ឃ្លាឃ្លោងផ្អែមល្ហែមជាច្រើនត្រូវបានសរសេរយ៉ាងផ្ចិតផ្ចង់ដោយមហាសេដ្ឋី គិត ម៉េង នៅក្នុងថ្ងៃ បុណ្យក្តីស្រឡាញ់ ដើម្បីបង្ហាញសេចក្តីស្រឡាញ់អស់ពីដួងចិត្តរបស់លោកចំពោះភរិយា គឺ ស្រី តូច ចំណាន។ សារទាំងនោះបានធ្វើអោយមានការចាប់អារម្មណ៍ខ្លាំងនៅក្នុងបណ្តាញសង្គម។
ខាងក្រោមនេះ ជាខ្លឹមសារនៃសារស្នេហាដ៏ផ្អែមល្ហែមរបស់លោកឧកញ៉ាជូនទៅភរិយា ៖
១ រីករាយថ្ងៃបុណ្យនៃសេចក្តីស្រឡាញ់ មនុស្សដ៏សំខាន់របស់បង។ វត្តមានរបស់អូន គឺជាពរជ័យដ៏ប្រសើរបំផុតក្នុងជីវិតបង ហើយបងពេញចិត្តគ្រប់វិនាទីដែលយើងនៅជាមួយគ្នា។
២ ពេលវេលាពីមួយថ្ងៃទៅមួយថ្ងៃ កាន់តែពិសេស ក៏ព្រោះតែយើងនៅជាមួយគ្នា។
៣ នេះជាភ័ព្វសំណាងរបស់បងដែលបានបង្កើតគ្រួសារដ៏មានសុភមង្គលជាមួយអូន។
៤ មិនថា ជាពេលសប្បាយ ឬកើតទុក្ខ មនុស្សតែម្នាក់គត់ដែលបងចង់ចែករំលែកពេលវេលាក្នុងជីវិត ជាមួយ គឺរូបអូន ។
៥ មានរូបអូនម្នាក់ គឺគ្រប់គ្រាន់ហើយសម្រាប់បង។
៦ គ្រប់ទីកន្លែងដែលបងទៅជាមួយ អូននឹងក្លាយជាទីឋានដ៏អស្ចារ្យ។
៧ ប្រៀបដូចជាទឹកកណ្តាលវាលខ្សាច់ដ៏ធំធេង អូនគឺជាមនុស្សដ៏សំខាន់បំផុតដែល ធ្វើឲ្យជីវិតបងកាន់តែមានភាពស្រស់បំព្រង។
៧ ជីវិតរបស់យើងទាំងពីរ គឺជាដំណើរផ្សងព្រេងដ៏រីករាយ ហើយក៏មិនមានឧបសគ្គណាដែលយើង មិនអាចពុះពារបានឡើយ។
៨ បើទោះបីជាយើងត្រូវវិលត្រឡប់ទៅថ្ងៃបុណ្យនៃសេចក្តី ស្រឡាញ់ដំបូងបង្អស់នៅក្នុងអតីតកាលក៏ដោយក្ដី ក៏បងនៅតែជ្រើសយកអូនជានិច្ច។
៩ ត្រឹមតែស្នាមញញឹមរបស់អូន ក៏អាចធ្វើឲ្យជីវិតបងពោរពេញ ដោយក្ដីសុខដែរ។
១០ បងពិតជារីករាយដែលបានឆ្លង កាត់យុវភាពជាមួយអូន។
១១ មិនថា សមុទ្រធំល្វឹងល្វើយប៉ុនណា ក៏បងមិនរុញរាហែលឆ្លងសមុទ្រ ទៅរកអូនឡើយ។
១២ យើងហោះហើរគយគន់ផ្ទៃមេឃដ៏ស្រស់ស្អាតជាមួយគ្នា។
១៣ ជីវិតបងកាន់តែមានន័យ និងស្រស់បំព្រងនៅពេលមានរូបអូន នៅក្បែរ។
១៤ ការរៀបការមិនមែនត្រឹមតែជាការដែលយើងអាចរួមរស់ជាមួយគ្នាទេ ប៉ុន្តែក៏ជាការរស់នៅជាមួយ មនុស្សដែលយើងមិនអាចខ្វះបានផងដែរ។
១៥ បងទន្ទឹងចង់អបអរថ្ងៃបុណ្យនៃសេចក្តីស្រឡាញ់ពេញមួយជីវិត ជាមួយអូន ។
ចែករំលែកព័តមាននេះ