គួរអប់រំចិត្តឱ្យក្នុងគន្លងធម្មតាធម៌
បុគ្គលគប្បីអប់រំចិត្ត ចម្រើនបញ្ញាឲ្យឃើញថា អ្វីៗគ្រប់យ៉ាង ជាធម្មតាធម៌ដូចជា ជរាធម្មតា ព្យាធិធម្មតា មរណធម្មតា ព្រាត់ប្រាសធម្មតា វិបាកកម្មក៏ជាធម្មតា ។…
បុគ្គលគប្បីអប់រំចិត្ត ចម្រើនបញ្ញាឲ្យឃើញថា អ្វីៗគ្រប់យ៉ាង ជាធម្មតាធម៌ដូចជា ជរាធម្មតា ព្យាធិធម្មតា មរណធម្មតា ព្រាត់ប្រាសធម្មតា វិបាកកម្មក៏ជាធម្មតា ។
កាលដែលបានឃើញថា អ្វីៗគឺជាធម្មតាធម៌ ក៏មិនប្រកាន់ ហើយក៏មិនមានអ្វីណាមកធ្វើឲ្យកើតទុក្ខតាមផ្លូវចិត្តបានឡើយ ។
ដោយហេតុថា តាមធម្មតាបុគ្គលល្ងង់ខ្លៅ សម្គាល់នូវពាក្យទ្រគោះបោះបោក ថាជាជ័យជម្នះ ចំណែកអ្នកចេះដឹង មានសេចក្ដីអត់ធន់ ជាជ័យជម្នះ នេះជាធម្មតាធម៌របស់មនុស្សជាតិ ។
ហេតុនេះយើងបានជួបព្រះធម៌ជាពាក្យទូន្មានរបស់ព្រះសម្មាសម្ពុទ្ធហើយ គួរពុទ្ធបរិស័ទព្យាយាមបំពេញសេចក្ដីល្អតាមព្រះពុទ្ធអង្គទ្រង់ណែនាំ គួរឲ្យព្រះធម៌គ្រប់គ្រងចិត្ត មិនគួរឲ្យកិលេសគ្រប់គ្រងចិត្តឡើយ ដើម្បីឱ្យជីវិតស្ថិតក្នុងគន្លងព្រះធម៌ឱ្យទៅជាទម្លាប់ជាប់តាមធម្មតាធម៌សុខបវរពិតជាកើតមាន ៕ សាន សារិន
ចែករំលែកព័តមាននេះ