កូរ៉េខាងត្បូង ៖ ទីក្រុងសេអ៊ូល ប្រទេសកូរ៉េខាងត្បូងបានចាប់ផ្តើមយុទ្ធនាការធ្វើតេស្តរកកូវីដ១៩លើសត្វចិញ្ចឹមសុនខនិងឆ្មា ដែលជាការប្រុងប្រយ័ត្នថ្មីមួយបន្ថែមទៀតពីការឆ្លងរាតត្បាតនៃវីរុសនេះ។ បន្ទាប់ពីរដ្ឋធានីមួយនេះ បានប្រកាសរកឃើញករណីវិជ្ជមានលើកដំបូងលើសត្វឆ្មាចិញ្ចឹម១ក្បាលកាលពីថ្ងៃទី២១ ខែមករា ឆ្នាំ២០២១ កន្លងទៅ។…
កូរ៉េខាងត្បូង ៖ ទីក្រុងសេអ៊ូល ប្រទេសកូរ៉េខាងត្បូងបានចាប់ផ្តើមយុទ្ធនាការធ្វើតេស្
តរកកូវីដ១៩លើសត្វចិញ្ចឹមសុនខនិងឆ្មា ដែលជាការប្រុងប្រយ័ត្នថ្មីមួយបន្ថែមទៀតពីការឆ្លងរាតត្បាតនៃវីរុសនេះ។ បន្ទាប់ពីរដ្ឋធានីមួយនេះ បានប្រកាសរកឃើញករណីវិជ្ជមានលើកដំបូងលើសត្វឆ្មាចិញ្ចឹម១ក្បាលកាលពីថ្ងៃទី២១ ខែមករា ឆ្នាំ២០២១ កន្លងទៅ។
យោងតាមទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងបានរាយការណ៍ថា មានតែសុនខនិងឆ្មាចិញ្ចឹមមានរោគសញ្ញាដូចជាគ្រុនក្តៅ, ក្អក និងបញ្ហាផ្លូវដង្ហើមតែប៉ុណ្ណោះ ដែលនឹងត្រូវទទួលការធ្វើតេស្តដោយពុំគិតថ្លៃ។
មន្ត្រីជំនាញគ្រប់គ្រងជំងឺឆ្លងនៃទីក្រុងសេអ៊ូលលោកស្រី Park Yoo-mi បានថ្លែងឱ្យដឹងថា ប្រសិនបើសត្វចិញ្ចឹមធ្វើតេស្តវិជ្ជមានវានឹងតម្រូវដាក់ក្នុងផ្ទះរយៈពេល១៤ថ្ងៃ ដោយមិនត្រូវបញ្ជូនទៅកន្លែងធ្វើចត្តាឡីស័កនោះទេ។ ព្រោះមិនមានភស្តុតាងផ្លូវការណាមួយបញ្ជាក់ថា កូវីដ១៩អាចចម្លងពីសត្វចិញ្ចឹមទៅមនុស្សឡើយ។
ជាមួយគ្នានេះ លោកស្រីក៏បានណែនាំដល់ម្ចាស់ត្រូវរក្សាទុកសត្វចិញ្ចឹមខ្លួន នៅឆ្ងាយពីអ្នកដទៃនិងសត្វចិញ្ចឹមផ្សេងទៀតយ៉ាងហោច២ម៉ែត្រ។ ហើយធ្វើតាមវិធានការកំចាត់មេរោគដោយពាក់ម៉ាស់ និងលាងដៃក្រោយពេលប៉ះសត្វចិញ្ចឹមខ្លួន ដើម្បីបង្កាការចម្លងទៅកាន់សត្វដទៃទៀត៕ (ដកស្រង់ចេញពី Metro)
ចែករំលែកព័តមាននេះ