ខេត្តសៀមរាប ៖ ភ្លើងឆេះផ្ទះពលរដ្ឋ២ល្វែង ក្នុងដីឡូត៍តែមួយ ម្ចាស់តែមួយ ប្រភេទផ្ទះផ្ទាល់ដីប្រក់ស័ង្កសី ជញ្ជាំងក្ដា បណ្ដាលឱ្យខូចខាតប្រាក់ដុល្លារចំនួន ៤០០០ដុល្លារអាមេរិច ម៉ូតូចំនួន…
ខេត្តសៀមរាប ៖ ភ្លើងឆេះផ្ទះពលរដ្ឋ២ល្វែង ក្នុងដីឡូត៍តែមួយ ម្ចាស់តែមួយ ប្រភេទផ្ទះផ្ទាល់ដីប្រក់ស័ង្កសី ជញ្ជាំងក្ដា បណ្ដាលឱ្យខូចខាតប្រាក់ដុល្លារចំនួន ៤០០០ដុល្លារអាមេរិច ម៉ូតូចំនួន ៣គ្រឿង រ៉ឺម៉កចំនួន២គ្រឿង និងសម្ភារ:ប្រើប្រាស់ផ្សេងៗក្នុងផ្ទះទាំងស្រុង ហេតុការណ៍នេះកើតឡើងនៅវេលាម៉ោង១៧និង៣០នាទីល្ងាច ថ្ងៃទី១១ ខែកុម្ភៈ ឆ្នាំ២០២១ នៅចំណុចភូមិអញ្ចាញ សង្កាត់នគរធំ ក្រុង ខេត្តសៀមរាប ។
មន្ត្រីកងរាជអាវុធហត្ថខេត្តបានឱ្យដឹងថា ផ្ទះពលរដ្ឋ ដែលរងការឆេះផ្ទះអស់ទាំងស្រុង ចំនួន២ល្វែង គឺនៅជាប់គ្នា ក្នុងទីតាំងដីឡូត៍តែមួយ ម្ចាស់តែមួយ ដែលមានប្រភេទផ្ទះផ្ទាល់ដី ប្រក់ស័ង្កសី ជញ្ជាំងក្ដា ទំហំ៖-ទី១/ទំហំ ៧x១២ម៉ែត្រ។ទី២/ ទំហំ ៦x១២ម៉ែត្រ ។
ម្ចាស់ផ្ទះទាំង២ល្វែងមានឈ្មោះ (ប្ដី) ទេព សំបាន អាយុ៤៦ឆ្នាំ មុខរបរលក់ដូរ និងប្រពន្ធឈ្មោះ ជាតិ សាហៀង អាយុ២៣ឆ្នាំ មុខរបរលក់ដូរ ។ ករណីនេះ បណ្ដាលឱ្យខូចខាតប្រាក់ដុល្លារចំនួន ៤០០០ដុល្លារអាមេរិច ម៉ូតូចំនួន ៣គ្រឿង រ៉ឺម៉កចំនួន២គ្រឿង និងសម្ភារ:ប្រើប្រាស់ផ្សេងៗក្នុងផ្ទះទាំងស្រុង ។
ក្នុងប្រតិបត្តិការ នេះកម្លាំងកងរាជអាវុធ ហត្ថខេត្ត/ក្រុងសៀមរាប ចំនួន១៥នាក់ ដឹកនាំដោយលោកវរសេនីយ៍ទោ ប្រាក់ វណ្ណៈ មេបញ្ជាការមូលដ្ឋានកងរាជអាវុធហត្ថក្រុងសៀមរាប ដោយប្រើប្រាស់រថយន្ដពន្លត់អគ្គីភ័យចំនួន ៧គ្រឿង ប្រើអស់ទឹកចំនួន៤ឡាន ស្មើនឹង១៦០០០លីត្រ ។ ក្នុងនោះ រថយន្ដរបស់កងរាជអាវុធហត្ថខេត្តចំនួន២គ្រឿង ប្រើទឹកអស់១ឡាន ស្មើ ៣០០០លីត្រ ។ រថយន្ដរបស់ស្នងការនគរបាលខេត្ត ចំនួន៣គ្រឿង ប្រើទឹកអស់១ឡានស្មើ៦០០០លីត្រ ។ រថយន្ដរបស់អាជ្ញាធរអប្សរាចំនួន ២គ្រឿង ប្រើទឹកអស់២ ឡានស្មើ៧០០០លីត្រ។
ចំពោះមូលហេតុទុស្សេខ្សែភ្លើង។ ទោះជាយ៉ាងណាករណីឆេះផ្ទះពលរដ្ឋទាំង២ខ្នងនេះ ពុំបណ្ដាលឱ្យឆេះរាលដាល ឬរងគ្រោះថ្នាក់ដល់មនុស្ស និងសត្វឡើយ ដោយរលត់វិញទាំងស្រុង នៅវេលាម៉ោង១៨និង៣០នាទីល្ងាចថ្ងៃដដែល ៕
ចែករំលែកព័តមាននេះ