រាជធានីភ្នំពេញ ៖ ឣគ្គីភ័យមួយបង្កឡើងដោយការអុជធូបទៀន ក្នុងថ្ងៃសែនចូលឆ្នាំចិនរួចហើយមិនបានពន្លត់ចាក់សោចេញទៅក្រៅបាត់ ភ្លើងទៀនបានឆាបឆេះផ្ទះល្វែងមួយកន្លែង កាលពីវេលាម៉ោង១និង៣០នាទី រសៀលថ្ងៃទី១១ ខែកុម្ភៈ ឆ្នាំ២០២១ ស្ថិតតាមបណ្តោយផ្លូវបេតុង…
រាជធានីភ្នំពេញ ៖ ឣគ្គីភ័យមួយបង្កឡើងដោយការអុជធូបទៀន ក្នុងថ្ងៃសែនចូលឆ្នាំចិនរួចហើយមិនបានពន្លត់ចាក់សោចេញទៅក្រៅបាត់ ភ្លើងទៀនបានឆាបឆេះផ្ទះល្វែងមួយកន្លែង កាលពីវេលាម៉ោង១និង៣០នាទី រសៀលថ្ងៃទី១១ ខែកុម្ភៈ ឆ្នាំ២០២១ ស្ថិតតាមបណ្តោយផ្លូវបេតុង ក្រុមទី០៤ ភូមិឣូរគីដេ សង្កាត់ឣូរបែកក្អម ខណ្ឌសែនសុខ រាជធានីភ្នំពេញ ។
ម្ចាស់ផ្ទះរងគ្រោះ មានឈ្មោះ ឡាវ ម៉េង ភេទប្រុស ឣាយុ៤៣ឆ្នាំ មុខរបរលក់ដូរ ត្រូវអគ្គិភ័យឆាបឆេះផ្ទះល្វែង ដែលមានទំហំ ៤គុណនឹង១២ម៉ែត្រ ។
តាមប្រភពព័ត៌មានពីសមត្ថកិច្ច នាយកដ្ឋាននគរបាលបង្ការពន្លត់អគ្គិភ័យ បានឲ្យដឹងថា មូលហេតុបង្កជាអគ្គិភ័យនេះ គឺដោយសារម្ចាស់ផ្ទះ បានរៀបចំឣុជធូបទៀន ក្នុងថ្ងៃសែនចូលឆ្នាំចិន ខណៈប្រញាប់ប្រញាល់ទៅជួបជុំក្រុមគ្រួសារសាច់ញាតិ នៅផ្ទះមួយទៀត ក៏បានចាក់សោរទ្វារចេញទៅ ដោយមិនបានពន្លត់ ឫចាំដល់ទៀនធូបឆេះអស់នោះទេ គឺទានបន្តឆេះ នៅលើកន្លែងសែនកុងម៉ា បណ្តាលឲ្យឆាបឆេះជាឣណ្តាតភ្លើង បង្កឲ្យមានការភ្ញាក់ផ្អើលដល់ផ្ទះប្រជាពលរដ្ឋ រស់នៅក្បែរៗ នាំគ្នាចេញមកជួយ ទាញទុយោបាញ់ទឹក និងយកបំពង់ពន្លត់ឣគ្គីភ័យ ជួយបាញ់ពន្លត់ផងដែរ ។
ប្រភពពីសមត្ថកិច្ច បានបន្តថា បន្ទាប់មកមានរថយន្តពន្លត់ឣគ្គីភ័យរបស់ស្នងការដ្ឋាននគរបាលរាជធានីភ្នំពេញ ចំនួន២គ្រឿងចេញទៅឣន្តរាគមន៍ បាញ់ទឹក ទើបរលត់ទាំងស្រុង នៅម៉ោង ១៣និង៥០នាទីរសៀល នាថ្ងៃខែឆាំ្នដដែល ។
សមត្ថកិច្ច បានបញ្ជាក់ឲ្យដឹងថា ហេតុការណ៍គ្រោះឣគ្គីភ័យខាងលើនេះ ពុំមានបណ្តាលឲ្យមានឣ្នករងរបួសនោះទេ គ្រាន់តែខូចខាតសម្ភាររបស់ម្ចាស់ផ្ទះមួយចំនួនប៉ុណ្ណោះ ៕
ចែករំលែកព័តមាននេះ