ខេត្តស្ទឹងត្រែង ៖ ជនសង្ស័យម្នាក់ត្រូវបានកម្លាំងសមត្ថកិច្ចចាប់ខ្លួន ក្រោយពាក់ព័ន្ធករណីហិង្សាដោយចេតនាលើយុវជនម្នាក់ បណ្តាលឲ្យរងរបួសធ្ងន់ ។ ការឃាត់ខ្លួនជនសង្ស័យខាងលើ សមត្ថកិច្ចបានធ្វើឡើងនៅផ្ទះជនសង្ស័យ ភូមិថាឡាបរិវ៉ាត់ ឃុំថាឡាបរិវ៉ាត់…
ខេត្តស្ទឹងត្រែង ៖ ជនសង្ស័យម្នាក់ត្រូវបានកម្លាំងសមត្ថកិច្ចចាប់ខ្លួន ក្រោយពាក់ព័ន្ធករណីហិង្សាដោយចេតនាលើយុវជនម្នាក់ បណ្តាលឲ្យរងរបួសធ្ងន់ ។ ការឃាត់ខ្លួនជនសង្ស័យខាងលើ សមត្ថកិច្ចបានធ្វើឡើងនៅផ្ទះជនសង្ស័យ ភូមិថាឡាបរិវ៉ាត់ ឃុំថាឡាបរិវ៉ាត់ នារសៀលថ្ងៃទី៩ ខែកុម្ភៈ ឆ្នាំ២០២១ ។
យោងតាមប្រភពពីសមត្ថកិច្ចអោយដឹងថា កាលពីវេលាម៉ោង១១និង៣០ នាទីយប់ ថ្ងៃទី៣១ ខែមករា ឆ្នាំ២០២១ នៅចំណុចក្បែរខណ្ឌរដ្ឋបាលព្រៃឈើភូមិព្រែកសង្កាត់ស្ទឹងត្រែង ក្រុងស្ទឹងត្រែង មានករណីជនសង្ស័យមួយក្រុមបានប្រើប្រាស់អាវុធចុងស្រួច កាប់យុវជនម្នាក់ បណ្ដាលឱ្យរងរបួសជាច្រើនកន្លែង ។
បន្ទាប់កើតហេតុជនសង្ស័យរត់គេចខ្លួន ហើយសមត្ថកិច្ចបានបើកការស្រាវជ្រាវ និងតាមចាប់ជនសង្ស័យរហូត នៅរសៀល ថ្ងៃទី៩ ខែកុម្ភៈនេះ សមត្ថកិច្ចចាប់ខ្លួនជនសង្ស័យបានឈ្មោះ ថ្លៃ ជីវិត ហៅតុញ អាយុ ២១ឆ្នាំរស់ នៅភូមិ ថាឡាបរិវ៉ាត់ឃុំ ថាឡាបរិវ៉ាត់ ស្រុកថាឡាបរិវ៉ាត់ ។
តាមប្រភពដដែលបន្តថា ជនសង្ស័យបានកាប់ទៅលើជនរងគ្រោះឈ្មោះ លិ ចាន់ឡុង អាយុ១៨ឆ្នាំបណ្ដាលឲ្យរងរបួសជាច្រើនកន្លែង ។
សមត្ថកិច្ចបានប្រាប់បន្ថែមថា ជនសង្ស័យក្នុងករណីហិង្សាដោយចេតនា (មានស្ថានទម្ងន់ទោស) និងប្រើប្រាស់សារធាតុញៀនត្រូវបានរៀបចំកសាងសំណុំរឿងបញ្ជូនទៅតុលាការបន្តតាមនីតិវិធីច្បាប់ ៕
ចែករំលែកព័តមាននេះ