ការជួបជុំរបស់ពលរដ្ឋនៅតំបន់ទេសចរណ៍នានា ហាក់មិនបានពាក់ម៉ាស ឲ្យបានខ្ជាប់ខ្ជួននោះទេ។ សកម្មភាពបែបនេះ នៅក្នុងពេលដែលពិភពលោកនៅតែប្រឈមជាមួយកូវីដ១៩ដដែលនោះ ហាក់បានធ្វើឲ្យកម្ពុជាប្រឈមទៅនឹងការឆ្លងរាលដាល់ជំងឺកូវីដ១៩នេះ ក្នុងសហគមន៍ជាថ្មី។
ក្រៅពីនៅតាមរមណីយដ្ឋានទេសចរណ៍ ដែលអ្នកទេសចរជាច្រើនមិនបានពាក់ម៉ាសនោះ សូម្បីនៅតាមហាងលក់ទំនិញ និងកន្លែងលក់អាហារមួយចំនួន ហាក់បានធ្វេសប្រហែសនៅក្នុងការអនុវត្តវិធានការការពារកូវីដ១៩ ដូចជាការដែលត្រូវវ៉ាស់កម្តៅភ្ញៀវ ផ្តល់អាកុលលាងដៃ ឲ្យបានហ្មត់ចត់នោះ។ ពលរដ្ឋហាក់បានធ្វេសប្រហែសជាមួយជំងឺកូវី១៩ នៅពេលដែលវិធានការការពារទាំងអស់នៅជាធរមាននៅឡើយ ទោះបីប្រទេសនេះបានផ្តើមចាក់វ៉ាក់សំាងដល់ពលរដ្ឋពីថ្ងៃទី១០កុម្ភៈមកនោះក្តី។
កូវីដ១៩នៅតែជាក្តីបារម្ពរបស់ពិភពលោក ហើយវិធានការពារនានានៅតែមានជាធរមាន។ រហូតដល់ថ្ងៃទី ១២កុម្ភ: ២០២១ ករណីកូវីដ១៩ នៅកម្ពុជា មាន៤៧៨នាក់ ចំនួនសម្រាកពេទ្យនៅសល់ ១៩នាក់ និងចំនួនជាសះស្បេីយសរុប៤៥៩នាក់ និង ស្លាប់គ្មាន ។
ក្រសួងសុខាភិបាលថា “ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសយេីងកំពុងរាត្បាតក្នុងសហគមន៍ និងប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយ ។ យើងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា “។
រូបភាពដែលភ្ជាប់មកជាមួយ គឺបានពីកន្លែងដែលពលរដ្ឋកំពុងដើរកម្សាន្តនៅក្នុងឱកាសចុងសប្តាហ៍ និងក្នុងពិធីបុណ្យចូលឆ្នាំថ្មីជនជាតិចិននិងវៀតណាម ។ ឃើញរូបភាពដែលអ្នកទេសចរជាច្រើនមិនបានម៉ាសនិងអ្នកចូលរួមកម្មវិធីចូលឆ្នាំចិន ក៍មិនបានពាក់ម៉ាសដូច្នេះ ជាក្តីបារម្ភមួយ។ការជួបជុំនិងការដែលមិនពាក់ម៉ាសដូច្នេះ មានហានិភ័យខ្ពស់ណាស់។ ម៉ាសមួយថ្លៃ៥០០រៀល ឬកន្លែងខ្លះមានការចែកជូនដោយឥតគិតថ្លៃ ហេតុអ្វីពលរដ្ឋមិនពាក់។ ហេតុអ្វីពលរដ្ឋមិនអនុវត្តតាមវិធានការរបស់អាជ្ញាធរ?
លោក ម៉ម ប៊ុនហេង រដ្ឋមន្រ្តីក្រសួងសុខាភិបាល ធ្លាប់បានប្រមានឲ្យពលរដ្ឋត្រូវអនុវត្តវិធានការការពារឲ្យបានហ្មត់ចត់ កុំចាំពេលឃើញមឈូសបានស្រក់ទឹកភ្នែក៕
ចែករំលែកព័តមាននេះ