រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាស នៅព្រឹកថ្ងៃទី២០ ខែកុម្ភៈ ឆ្នាំ២០២១ អំពីការផ្ទុះឡើងនូវការឆ្លងព្រឹត្តិការណ៍សហគមន៍…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាស នៅព្រឹកថ្ងៃទី២០ ខែកុម្ភៈ ឆ្នាំ២០២១ អំពីការផ្ទុះឡើងនូវការឆ្លងព្រឹត្តិការណ៍សហគមន៍ ២០ កុម្ភៈ ដោយរកឃើញ៣២ករណី ឆ្លងកូវីដ១៩ ក្នុងសហគមន៍រហូតមានការបិទក្លឹបកម្សាន្ត អិនប្រាំបី (N៨) និងទីតាំងមួយចំនួន ។
សម្តេចបានបញ្ជាក់ថា គិតត្រឹមព្រឹកថ្ងៃទី២០ កុម្ភៈនេះ ជាអកុសល កម្ពុជាបានរកឃើញករណីវិជ្ជមាន កូវីដ១៩ ចំនួន៣២ ករណី រួចទៅហើយ ដូច្នេះសម្តេចបានប្រកាសអំពីការកើតឡើងនូវ «ព្រឹត្តការណ៍សហគមន៍ ២០ កុម្ភៈ ។ ដែលដើមហេតុនៃការរកឃើញករណីឆ្លងក្នុងសហគមន៍នេះ គឺដោយមានបងប្អូនយើងទៅសុំធ្វើតេស្តធ្វើដំណើរទៅក្រៅប្រទេស ស្រាប់តែយើងរកឃើញអ្នកចង់ទៅក្រៅប្រទេសមានវិជ្ជមានកូវីដ១៩ តែម្តង ។
សម្តេចបានធ្វើសេចក្តីថ្លែងការណ៍ពិសេសអំពីស្ថានភាពកូវីដ១៩ នៅកម្ពុជាថា នេះជាស្ថានភាពដ៏អាក្រក់របស់យើង កំពុងប្រយុទ្ធការនាំពីថៃ នៅព្រំដែនកម្ពុជាថៃ វៀតណាមធ្វើបានល្អហើយ ហើយយើងប៉ុន្មានថ្ងៃនេះ ក៏ចាប់បាន ៣១នាក់ អ្នកនាំមនុស្សឆ្លងដែនចូលកម្ពុជាទាំងឆ្លងទៅ និងឆ្លងមក ។
សូមរម្លឹកថាព្រឹតិ្តការណ៍សហគមន៍ ៣ វិច្ឆិកា ឆ្លង៤នាក់ ជាមន្ត្រីជាន់ខ្ពស់ និងមន្ត្រីទូតទួរគី និងព្រឹត្តិការណ៍សហគមន៍ ២៨ វិច្ឆិកា មានអ្នកឆ្លងសរុប៤១ នាក់ និងមានការបិទទីតាំងផ្សារទំនើបអ៊ីអ៊ន និងទីតាំងហាងជាច្រើនៗកន្លែងមួយរយៈ ៕
ចែករំលែកព័តមាននេះ