​ទីក្រុង​កោះ​ពេជ្រ ដែល​ស្ថិត​នៅ​ក្នុង​សង្កាត់​ទន្លេបាសាក់ ខណ្ឌចំការមន ត្រូវ​បាន​កម្លាំង​មាន​សមត្ថកិច្ច​មាន​ទាំង នគរបាល​មូល​ដ្ឋាន​ខណ្ឌចំការមន នគរបាល​មក​ពី​តាម​បណ្តា​ខណ្ឌ​មួយ​ចំនួន​ក្នុង​រាជធានី​ភ្នំពេញ កម្លាំង​កង​រាជអាវុធហត្ថ​ណ្ឌ និង​ក្រុង​ជា​ច្រើន​បាន​ដាក់​បា​រ៉ា​ស់ឡោម​ទ័​ព្ធ​បិទ​ជុំវិញ គ្រប់​ច្រក​-​ចេញ ឬ​ចូល ទាំងអស់​ដោយ​មិន​អនុញ្ញាតិ​ឱ្យ​អ្នក​ណា​ម្នាក់​ចេញ ឬ​ចូល​បាន​ឡើយ​មិន​ថា​ឡើយ​តែ​ជនជាតិ​ខ្មែរ ឬ​ក៏​ជនជាតិ​ចិន​នោះ​ទេ​។

ការ​ដាក់​បា​រ៉ា​ស់​បិទ​ច្រកចេញ​-​ចូល ទីក្រុង​កោះ​ពេជ្រ​នេះ​ដែរ គឺ​បាន​បិទ​ច្រក​ធំ​ៗ​ចំនួន​៣ គឺ​ទី​១-​នៅ​ចំណុច ស្ពាន​នាគ​ភ្លោះ ទី​២-​ស្ពាន​ហង្ស និង​ទី​៣-​ស្ពាន​ឥ​ន្ធ​នូ ទាំងស្រុង ក្រៅពី​នោះ​ក៏​មាន​តាម​បណ្តា​ផ្លូវ និង​ច្រក​មួយ​ចំនួន ដែល​នៅ​ជុំវិញ​បរិវេណ​ក្បែរ​ខាងក្រៅ​កោះ​ពេជ្រ​ទៀត​ដែរ ដូច​ជា ៖ ផ្លូវ​ខាង​មុខ​អគារ THE BRIDGE , ផ្លូវ​ច្រក​ចន្លោះ​រដ្ឋសភា​ជាតិ និង​ស្ថានទូត​អូស្ត្រាលី​, ផ្លូវ​ស​ប៊ិ​ត ខាង​មុខក្រសួង​ការ​បទេស តាម​បណ្តា​ផ្លូវ​ម្តុំ​ខាងក្រោយ​ស្ថានទូត​រុ​ស្ស៊ី រួម​ទាំង​ផ្លូវ និង​ច្រក មួយ​ចំនួន​ទៀត​ផង​ដែរ​។

តាម​ប្រភព​ដដែល​បាន​ប្រាប់​បន្ត​ទៀត​ថា មូលហេតុ​ដែល​កម្លាំង​មាន​សមត្ថកិច្ច​ចម្រុះ​យ៉ាងច្រើន​ដាក់​បា​រ៉ា​ស់​បិទផ្លូវ​ចូល​ស្ពាន​កោះ​ពេជ្រ និង​ផ្លូវ និង​ច្រក​តូច​ៗ​ជា​ច្រើន​ទៀត​ចូល​ទៅ​កាន់​កោះ​ពេជ្រ​នា​ពេល​នេះ គឺ​ចាប់ផ្តើម​ធ្វើ​ឡើង​តាំងពី​ម៉ោង​០២​រំលង​អធ្រាត្រ​ឈាន​ចូល​ថ្ងៃ​ទី ២០ ខែកុម្ភៈ ឆ្នាំ​២០២១ មក​ម្ល៉េះ​។

ដោយសារ​តែ​មានការ​សង្ស័យ​មាន​អ្នក​ពាក់ព័ន្ធ​ទៅ​លើ​អ្នកជំងឺ​កូ​វី​ដ​១៩ ដែល​ស្នាក់​នៅ​ក្នុង​សណ្ឋា​គារ និង​អគារ​មួយ​ចំនួន​នៅ​ខាងក្នុង​។ ដើម្បី​ឱ្យ​ក្រុម​គ្រូពេទ្យ​ជំនាញ របស់​ក្រសួង​សុខាភិបាល​ចុះ​ទៅ​ធ្វើការ​ត្រួតពិនិត្យ​រក​អ្នក​ជាប់​ពាក់ព័ន្ធ​ទៅ​តាម​បច្ចេកទេស​ជំនាញ ដោយ​មិន​អនុញ្ញាតិ​ឱ្យ​មាន​អ្នក​ណា​ម្នាក់​ចេញ ឬ​ចូល​បាន​ឡើយ ទាំង​ជនជាតិ​ខ្មែរ​ជា​បុគ្គលិក និង​ជនជាតិ​ចិន ។ ហើយ​ការ​បិទ​កោះ​ពេជ្រ​ទាំងស្រុង​នេះ​ដែរ គឺ​មិន​ទាន់​បានដឹង​ថា បិទ​ក្នុង​រយៈពេល​ប៉ុន្មាន​ថ្ងៃ​នោះ​ឡើយ​។

