រាជធានីភ្នំពេញ ៖ មន្ត្រីរដ្ឋបាលរាជធានីភ្នំពេញបានឱ្យដឹងថា ក្រោយបញ្ចប់កិច្ចប្រជុំជាមួយសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជានៅព្រឹក ថ្ងៃទី២០ ខែកុម្ភៈ ឆ្នាំ២០២១នេះ…
រាជធានីភ្នំពេញ ៖ មន្ត្រីរដ្ឋបាលរាជធានីភ្នំពេញបានឱ្យដឹងថា ក្រោយបញ្ចប់កិច្ចប្រជុំជាមួយសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជានៅព្រឹក ថ្ងៃទី២០ ខែកុម្ភៈ ឆ្នាំ២០២១នេះ លោក ឃួង ស្រេង អភិបាល និងជាប្រធានគណៈបញ្ជាការឯកភាពរាជធានីភ្នំពេញ បានបើកកិច្ចប្រជុំបន្ទាន់មួយ របស់គណៈបញ្ជាការឯកភាពខណ្ឌ ដើម្បីផ្សព្វផ្សាយ និងអនុវត្តតាមបទបញ្ជារបស់សម្ដេចតេជោ នាយករដ្ឋមន្ដ្រីទប់ស្កាត់ជំងឺកូវីដ-១៩ ក្នុងព្រឹត្តិការណ៍សហគមន៍២០ កុម្ភៈ ។
លោក ឃួង ស្រេង បានដាក់បទបញ្ជាបន្ដយ៉ាងម៉ឺងម៉ាត់ជូនប្រធានគណៈបញ្ជាការឯកភាពខណ្ឌទាំង១៤ និងមន្ដ្រីរាជការ កងកម្លាំងប្រដាប់អាវុធពាក់ព័ន្ធ ពិសេសនគរបាល អាវុធហត្ថ និងមន្ដ្រីសុខាភិបាល ត្រូវធ្វើការរួមគ្នាយ៉ាងយកចិត្តទុកដាក់ ពង្រឹងវិធានការបង្ការ និងទប់ស្កាត់ការឆ្លងរីករាដាលជំងឺកូវីដ-១៩ ។
សូមបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញបទបញ្ជា និងអំពាវនាវចំនួន៦ចំណុច ដល់ភាគីពាក់ព័ន្ធទាំងអស់ និងប្រជាពលរដ្ឋ ដើម្បីរួមគ្នាទប់ស្កាត់ព្រឹត្តិការណ៍ «២០កុម្ភៈ» ដែលជាព្រឹត្តិការណ៍ឆ្លងជំងឺកូវីដ១៩ ក្នុងសហគមន៍កម្ពុជាជាថ្មីម្តងទៀត ។ ការចេញបទបញ្ជានេះ បានធ្វើឡើងបន្ទាប់ពីកម្ពុជា បានរកឃើញករណីវិជ្ជមានជំងឺកូវីដ១៩ ចំនួន៣២ករណី នៅលើខ្លួនជនជាតិចិន ដែលបានចូលទៅកាន់ក្លឹបកម្សាន្តមួយឈ្មោះ «N8» នៅយប់ថ្ងៃទី១៩ និង២០ ខែកុម្ភៈ ឆ្នាំ២០២១នេះ ៕
ចែករំលែកព័តមាននេះ