រាជធានីភ្នំពេញ ៖ ព្រឹកថ្ងៃទី១០ ខែកុម្ភៈ ឆ្នាំ២០២១នេះ គឺជាថ្ងៃទី១ នៃយុទ្ធនាការចាក់វ៉ាក់សាំងកូវី១៩ សម្រាប់ប្រទេសកម្ពុជា សម្រាប់ជំហានដំបូង គឺការចាក់វ៉ាក់សាំងសម្រាប់ឥស្សរជន…
រាជធានីភ្នំពេញ ៖ ព្រឹកថ្ងៃទី១០ ខែកុម្ភៈ ឆ្នាំ២០២១នេះ គឺជាថ្ងៃទី១ នៃយុទ្ធនាការចាក់វ៉ាក់សាំងកូវី១៩ សម្រាប់ប្រទេសកម្ពុជា សម្រាប់ជំហានដំបូង គឺការចាក់វ៉ាក់សាំងសម្រាប់ឥស្សរជន ថ្នាក់ ទេសរដ្ឋមន្ត្រី រដ្ឋមន្ត្រី រដ្ឋលេខាធិការ ឬមានឋានៈស្មើ អនុរដ្ឋលេខធិការ ក៏ដូចជាឥស្សរជនជាអភិបាលនៃគណៈអភិបាលរាជាធានី-ខេត្ត ជាដើម នៅទីតាំងចំនួន ៤ ដែលក្រសួងសុខាភិបាលបានរៀបចំ ។
ជាក់ស្តែងនៅព្រឹកថ្ងៃទី ១០ ខែកុម្ភៈ គេឃើញមានវត្តមានឥស្សរជនកំពូលជាច្រើនរូបដែលមានអាយុចាប់ពី ១៨ ឆ្នាំដល់ ៥៩ ឆ្នាំ បានបង្ហោះនូវរូបភាពព្រោងព្រាតលើបណ្តាញសង្គមហ្វេសប៊ុក ប្រកាសថា រូបលោកបានចាក់វ៉ាក់សាំង Sinopharm ដែលជាវ៉ាក់សាំងជំនួយពីរដ្ឋាភិបាលប្រទេសចិន ។
វ៉ាក់សាំង SARS-Cov-2 ដែលផលិតដោយក្រុមហ៊ុន China National Pharmaceutical Group Co. Ltd. (SINOPHARM) នៃសាធារណរដ្ឋប្រជាមានិតចិន គឺជាប្រភេទវ៉ាក់សាំងដែលផលិតចេញពីគម្រូវីរុសដែលខ្សោយ និងដកចេញសារធាតុបង្កររោគ ដែលត្រូវចាក់ចូលក្នុងខ្លួន ដើម្បីឱ្យប្រព័ន្ធភាពស៊ាំអាចបង្កើតអង្គបដិបក្ខដើម្បីប្រឆាំងមេរោគ។
ខាងក្រោមនេះ គឺជាឈ្មោះឥស្សរជនដែលបានចាក់វ៉ាក់សាំងកូវីដ ១៩ រូចនៅព្រឹកថ្ងៃទី ១០ ខែកុម្ភៈ ក្នុងនោះរួមមាន ៖
១- ឧត្តមសេនីយ៍ឯក ហ៊ុន ម៉ាណែត កូនប្រុសច្បងសម្តេចតេជោ និងជាមេបញ្ជាការកងយោធពលខេមរភូមិន្ទត្រូវបានតម្លើងឋានៈជាប្រជាប្រធានយុវជនគណបក្សប្រជាជនកម្ពុជាកាលពីពេលថ្មីកន្លងមកបានសរសេរលើហ្វេសប៊ុករបស់លោកថា «ខ្ញុំបានចាក់វ៉ាក់សាំងការពារកូវីដ-១៩ រួចហើយ »។
២- កូនប្រុសទី២ របស់សម្តេចតជោ គឺឯកឧត្តម ឧត្តមសេនីយ៍ឯក ហ៊ុន ម៉ានិត អគ្គនាយក នៃអគ្គនាយកដ្ឋានស្រាវជ្រាវចារកិច្ច ក្រសួងការពារជាតិ និងជាសមាជិកក្រុមប្រឹក្សាភិបាល មជ្ឈមណ្ឌល កំចាត់មីនកម្ពុជា