ចំណែក​ចំណុច​ក្លឹ​ប​កំសាន្ត អ៊ិ​ន ប្រាំបី (N8) មាន​ទីតាំង​ស្ថិត​នៅ​ផ្លូវ​ព្រះ​មុនី​រ៉េ​ត កែង​ផ្លូវ​លេខ ២៨៦ ក្នុង​សង្កាត់​ទួល​ស្វាយព្រៃ​ទី​២ ខណ្ឌ​បឹង​កេងកង នា​ព្រឹក​ថ្ងៃ​ទី ២០ ខែកុម្ភៈ ឆ្នាំ ២០២១​ដដែល​នេះ ដែល​ជា​ចំណុច​សង្ស័យ​ផ្ទុះ​កើត​មាន​ឡើង​នូវ​ជំងឺ​កូ​វី​ដ​១៩​នេះ​ដ៏​ធំ​ក្នុង​ព្រឹត្តិការណ៍​២០​កុម្ភៈ​នោះ​។ ក៏​មាន​កម្លាំង​ជំនាញ​របស់​ក្រុម​គ្រូពេទ្យ នៃ​ក្រសួងសុខាភិបាល ជា​ច្រើន​នាក់ រួម​ទាំង​រថយន្ត​ពេទ្យ​ចំនួន​៣​គ្រឿង បាន​ចុះ​មក​ធ្វើការ​ត្រួតពិនិត្យ ដោយ​មាន​កងកម្លាំង​យ៉ាងច្រើន​នាក់​បាន​ដាក់​បា​រ៉ា​ស់ ឡោម​ព័ទ្ធ​ជុំវិញ​មិន​ឱ្យ​មាន​អ្នក​ចេញ ឬ​ចូល​យ៉ាង​តឹងរ៉ឹង​ផង​ដែរ​។

ហើយ​ក្នុង​ការ​ដាក់​បា​រ៉ា​ស់​ជុំវិញ ដើម្បី​ឱ្យ​ក្រុម​គ្រូពេទ្យ​ជំនាញ​របស់​ក្រសួងសុខាភិបាល​ចុះ​ធ្វើការ​ត្រួតពិនិត្យ​មនុស្ស​មួយ​ចំនួន​នៅ​ក្នុង​ទីតាំង​ក្លឹ​ម​កំសាន្ត អ៊ិ​ន ប្រាំបី (N8) ខាងលើ​នេះ​ដែរ គឺ​ចាប់​ផ្តើម​ឡើង​ចាប់តាំងពី​ម៉ោង​ប្រមាណ​ជា​០២​រំលង​អធ្រាត្រ​ឈាន​ចូល​ថ្ងៃ​ទី​២០ ខែ កុម្ភៈ ឆ្នាំ ២០២១ តំណាល​ៗ​នឹង​ការ​បិទ​កោះ​ពេជ្រ​មក​ម្ល៉េះ​។

ក្រោយ​ពី​ចុះ​ធ្វើការ​ត្រួតពិនិត្យ​អស់តយៈ​ពេល​ជា​ច្រើន​ម៉ោង​រួច​មក លុះដល់​ម៉ោង​១២​ថ្ងៃត្រង់​ថ្ងៃ​ដដែល គេ​ក៏​បានឃើញ​រថយន្ត​ពេទ្យ​ទាំង​៣​គ្រឿង​បាន​ដឹក​មនុស្ស​ប្រុស​-​ស្រី​ជា​ច្រើន​នាក់​ចេញ​ក្លឹប​តំណាល​ៗ​គ្នា ដោយ​មិន​មាន​អ្នក​ណា​ម្នាក់​ដឹង​ថា ដឹក​យក​ទៅ​ប៉ុន្មាន​នាក់​ទេ? និង​យក​ទៅ​កាន់​ទីកន្លែង​ណា​នោះ​ឡើយ?

