បន្ទាយមានជ័យ ៖ កម្លាំងឈរតាមបន្ទាត់ព្រំដែន បានឃាត់ពលករចំណាក់ស្រុកខុសប្រុស/ស្រីជាង១០នាក់ នៅយប់ទាបភ្លឺចូលថ្ងៃទី១១ ខែកុម្ភៈ ឆ្នាំ២០២១ ក្នុងភូមិសាស្ត្រខេត្តបន្ទាយមានជ័យ ។ លោកឧត្តមសេនីយ៍ទោ…
បន្ទាយមានជ័យ ៖ កម្លាំងឈរតាមបន្ទាត់ព្រំដែន បានឃាត់ពលករចំណាក់ស្រុកខុសប្រុស/ស្រីជាង១០នាក់ នៅយប់ទាបភ្លឺចូលថ្ងៃទី១១ ខែកុម្ភៈ ឆ្នាំ២០២១ ក្នុងភូមិសាស្ត្រខេត្តបន្ទាយមានជ័យ ។
លោកឧត្តមសេនីយ៍ទោ សេង ធារិន មេបញ្ជាការរង និងជានាយសេនាធិការយោធភូមិភាគទី៥ បានអោយដឹងថា ជាការណែនាំពីឯកឧត្តម ហ៊ុន ម៉ាណែត អគ្គបញ្ជាការរងកងយោធពលខេរភូមិន្ទ និងជាមេបញ្ជាការកងទ័ពជើងគោក និងឯកឧត្តម ឯក សំអូន មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៥ ។
កងកម្លាំងឈជើងតាមបន្ទាត់ព្រំដែនបានខិតខំយកចិត្តទុកដាក់ ការពារបូរណភាពទឹកដី និងទប់ស្កាត់បទល្មើសតាមបន្ទាត់ព្រំដែន ពលករចំណាក់ស្រុកខុសច្បាប់ ដើម្បីបង្ការទប់ស្កាត់កូវីដ១៩ និងអនុវត្តតាមការណែនាំរបស់ក្រសួងសុខាភិបាល ។
លោកឧត្តមសេនីយ៍ទោ សេង ធារិន បានបញ្ជាក់ថា ដើម្បីពង្រឹងការត្រួតពិនិត្យកងកម្លាំងឈរជើងតាមបន្ទាត់ព្រំដែនបានទប់ស្កាត់ពលករចំណាក់ស្រុកខុសច្បាប់ប្រុស/ស្រី និងក្មេងបម្រង់ឆ្លងដែនខុសឃាត់ជាបន្តបន្ទាប់ប្រមានជាង១០ នាក់ ក្នុងភូមិសាស្គ្រខេត្តបន្ទាយមានជ័យ ហើយត្រូវបានបញ្ជូនមកដាក់តាមមណ្ឌលចត្តាឡីស័ក ។
លោក លី សុវណ្ណារិទ្ធ អភិបាលស្រុកអូរជ្រៅបានប្រាប់ថា រហូតដល់ល្ងាចថ្ងៃទី១១ ខែកុម្ភៈ ឆ្នាំ២០២១ ពលករខ្មែរដែលត្រឡប់ពីថៃ និងថៃចាប់បញ្ជូនចូលតាមច្រកអូរបីជាន់ស្រុកអូរជ្រៅមានចំនួន១៩៣នាក់ ស្រី៩៣នាក់ បើប្រៀបធៀបកាលថ្ងៃទី១០ ខែកុម្ភៈ ឆ្នាំ២០២១មានចំនួន១៥១នាក់ស្រី៧៦នាក់ ក្រោយពេលត្រួតពិនិត្យនិងធ្វើចត្តាឡីស័កព្រំដែនហើយត្រូវបានដឹកជញ្ជូនតាមរថយន្តក្រសួងការពារជាតិដាក់តាមមណ្ឌលធ្វើចត្តាឡីស័ករយៈពេល១៤ថ្ងៃ នៅខេត្តបន្ទាយមានជ័យ ៕
ចែករំលែកព័តមាននេះ