ខេត្តកំពត ៖ នៅវេលាម៉ោង០៣និង៣០នាទីទៀបភ្លឺ ឈានចូលថ្ងៃទី១៧ ខែកុម្ភៈ ឆ្នាំ២០២១ កងកម្លាំងវរៈសេនាតូច នគរបាលការពារព្រំដែនគោកលេខ៦០១ បានឃាត់ខ្លួនបុរសជាមេខ្យល់ ជនជាតិខ្មែរ…
ខេត្តកំពត ៖ នៅវេលាម៉ោង០៣និង៣០នាទីទៀបភ្លឺ ឈានចូលថ្ងៃទី១៧ ខែកុម្ភៈ ឆ្នាំ២០២១ កងកម្លាំងវរៈសេនាតូច នគរបាលការពារព្រំដែនគោកលេខ៦០១ បានឃាត់ខ្លួនបុរសជាមេខ្យល់ ជនជាតិខ្មែរ ចំនួន០២នាក់ ដែលបាននាំប្រជាពលរដ្ឋវៀតណាម ចំនួន០៣នាក់ (ក្នុងនោះមានស្រី០២នាក់) ឆ្លងដែនខុសច្បាប់ ចូលមកក្នុងប្រទេសកម្ពុជា តាមខេត្តកំពត ។
បច្ចុប្បន្ន សមត្ថកិច្ចខេត្តកំពត បានប្រគល់ជនជាតិវៀតណាម ទាំង០៣នាក់ ទៅឲ្យយោធាការពារព្រំដែនវៀតណាម ហើយបានសំណូមពរភាគីវៀតណាមធ្វើចត្តាឡីស័ក ។ ក្រោយពីពេលធ្វើចត្តាឡីស័ករួច សូមផ្តល់លទ្ធផល នៃការធ្វើតេស្តនេះ មកសមត្ថកិច្ចកម្ពុជាវិញ ។
ដោយឡែក មេខ្យល់ជនជាតិខ្មែរ ទាំង០២នាក់ ត្រូវបានសមត្ថកិច្ច កសាងសំណុំរឿង ដើម្បីអនុវត្តតាមនីតិវិធីច្បាប់ ៕
ចែករំលែកព័តមាននេះ