ប្រជាពលរដ្ឋ ៦៦៩គ្រួសារ ទទួលអំណោយពីអង្គការប្រតិបត្តិការកុមារកម្ពុជា
- បាត់ដំបង
បាត់ដំបង៖ នៅព្រឹកថ្ងៃទី៨ ខែកុម្ភ: ឆ្នាំ២០២១ ស្ថិតក្នុងបរិវេណវត្តឯកសុវណ្ណ ហៅ វត្តកូនក្អែក ស្ថិតក្នុងភូមិកូនក្អែក១ ឃុំរបស់មង្គល ស្រុកមោងឫស្សី…
បាត់ដំបង៖ នៅព្រឹកថ្ងៃទី៨ ខែកុម្ភ: ឆ្នាំ២០២១ ស្ថិតក្នុងបរិវេណវត្តឯកសុវណ្ណ ហៅ វត្តកូនក្អែក ស្ថិតក្នុងភូមិកូនក្អែក១ ឃុំរបស់មង្គល ស្រុកមោងឫស្សី ខេត្តបាត់ដំបង លោកស្រី ទិត្យ សាដារី នាយិការអង្គការប្រតិបត្តិការកុមារកម្ពុជា បាននាំយកអំណោយរបស់អង្គការរបស់គាត់ ចែកជូនដល់ប្រជាពលរដ្ឋ នៅក្នុងឃុំរបស់មង្គល ស្រុកមោងឫស្សី ខេត្តបាត់ដំបង ដែលបានទទួលរងគ្រោះដោយទឹកជំនន់ នាពេលកន្លងទៅ និងជួបការលំបាកខ្វះខាត។
លោកឧត្តមសេនីយ៍ត្រី សៅ សាម៉ុន ស្នងការរង និងជាអនុប្រធានក្រុមការងារថ្នាក់ជាតិ ចុះជួយឃុំរបស់មង្គល តំណាងលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាល ខេត្តបាត់ដំបង អនុប្រធានក្រុមការងារថ្នាក់ជាតិ ចុះជួយស្រុកមោងឫស្សី និងជាប្រធានក្រុមការងារថ្នាក់ជាតិ ចុះជួយឃុំរបស់មង្គល លោក ពេជ្រ ម៉ាឡៃ ប្រធានក្រុមប្រឹក្សាស្រុកមោងឫស្សី លោក ទេព ហន អភិបាលនៃគណៈអភិបាលស្រុកមោងឫស្សី និងលោក ទូច ហឹម ប្រធានក្រុមប្រឹក្សាឃុំរបស់មង្គល ព្រមទាំងលោក លោកស្រី ជាស្នងការរង នាយការិយាល័យ ដែលជាអនុប្រធាន និងសមាជិកក្រុមការងារថ្នាក់ជាតិ ចុះជួយឃុំរបស់មង្គល បានអញ្ជើញចូលរួមក្នុងពិធីប្រគល់ ទទួលអំណោយនេះ។
ក្នុងឃុំរបស់មង្គល មានចំនួន ១២ភូមិ និងមានចំនួន ១.១០៨គ្រួសារ ដែលត្រូវទទួលអំណោយតែដោយស្ថានភាពផ្លូវលំបាក ប្រជាពលរដ្ឋនៅភូមិអន្លង់ត្រាច ចំនួន ៤៣៩ គ្រួសារ នឹងត្រូវចែកជូននៅពេលបន្ទាប់ ហើយពេលនេះ បានចែកជូនចំនួន ៦៦៩គ្រួសារសិន។
អំណោយដែលទទួលបាននៅពេលនេះ មួយគ្រួសារៗ ទទួលបាន៖ អង្ករចំនួន ២៥គីឡូក្រាម មីចំនួន ០១កេសតូច ត្រីខកំប៉ុងចំនួន ០១យួរ ទឹកត្រីចំនួន ០១យួរ ទឹកស៊ីអ៊ីវចំនួន ០១យួរ អំបិលអនាម័យចំនួន ០១គីឡូក្រាម ស្ករស ចំនួន ០១គីឡូក្រាម ប្រេងឆាចំនួន ០១ដប៕ ដោយ៖ ហួត សុងហាក់
ចែករំលែកព័តមាននេះ