៣- កូនប្រុសទី៣ របស់សម្តេចតេជោ គឺឯកឧត្តម ហ៊ុន ម៉ានី ប្រធានគណៈកម្មការអប់រំ យុវជន និងកីឡា កិច្ចការសាសនា វប្បធម៌ និងទេសចរណ៍ នៃរដ្ឋសភា
៤- កូនប្រសារសម្តេចតេជោ លោក ឯកឧត្តម សុខ ពុទ្ធិវុធ រដ្ឋលេខាធិការ ក្រសួងប្រៃសណីយ៍ និងទូរគមនាគមន៍
៥ – លោក ជិន ម៉ាលីន រដ្ឋលេខាធិការក្រសួងយុត្តិធម៌ បានមានប្រសាសន៍ថា «យុទ្ធនាការចាក់វ៉ាក់សាំងការពារកូវីដ-១៩! យើងជឿជាក់លើវិធានការរបស់រដ្ឋាភិបាលក្នុងការទប់ស្កាត់បង្ការការឆ្លងកូវីដ-១៩ និងការពារអាយុជីវិត និងសុខុមាលភាពរបស់ពលរដ្ឋ។ សូមបងប្អូនបន្តចូលរួមជាមួយរដ្ឋាភិបាល ដើម្បីអាយុជីវិតន ិងសុខុមាលភាពរបស់យើងទាំងអស់គ្នា» ។
៦- លោក គួច ចំរើន និងភរិយា ក៏បានប្រកាសថា «យើងខ្ញុំ បានចាក់ វ៉ាក់សាំង COVID-19 លើកទី1 រួចហើយ នៅមន្ទីរពេទ្យមិត្តភាពខ្មែរសូវៀត»។
៧- លោក គង់ សោភ័ណ្ឌ អភិបាលខេត្តកណ្តាល
៨ – ឯកឧត្តម គឹម សន្តិភាព រដ្ឋលេខាធិការក្រសួងយុត្តិធម៌ ក៏បានប្រកាសថា «ខ្ញុំបានចាក់វ៉ាក់សាំងការពារកូវីដ-១៩ Sinopham រួចហើយនៅព្រឹកថ្ងៃទី១០ ខែកុម្ភៈ ឆ្នាំ២០២១ នាមន្ទីរពេទ្យកាល់ម៉ែត! សុខុមាលភាពរបស់ប្រជាពលរដ្ឋ គឺជាក្តីកង្វល់របស់រាជរដ្ឋាភិបាល! រាជរដ្ឋាភិបាលសម្តេចតេជោ ជានិច្ចកាលនៅជាមួយប្រជាពលរដ្ឋគ្រប់កាលៈទេសៈ!» ។
៩- លោកស្រី ឱ វណ្ណឌីន រដ្ឋលេខាធិការ និងអ្នកនាំពាក្យក្រសួងសុខាភិបាល។
១០- ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌។
១១- ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន។
១២- លោកស្រី យក់ សម្បត្តិ រដ្ឋលេខាធិការក្រសួងសុខាភិបាល។
១៣- ឯកឧត្តម ម៉ៅ ធនិន អភិបាលខេត្តពោធិ៍សាត់។
១៤- ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប។
១៥- ឯកឧត្តម ឃួង ស្រេង អភិបាលរាជធានីភ្នំពេញ។
១៦- លោកជំទាវ បាន ស្រីមុំ អភិបាលខេត្តប៉ៃលិន
ចែករំលែកព័តមាននេះ