Klopp ថាមានទម្រង់ដ៏ពិសេសដើម្បីតទល់ជាមួយ Man City យប់នេះ
អង់គ្លេស ៖ លោក Jürgen Klopp បានលើកឡើងថា Liverpool នឹងប្រើប្រាស់ទម្រង់លេងដែលពិសេសដើម្បីតទល់ជាមួយនឹងក្រុមកំពូលតារាង Manchester City…
អង់គ្លេស ៖ លោក Jürgen Klopp បានលើកឡើងថា Liverpool នឹងប្រើប្រាស់ទម្រង់លេងដែលពិសេសដើម្បីតទល់ជាមួយនឹងក្រុមកំពូលតារាង Manchester City នៅយប់នេះ។
Liverpool មានបញ្ហាទម្រង់លេងយ៉ាងខ្លាំងចាប់តាំងពីចុងឆ្នាំ២០២០ ដោយសារតែវិបត្តិកីឡាកររងរបួស។ ពួកគេឈ្នះតែ៣ប៉ុណ្ណោះ ក្នុងចំណោម១០ប្រកួតគ្រប់កម្មវិធីទាំងអស់។ ប៉ុន្តែបើយើងក្រឡេកទៅ Man City វិញ កំពុងតែពេញទម្រង់យ៉ាងល្អ ដោយមិនទាន់ស្គាល់បរាជ័យនៅ១៣ប្រកួតចុងក្រោយរបស់ពួកគេ។
លោក Klopp បានមានប្រសាសន៍ថា «ស្ថានភាពឥឡូវនេះ បើប្រៀបធៀបនឹងខែមករា កាលពីឆ្នាំមុន គឺខុសគ្នាទាំងស្រុង។ ប៉ុន្តែពិតណាស់អ្វីៗអាចផ្លាស់ប្តូរយ៉ាងឆាប់រហ័ស។ យើងត្រូវលេងក្នុងកម្រិតខ្ពស់បំផុត ពីព្រោះអ្នកមិនមានឪកាសងាយស្រួលពេលប៉ះ Man City នោះទេ។ ដូច្នេះអ្នកត្រូវតែមានទម្រង់លេងដ៏ពិសេសមួយក្នុងជំនួបនេះ។ ហើយនោះជាអ្វីដែលយើងនឹងព្យាយាម»៕
សូមបញ្ជាក់ជូនថា Liverpool បច្ចុប្បន្នកំពុងស្ថិតនៅចំណាត់ថ្នាក់ទី៤ ដោយមាន៤០ពិន្ទុ និងមានគម្លាតរហូតដល់៧ពិន្ទុពីក្រុមកំពូលតារាង Man City ។(ដកស្រង់ចេញពី The Guardian)
ចែករំលែកព័តមាននេះ