ក្រោយ​ពី​ក្រុម​គ្រូពេទ្យ​បិទ​បញ្ចប់​ការ​ត្រួតពិនិត្យ​ទីតាំង​ក្លឹ​ប​កំសាន្ត អ៊ិ​ន ប្រាំបី (N8) ដែល​ជាទី​តាំង​សង្ស័យ​ពាក់ព័ន្ធ​ជា​កន្លែង​ផ្ទុះ​នូវ​ជំងឺ​កូ​វី​ដ​១៩ ខាងលើ​រួច​ហើយ កម្លាំង​មាន​សមត្ថកិច្ច​ក៏​បាន​ធ្វើការ​ដក​បា​រ៉ា​ស់​ដែល​ដាក់​បិទ​លើ​ផ្លូវ​លេខ​២៨៦ មិន​ឱ្យ​ឆ្លងកាត់ តាំងពី​យប់​ចេញ និង​ឱ្យ​ជិះ​ធ្វើ​ដំណើរ​បានជា​ធម្មតា​ឡើង​វិញ និង​បាន​បិទ​អាជីវកម្ម​ក្លឹ​ប​កំសាន្ត​ជា​បណ្តោះអាសន្ន​មួយ​រយៈ​ផង​ដែរ ទាល់​តែ​មានការ​អនុញ្ញាតិ​ពី​រាជរដ្ឋាភិបាល ទើប​ឱ្យ​បើក​ដំណើរការ​ជា​ធម្មតា​ឡើង​វិញ​បាន​។

ពាក់ព័ន្ធ​ទៅ​នឹង​ការ​ដាក់​បា​រ៉ា​ស់​បិទ​មិន​ឱ្យ​ចេញ ឬ​ចូល​ទីក្រុង​កោះ​ពេជ្រ​នេះ​ដែរ លុះដល់​ម៉ោង​ប្រមាណ​ជា​៤​ល្ងាច ថ្ងៃ​ទី​២០ ខែកុម្ភៈ ឆ្នាំ​២០២១ ល្ងាច​ថ្ងៃ​ដដែល​នេះ​ដែរ គេ​សង្កេត​ឃើញ​ថា នៅ​ចំណុច​ច្រកចូល​ទ្វារ​ត្រង់​ស្ពាន​នាគ​ភ្លោះ​តែ​មួយ​ប៉ុណ្ណោះ ត្រូវ​បាន​កម្លាំង​មាន​សមត្ថកិច្ច​រើ​បា​រ៉ា​ស់​យក​ចេញ បើក​ឱ្យ​មនុស្ស​អាច​ធ្វើ​ដំណើរ​ចេញ ឬ​ចូល​បាន​ដោយ​សេរី​ជា​ធម្មតា​វិញ​។

ចំណែកឯ​ច្រកចូល​តាម​ស្ពាន​ចំនួន​២​ទៀត គឺ​តាម​ស្ពាន​ហង្ស និង​ស្ពាន​ឥ​ន្ធ​នូ ត្រូវ​បាន​ដាក់​បា​រ៉ា​ស់ និង​មាន​កម្លាំង​សមត្ថកិច្ច​ឈរ​ប្រចាំការ​យាម​មិន​អនុញ្ញាតិ​ឱ្យ​ចេញ ឬ​ចូល​ដដែល និង​ឱ្យ​ចេញ ឬ​ចូល​បាន​តែ​ច្រក​ស្ពាន​នាគ​ភ្លោះ​តែ​មួយ​គត់ ។ រីឯ​ឯ​តាម​បណ្តា​ផ្លូវ និង​ច្រក​មួយ​ចំនួន​ដែល​នៅ​ជុំវិញ​កោះ​ពេជ្រ​នោះ គឺ​មួយ​ចំនួន​ក៏​បាន​បើក និង​មួយ​ចំនួន​ទៀត​ក៏​បន្ត​នៅ​បិទ​ដែរ​។

ដោយឡែក​នៅ​តាម​បណ្តា​អគារ​ការ​មួយ​ចំនួន​ប្រមាណ​ជា​៦​រោង​នៅ​ក្នុង​កោះ​ពេ​ជ្យ​នោះ ក្នុង​នោះ​មាន​ដូច​ជា​នៅ​អគារ A, អគារ E-G-J និង L ខ្លះ​មួយ​អគារ និង​ខ្លះ​២​អគារ ត្រូវ​បាន​គេ​បើក​ការ និង​ទទួលភ្ញៀវ​បានជា​ធម្មតា​ឡើង​វិញ ប៉ុន្តែ​គេ​សង្កេត​ឃើញ​ថា ចំនួន​ភ្ញៀវ​ដែល​បាន​ទៅ​ចូលរួម​ក្នុង​ពិធី​​មង្គលការ​នីមួយ​ៗ ហាក់បីដូចជា​មាន​ចំនួន​ថមថយ និង​មិន​អធិកអធម​ដូច​កាលពីមុន​ៗ​ឡើយ។