ខេត្តរតនគិរី ៖ ស្ត្រីម្នាក់បានស្លាប់បាត់បង់ជីវិតភ្លាមៗ នៅនិងកន្លែងកើតហេតុ ដោយសារជួបគ្រោះថ្នាក់ចរាចរណ៍រវាងម៉ូតូ និងរថយន្ត ដែលហេតុការណ៍គ្រោះថ្នាក់ចរាចរណ៍នេះបានកើតឡើង នៅវេលាម៉ោង១៧និង៣០នាទី ថ្ងៃទី១៦ ខែកុម្ភ: ឆ្នាំ២០២១ នៅលើបណ្តោយផ្លូវជាតិលេខ៧៨ ស្ថិតនៅក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ។
ប្រភពពីនគរបាលស្រុកអូរយ៉ាដាវបានឲ្យដឹងថា រថយន្តបង្កមួយគ្រឿងម៉ាក Ford rangerពណ៌ប្រផេះ ពាក់ស្លាកលេខរតនគិរី ២C-៧១៧១ មានទិសដៅពីលិចទៅកើតបុកម៉ូតូពីក្រោយ ហើយអ្នកបើកបរមិនស្គាល់អត្តសញ្ញាណបានចុះរត់គេចខ្លួនបាត់ស្រមោលភ្លាមៗបន្ទាប់ពីកើតហេតុ ។
ជនរងគ្រោះស្លាប់នៅកន្លែងកើតហេតុឈ្មោះ សេវ ផៀក ភេទស្រី អាយុ២៦ឆ្នាំ មានទីលំនៅភូមិឡុំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី បើកបរម៉ូតូមួយគ្រឿងម៉ាក wave ពណ៌ខៀវ អត់ស្លាកលេខ ។
ក្រោយកើតហេតុកម្លាំងប៉ុស្តិ៍រដ្ឋបាលឃុំប៉ក់ញ៉ៃបានចុះមកធ្វើអន្តរាគមន៍វាស់វែងពិនិត្យហើយបានប្រគល់សពឲ្យក្រុមគ្រួសារសាច់ញ្ញាតិយកទៅធ្វើបុណ្យតាមប្រពៃណីផងដែរ។
ចំណែកមធ្យោបាយបង្ករទាំង២គ្រឿង បានកម្លាំងបានយកទៅរក្សាទុកនៅប៉ុស្តិ៍រដ្ឋបាលឃុំប៉កញ៉ៃរងចាំធ្វើការដោះស្រាយគ្នាតាមក្រោយ៕
ចែករំលែកព័តមាននេះ