រាជធានីភ្នំពេញ ៖ ក្រសួងសុខាភិបាលកម្ពុជាបានបញ្ជាក់ថា បានព្យាបាលជាសះស្បើយចំនួន៣នាក់ ខណៈរកមិនឃើញអ្នកឆ្លងថ្មីនោះទេ។ យោងតាមសេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី១៤ កុម្ភៈ ឆ្នាំ២០២១បានឲ្យដឹងថា បានព្យាបាលជាសះស្បើយចំនួន៣នាក់ជាអ្នកដំណើរ២នាក់និង១នាក់ជាពលករខ្មែរមកពីប្រទេសថៃ។ ក្រសួងបានឲ្យដឹងទៀតថា…
រាជធានីភ្នំពេញ ៖ ក្រសួងសុខាភិបាលកម្ពុជាបានបញ្ជាក់ថា បានព្យាបាលជាសះស្បើយចំនួន៣នាក់ ខណៈរកមិនឃើញអ្នកឆ្លងថ្មីនោះទេ។
យោងតាមសេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី១៤ កុម្ភៈ ឆ្នាំ២០២១បានឲ្យដឹងថា បានព្យាបាលជាសះស្បើយចំនួន៣នាក់ជាអ្នកដំណើរ២នាក់និង១នាក់ជាពលករខ្មែរមកពីប្រទេសថៃ។
ក្រសួងបានឲ្យដឹងទៀតថា ករណីជាសះស្បើយចំនួន២នាក់ ដែលជាអ្នកដំណើរចូលមកកម្ពុជា (មិនមែនជាពលករធ្វើដំណើរ មកពីប្រទេសថៃ) គឺ១-ស្ត្រីជនជាតិខ្មែរ អាយុ៧៨ឆ្នាំ មានអាសយដ្ឋានស្នាក់នៅសង្កាត់បឹងសាឡាង ខណ្ឌទួលគោក រាជធានី ភ្នំពេញ ជាអ្នកធ្វើដំណើរមកពីសហរដ្ឋអាមេរិក បន្តជើងហោះហើរនៅប្រទេសកូរ៉េខាងត្បូង មកដល់កម្ពុជា នៅថ្ងៃទី២៤ ខែមករា ឆ្នាំ២០២១។ ស្ត្រីរូបនេះត្រូវបានព្យាបាលជាសះស្បើយដោយទទួលបានលទ្ធផលតេស្ត អវិជ្ជមានវីរុសកូវីដ-១៥ ចំនួន ២លើក ត្រូវបានអនុញ្ញាតឲ្យចេញពីមជ្ឈមណ្ឌលជាតិកំចាត់រោគរបេង និង ហង់សិន រាជធានីភ្នំពេញ។
២-ស្ត្រីជនជាតិខ្មែរ អាយុ ៤៣ឆ្នាំ មានអាសយដ្ឋានស្នាក់នៅសង្កាត់ផ្សារដើមគរ ខណ្ឌទួលគោក រាជធានីភ្នំពេញ ជាអ្នកធ្វើដំណើរមកពីប្រទេសកូរ៉េខាងត្បូង មកដល់កម្ពុជានៅថ្ងៃទី២៤ ខែមករា ឆ្នាំ២០២១។ ស្ត្រីរូបនេះត្រូវបានព្យាបាលជាសះស្បើយដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន២លើក ត្រូវបានអនុញ្ញាតឲ្យចេញពីមណ្ឌលសុខភាពចាក់អង្រែ រាជធានីភ្នំពេញ។
និង៣-ស្ត្រីជនជាតិខ្មែរ ជាពលករធ្វើដំណើរមកពីប្រទេសថៃ អាយុ៣៧ឆ្នាំ មានអាសយដ្ឋានស្នាក់នៅសង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី១៥ ខែមករា ឆ្នាំ២០២១ ត្រូវបានព្យាបាលជាសះស្បើយដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន២លើក ត្រូវបានអនុញ្ញាតឲ្យចេញពីមន្ទីរពេទ្យបង្អែក ខេត្តប៉ៃលិន។
សូមជម្រាបថា អ្នកឆ្លងកូវីដ១៩សរុបចំនួន៤៧៩នាក់ ព្យាបាលជាសះស្បើយ៤៦៥នាក់និងកំពុងសម្រាកព្យាបាលចំនួន១០នាក់ ៕
ចែករំលែកព័តមាននេះ