ខេត្តបន្ទាយមានជ័យ ៖ ដើមខែកុម្ភៈនេះ រយៈពេលតែ៣ថ្ងៃប៉ុណ្ណោះ ក៏មានករណីផ្តាច់ជីវិតខ្លួន ដោយយកក្រម៉ា ខ្សែ ឫក៏របស់របរផ្សេងៗយកមកចងភ្ជាប់នឹង.កខ្លួនឯង ដើម្បីបញ្ចប់ជីវិត ដែលបានកើតឡើងមានចំនួន៧ករណីមកហើយ…
ខេត្តបន្ទាយមានជ័យ ៖ ដើមខែកុម្ភៈនេះ រយៈពេលតែ៣ថ្ងៃប៉ុណ្ណោះ ក៏មានករណីផ្តាច់ជីវិតខ្លួន ដោយយកក្រម៉ា ខ្សែ ឫក៏របស់របរផ្សេងៗយកមកចងភ្ជាប់នឹង.កខ្លួនឯង ដើម្បីបញ្ចប់ជីវិត ដែលបានកើតឡើងមានចំនួន៧ករណីមកហើយ បណ្តាលឱ្យបាត់បង់ជីវិតចំនួន៧នាក់ ក្នុងនោះស្រី២នាក់ នេះបើគិតត្រឹមថ្ងៃទី៥ ខែកុម្ភៈ ឆ្នាំ២០២១កន្លងទៅនេះ។
យោងតាមរបាយការណ៍របស់ស្នងការដ្ឋាននគរបាលខេត្តបន្ទាយមានជ័យបានឱ្យដឹងថា ដើមខែកុម្ភៈ ឆ្នាំ២០២១នេះ មានករណីផ្តាច់ជីវិតខ្លួនឯងចំនួន៧ករណី ដែលបណ្តាលឱ្យមនុស្សបាត់បង់ជីវិត៧នាក់ ក្នុងនោះមានស្រីចំនួន២នាក់ផងដែរ។
ដោយករណីទី១- កាលថ្ងៃទី០៣ ខែកុម្ភៈ ឆ្នាំ២០២១ មានជនរងគ្រោះឈ្មោះ មឿន វ៉ាន់ជីវ ភេទប្រុស អាយុ២០ឆ្នាំ រស់នៅភូមិព្រែកល្ពៅ ឃុំឫស្សីក្រោក ស្រុកមង្គលបូរី មូលហេតុដោយសារតែវិបត្តិស្នេហា។
ករណីទី២- ថ្ងៃទី០៣ ខែកុម្ភៈ ឆ្នាំ២០២១ ជនរងគ្រោះឈ្មោះ ស៊ុយ ឈូក ភេទប្រុស អាយុ៨០ឆ្នាំ រស់នៅភូមិកោះកែវ ឃុំឫស្សីក្រោក ស្រុកមង្គលបូរី មូលហេតុដោយមានជំងឺលើសឈាម ដើរមិនរួច។
ករណី៣- កាលថ្ងៃទី០៤ ខែកុម្ភៈ ឆ្នាំ២០២១ មានជនរងគ្រោះឈ្មោះ ហែ ឃាត ភេទប្រុសអាយុ៥៩ឆ្នាំ រស់នៅភូមិអំពិល ឃុំផ្គាំ ស្រុកស្វាយចេក មូលហេតុដោយតែមានជំងឺសរសៃប្រសាទ។
ករណី៤- កាលថ្ងៃទី០៥ ខែកុម្ភៈ ឆ្នាំ២០២១ មានជនរងគ្រោះឈ្មោះ សុត វឿន ភេទប្រុស អាយុ៦១ឆ្នាំ រស់នៅភូមិអូរអណ្តូង ឃុំបន្ទាយនាង ស្រុកមង្គលបូរី មូលហេតុព្រោះតែប្រចណ្ឌជាមួយនឹងប្រពន្ធ។
ករណី៥- នៅថ្ងៃទី០៥ ខែកុម្ភៈ ឆ្នាំ២០២១មានជនរងគ្រោះឈ្មោះ សុភាព រក្សា ភេទស្រី អាយុ២១ឆ្នាំ រស់នៅភូមិត្នោត ឃុំសឿគាំ ស្រុកមង្គលបូរី មូលហេតុដោយឈ្លោះប្រកែកជាមួយប្តី។
ករណី៦- នៅថ្ងៃទី០៥ ខែកុម្ភៈ ឆ្នាំ២០២១ មានជនរងគ្រោះឈ្មោះ កេន យ៉ៃ ភេទស្រី អាយុ៩២ឆ្នាំ រស់នៅភូមិអូរជួប ឃុំរហាត់ ស្រុកមង្គលបូរី មូលហេតុដោយសារមានជំងឺខ្សោយបេះដូង និងវង្វេង២ដង។
និងករណី៧- នៅថ្ងៃទី០៥ ខែកុម្ភៈ ឆ្នាំ២០២១ មានជនរងគ្រោះឈ្មោះ ភើយ សុផាត ភេទប្រុស អាយុ២០ឆ្នាំ រស់នៅភូមិកូបធំ សង្កាត់និមិត្ត ក្រុងប៉ោយប៉ែត មូលហេតុដោយសារប្រើប្រាស់គ្រឿងញៀនរលាកស្រោមខួររហូតកើតជំងឺសរសៃប្រសាទ៕
ចែករំលែកព័តមាននេះ