ខេត្តបន្ទាយមានជ័យ ៖ ព្រះសង្ឃមួយអង្គត្រូវបានមន្ត្រីមន្ទីរធម្មការបានចាប់សឹកភ្លាមៗ បន្ទាប់ពីជាប់ចោទប្រកាន់ពីបទរំលោភសេពសន្ថវៈទៅលើអនីតិជនអាយុ១៤ឆ្នាំ ហើយត្រូវបានកម្លាំងកងរាជអាវុធហត្ថខេត្តបន្ទាយមានជ័យ រៀបចំសំណុំរឿងបញ្ជូនខ្លួនទៅសាលាដំបូងខេត្ត នៅថ្ងៃទី០៧ ខែកុម្ភៈ ឆ្នាំ២០២១ ពីបទរួមភេទជាមួយក្មេងស្រីជាអនីតិជន…
ខេត្តបន្ទាយមានជ័យ ៖ ព្រះសង្ឃមួយអង្គត្រូវបានមន្ត្រីមន្ទីរធម្មការបានចាប់សឹកភ្លាមៗ បន្ទាប់ពីជាប់ចោទប្រកាន់ពីបទរំលោភសេពសន្ថវៈទៅលើអនីតិជនអាយុ១៤ឆ្នាំ ហើយត្រូវបានកម្លាំងកងរាជអាវុធហត្ថខេត្តបន្ទាយមានជ័យ រៀបចំសំណុំរឿងបញ្ជូនខ្លួនទៅសាលាដំបូងខេត្ត នៅថ្ងៃទី០៧ ខែកុម្ភៈ ឆ្នាំ២០២១ ពីបទរួមភេទជាមួយក្មេងស្រីជាអនីតិជន និងប្រើប្រាស់នូវសារធាតុញៀនខុសច្បាប់ផងដែរ។
បើតាមលោកវរសេនីយ៍ត្រី ស៊ិន រ៉ាស៊ី មេបញ្ជាការមូលដ្ឋានកងរាជអាវុធហត្ថស្រុកព្រះនេត្រព្រះ បានឲ្យដឹងថា នៅថ្ងៃទី០៦ ខែកុម្ភៈ ឆ្នាំ២០២១ ក្រោយពីទទួលបានពាក្យបណ្ដឹងរបស់ឪពុកជនរងគ្រោះអាយុ៤៥ឆ្នាំ ថា មានករណីព្រះសង្ឃមួយអង្គបានរួមមេត្រីជាមួយក្មេងស្រីកូនខ្លួន ដែលហេតុការណណ៍នេះកើតឡើងក្នុងកុដ្ឋ នៅវត្តសុវណ្ណគីរីភ្នំជញ្ជាំង ស្ថិតក្នុងភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ ។
លោកមេបញ្ជាការមូលដ្ឋានកងរាជអាវុធហត្ថស្រុកព្រះនេត្រព្រះបានបន្តថា ក្រោយមកលោកក៏បានដឹកនាំកម្លាំងមូលដ្ឋាន កងរាជអាវុធហត្ថស្រុកព្រះនេត្រព្រះ សហការជាមួយមន្ទីរធម្មការ និងសាសនាខេត្ត ចុះទៅដល់កន្លែងកើតហេតុនៅវត្តសុវណ្ណគីរីភ្នំជញ្ជាំង ស្ថិតក្នុងភូមិភ្នំជញ្ជាំង ឃុំជប់វ៉ារី ស្រុកព្រះនេត្រព្រះ ។ បន្ទាប់មក មន្ត្រីមន្ទីរធម្មការក៏បានរៀបចំពិធីចាប់ផ្សឹកលោកសង្ឃមួយអង្គព្រះនាម ម៉ាន់ មុំ ដែលបានប្រព្រឹត្តខុសនឹងវិន័យសង្ឈ និងប្រើប្រាស់គ្រឿងញៀន ហើយប្រគល់ឱ្យកម្លាំងមូលកងរាជអាវុធហត្ថស្រុក ដើម្បីចាត់ការតាមនីតិវិធី។
លោកមេបញ្ជាការអាវុធហត្ថស្រុកព្រះនេត្រព្រះ បានបន្តថា ក្រោយពីផ្សឹកហើយ ជនសង្ស័យឈ្មោះ ម៉ាន់ មុំ ហៅព្រែក ត្រូវបានកម្លាំងកងរាជអាវុធហត្ថនាំខ្លួនមកសួរនាំនៅមូលដ្ឋានកងរាជអាវុធហត្ថស្រុកព្រះនេត្រព្រះតែម្តង។
នៅចំពោះមុខសមត្ថកិច្ច ជនសង្ស័យរូបនេះបានឆ្លើយសារភាពថា កាលពីរូបគេនៅជាសង្ឃបានស្គាល់ជាមួយនារីរងគ្រោះអាយុ១៤ឆ្នាំរូបនេះនៅក្នុងពិធីបុណ្យសពលោកគ្រូនៅវត្តស្រមោចក្នុងកំឡុងឆ្នាំ២០២០ ហើយក៏មានទំនាក់ទំនងគ្នាតាមរយៈឆាតហ្វេសប៊ុក រហូតក៏បានស្រលាញ់គ្នាតែម្តង ព្រមទាំងបានរួមមេត្រីនឹងគ្នាជាញឹកញាប់ផងដែរក្នុងកុដ្ឋរបស់ខ្លួននៅវត្តគីរីភ្នំជញ្ជាំង ស្រុកព្រះនេត្រព្រះ ។
ជនសង្ស័យរូបនេះ សារភាពបន្តថា ហើយនៅថ្ងៃទី០២ កុម្ភៈ ឆ្នាំ២០២១នេះ នារីរងគ្រោះបានមករួមមេត្រីជាមួយរូបគេនៅក្នុងកុដ្ឋដដែល ហើយដេកនៅក្នុងកុដ្ឋជាមួយរូបគេរហូតដល់ភ្លឺ លុះព្រឹកឡើងទើបត្រឡប់ទៅផ្ទះវិញ ។ រហូតដល់ថ្ងៃទី០៦ ខែកុម្ភៈ ក៏ស្រាប់តែមានសមត្ថកិច្ច និងមន្ត្រីមន្ទីរធម្មការ និងសាសនាខេត្ត បានចុះមកដល់វត្តធ្វើពិធីផ្សឹករូបគេ រួចហើយប្រគល់ឱ្យសមត្ថកិច្ចឃាត់ខ្លួនរូបគេតែម្តង ៕
ចែករំលែកព័តមាននេះ