កម្ពុជាស្វែងរកទិញវ៉ាក់សាំងកូវីដបន្ថែមពីចិន ឥណ្ឌា ថៃ និងរុស្ស៊ី
- ភ្នំពេញ
ភ្នំពេញ៖ ក្នុងសន្និសីទកាសែត នៅអាកាសយានដ្ឋានអន្តរជាតិភ្នំពេញ បន្ទាប់ពីទទួលវ៉ាក់សាំងរបស់ចិន ៦០ម៉ឺនដូស នាល្ងាចថ្ងៃទី៧ ខែកុម្ភៈ ឆ្នាំ២០២១ សម្តេចតេជោ ហ៊ុន…
ភ្នំពេញ៖ ក្នុងសន្និសីទកាសែត នៅអាកាសយានដ្ឋានអន្តរជាតិភ្នំពេញ បន្ទាប់ពីទទួលវ៉ាក់សាំងរបស់ចិន ៦០ម៉ឺនដូស នាល្ងាចថ្ងៃទី៧ ខែកុម្ភៈ ឆ្នាំ២០២១ សម្តេចតេជោ ហ៊ុន…
ភ្នំពេញ៖ ក្នុងសន្និសីទកាសែត នៅអាកាសយានដ្ឋានអន្តរជាតិភ្នំពេញ បន្ទាប់ពីទទួលវ៉ាក់សាំងរបស់ចិន ៦០ម៉ឺនដូស នាល្ងាចថ្ងៃទី៧ ខែកុម្ភៈ ឆ្នាំ២០២១ សម្តេចតេជោ ហ៊ុន សែន បានប្រកាសថា កម្ពុជាកំពុងស្វែងរកទិញវ៉ាក់សាំងកូវីដ១៩ បន្ថែមពីចិន ឥណ្ឌា ថៃ និងរុស្ស៊ី។
ដោយរម្លឹកឡើងវិញពីតម្រូវការរបស់កម្ពុជា ក្នុងការរកវ៉ាក់សាំងកូវីដ១៩ ឲ្យបាន ២០លានដូស សម្រាប់ចាក់ជូនប្រជាជនកម្ពុជា ឲ្យបានយ៉ាងហោចណាស់ ១០លាននាក់ សម្តេចតេជោ ហ៊ុន សែន បានប្រកាសថា កម្ពុជា ទទួលបានជំនួយវ៉ាក់សាំង ១លានដូសពីចិន ដែលនៅថ្ងៃនេះ ទទួលបានជំហានដំបូង ៦០ម៉ឺនដូស ហើយសម្តេច បានសរសេរលិខិតជូននាយករដ្ឋមន្ត្រីចិនរួចហើយ ដើម្បីស្នើសុំបន្ថែម ឬក៏ទិញបន្ថែម ដោយប្រើប្រាស់លុយជំនួយរបស់ចិន ដែលបានសន្យាផ្តល់ឲ្យកន្លងមក។ ក្រៅពីនោះ យើងក៏ទទួលជំនួយពីឥណ្ឌា ១សែនដូស ហើយយើងក៏កំពុងចរចាទិញពីឥណ្ឌា ចន្លោះពី ១លាន ដល់ ៤លានដូស។ វ៉ាក់សាំងរបស់ឥណ្ឌា ប្រើប្រាស់រូបមន្តផលិតរបស់អង់គ្លេស អាស្តាហ្សេនីកា។
សម្តេចតេជោ ហ៊ុន សែន បន្ថែមថា យើងក៏កំពុងចរចាទិញពីថៃ ចាប់ពីឥឡូវនេះ ដោយថៃនឹងចាប់ផ្តើមផលិតវ៉ាក់សាំង អាស្តាហ្សេនីការបស់អង់គ្លេស នៅខែឧសភាខាងមុខ។ កម្ពុជាយើង ក៏កំពុងចរចាទិញវ៉ាក់សាំងពីរុស្ស៊ី ផងដែរ។
សម្តេចតេជោ ហ៊ុន សែន បន្ថែមថា ការចរចាទិញវ៉ាក់សាំងពីឥណ្ឌា ថៃ និងរុស្ស៊ី គឺយើងអាចប្រើសាច់ប្រាក់សុទ្ធ ដើម្បីទូទាត់ឲ្យគេតែម្តង។
សម្តេចតេជោ ហ៊ុន សែន ក៏បានលើកឡើងជាថ្មីពីជំនួយវ៉ាក់សាំង ១១លានដូស ដែលកម្ពុជា នឹងទទួលបាន រួមមាន៖ ចិន ១លានដូស ៧លានដូសពីកូវ៉ាក់ តាមរយៈអង្គការសុខភាពពិភពលោក ដែលនៅពេលនេះ វ៉ាក់សាំងអង់គ្លេស អាស្តាហ្សេនីកា បានផ្តល់ឲ្យអង្គការសុខភាពពិភពលោក ២០០លានដូស សម្រាប់ចែកដល់ប្រទេសក្រីក្រ ដែលកម្ពុជាយើងសង្ឃឹមទទួលបានដែរ រួមទាំងថវិការបស់អូស្ត្រាលី ២៨លានដុល្លារអាមេរិក សម្រាប់ទិញវ៉ាក់សាំងបាន ៣លានដូស៕
ចែករំលែកព័តមាននេះ